काठमाडौँ । भारतीय फास्ट बलर जसप्रित बुमराह च्याम्पियन्स ट्रफीबाट बाहिरिएका छन् ।

चोटबाट निको हुन नसकेपछि उनको स्थानमा हर्षित राणालाई अन्तिम टोलीमा समावेश गरिएको हो ।

फेब्रुअरी ११ आईसीसी प्रतियोगिताका लागि टोली परिवर्तन गर्ने अन्तिम मिति थियो । टीम इन्डियाले बुमराहसँगै यशस्वी जैसवाललाई पनि बाहिर राखेको छ ।

यशस्वीको स्थानमा वरुण चक्रवर्ती टोलीमा परेका छन् । यशस्वी ट्राभलिङ रिजर्भ हुनेछन्, उनीसँगै शिवम दुबे र मोहम्मद सिराज पनि रिजर्भ खेलाडीमा परेका छन् ।

बुमराहको ढाडको चोट फेब्रुअरी ७ मा स्क्यान गरिएको थियो । बुमराहलाई इंग्ल्याण्ड विरुद्धको एकदिवसीय सिरिजका लागि पनि टिममा छनोट गरिएको थियो ।

तर, उनको स्थानमा वरुण चक्रवर्तीलाई टोलीमा समावेश गरिएको थियो ।

च्याम्पियन्स ट्रफीका लागि भारतीय टोलिः
रोहित शर्मा (कप्तान), शुभमन गिल, विराट कोहली, श्रेयस अय्यर, केएल राहुल (विकेटकिपर), ऋषभ पन्त (विकेटकिपर), हार्दिक पाण्ड्या, रविन्द्र जडेजा, अक्षर पटेल, वाशिंगटन सुन्दर, हर्षित राणा, मोहम्मद शामी, अर्शदीप सिंह, वरुण चक्रवती र कुलदीप यादव ।

रिजर्भः यशस्वी जैसवाल, मोहम्मद सिराज र शिवम दुबे ।

एजेन्सी । भारतीय तिब्र गतिका बलर जसप्रित बुमराह आईसीसी टेस्ट प्लेयर अफ द इयर घोषित भएका छन् ।

इंग्ल्याण्डका जो रुट, ह्यारी ब्रुक र श्रीलंकाका कामिन्दु मेन्डिस पनि यो दौडमा थिए । अन्तर्राष्ट्रिय क्रिकेट काउन्सिल (आईसीसी) ले सोमबार यो घोषणा गरेको हो ।

बुमराह यो उपाधि पाउने पहिलो भारतीय फास्ट बलर हुन् । उनले गत वर्ष ७१ विकेट लिएका थिए ।

बुमराह बाहेक अफगानिस्तानका अजमातुल्लाहले ओडीआई प्लेयर अफ द इयरको अवार्ड पाए । महिलातर्फ भारतकी उपकप्तान स्मृति मन्धाना वर्षको उत्कृष्ट एकदिवसीय खेलाडी भइन् ।

अन्तर्राष्ट्रिय क्रिकेट काउन्सिल (आईसीसी)ले हरेक वर्ष टी–२०, एकदिवसीय र टेस्टका उत्कृष्ट खेलाडीलाई सम्मान गर्दै आएको छ ।

एजेन्सी । जसप्रित बुमराहले आइतबार मेलबर्नमा भएको बक्सिङ डे टेस्टको चौथो दिन अस्ट्रेलियाविरुद्ध आफ्नो २०० औँ टेस्ट विकेट लिएका छन् । सन् २०१८ मा टेस्ट डेब्यू गरेका बुमराहले ६ वर्षपछि २०० विकेट पुराएका हुन् ।

पहिलो इनिङ्समा चार विकेट लिएपछि बुमराहले अस्ट्रेलियाको दोस्रो इनिङ्समा दोस्रो विकेट लिएर यो उपलब्धि हासिल गरेका हुन् । बुमराहले बर्थडे केटा ट्राभिस हेडलाई १ रनमा आउट गरेर आफ्नो २०० औं विकेट मनाए।उनले आफ्नो ४४ औं टेस्ट खेलमा यो उपलब्धि हासिल गरेका हुन् । यससँगै बुमराह प्याट कमिन्स र कागिसो रबाडाको विशेष क्लबमा प्रवेश गरेका छन् ।

यस्तै, जसप्रित बुमराहले आफ्नो २०० औं टेस्ट विकेट कुल ८४८४ बलमा लिएका छन् । यससँगै उनी सबैभन्दा छिटो २०० टेस्ट विकेट लिने भारतीय बलर बनेका छन् । उनले ९८९६ बल बलिङ गर्ने मोहम्मद शामीलाई पछि पार्दै टेस्टमा आफ्नो २०० औं विकेट लिए ।समग्रमा, बुमराह सबैभन्दा छिटो २०० विकेट पूरा गर्ने चौथो बलर बने र उनीभन्दा अगाडि वकार युनिस, डेल स्टेन र कागिसो रबाडा छन्।

सबैभन्दा कम बलमा २०० टेस्ट विकेटहरू:
वकार युनिस – ७७२५
डेल स्टेन – ७८४८
कागिसो रबाडा – ८१५४
जसप्रित बुमराह – ८४८४
माल्कम मार्शल –९२३४

एजेन्सी । इङ्ल्यान्डकी पूर्व क्रिकेटर तथा फक्स स्पोर्ट्स कमेन्टेटर ईसा गुहाले भारतीय बलर जसप्रित बुमराहलाई जातिय टिप्पणीका लागि माफी मागेकी छन् ।

ईसाले १५ डिसेम्बर आइतवार बोर्डर–गावस्कर ट्रफीको गाब्बा टेस्टको दोस्रो दिन कमेन्टरीका क्रममा बुमराहका लागि प्राइमेट शब्द प्रयोग गरेकी थिइन् ।

प्राइमेटको अर्थ बाँदर पनि हो । यसपछि यो कुराले गति लिन थालेपछि ईसाले बुमराहसँग माफी मागेकी थिइन् ।

ईसा अहिलेको उत्कृष्ट महिला कमेन्टेटरमध्ये एक हुन् । उनी विश्वभरका लिग, सिरिज र आईसीसी टूर्नामेन्टमा कमेन्टिङ गर्ने गर्छिन् ।

म माफी चाहन्छु यदि मेरो शब्दले तपाईलाई चोट पुर्यायो – ईसा

उनले भनिन्, ‘आइतबार कमेन्ट्रीका क्रममा मैले एउटा शब्द प्रयोग गरेँ जसको अर्थ धेरै छ । सर्वप्रथम म माफी चाहन्छु । यदि मैले केहि गलत भनेको छु वा कसैलाई चोट पुर्याएको छु भने, म माफी चाहन्छु ।’

उनले थप भनिन्, ‘म सबैलाई सम्मान गर्छु, यदि तपाईंले कमेन्टीको सम्पूर्ण ट्रान्सक्रिप्ट सुन्नुभयो भने, तपाईंले थाहा पाउनुहुनेछ कि म भारतका महान खेलाडीहरूको प्रशंसा गरिरहेको थिएँ । म समानतामा विश्वास गर्छु । मैले बुमराहको सफलता र उपलब्धिको बारेमा मात्र कुरा गरिरहेको थिएँ । सायद मैले यसको लागि गलत शब्द प्रयोग गरेको छु, जसको लागि म माफी चाहन्छु ।’

ईसाले १६ वर्षको उमेरमा अन्तर्राष्ट्रिय डेब्यु गरेकी थिइन्
ईसा इंग्ल्याण्डकी पूर्व फास्ट बलर हुन् । उनले १६ वर्षको उमेरमा अन्तर्राष्ट्रिय क्रिकेटमा डेब्यु गरेकी थिइन् । ईसाले इंग्ल्याण्डका लागि ८ टेस्टमा २९ विकेट लिएकी थिइन् । योसँगै उनले ८३ एकदिवसीय खेलमा १०१ विकेट लिएकी छन् । ईसाले टी–२० मा १८ विकेट लिएकी छन् ।

एजेन्सी । गत महिनाको अन्त्यमा सकिएको टी–२० विश्वकप २०२४ मा भारतीय फास्ट बलर जसप्रित बुमराहले उत्कृष्ट प्रदर्शन गरेका थिए । फाइनलमा बुमराहले आफ्नो बलिङले भारतलाई जित दिलाएका थिए ।

जसप्रित बुमराह उत्कृष्ट प्रदर्शनका लागि प्लेयर अफ द टुर्नामेन्ट चुनिए । अब बुमराहको नाममा अर्को उपलब्धि थपिएको छ ।

उनले आईसीसी ‘प्लेयर अफ दी मन्थ’ उपाधि जितेका छन् । यसका लागि भारतीय फास्ट बलरले रोहित शर्मा र रहमानउल्लाह गुरबाजलाई पछाडि छोडेका छन् ।

टी–२० विश्वकपमा उनले ८ खेलको ८ इनिङ्समा ८.२६ को औसत र ४.१७ को इकोनोमीमा १५ विकेट लिए । उनी प्रतियोगितामा दोस्रो सर्वाधिक विकेट लिने खेलाडी हुन् । अफगानिस्तानका फजलहक फारुकी र अर्शदीप सिंहले १७–१७ विकेट लिएका थिए ।

एजेन्सी । जसप्रित बुमराह बिहीबार वानखेडे स्टेडियममा रोयल च्यालेन्जर्स बैंगलोर (आरसीबी)विरुद्ध चम्किए । मुम्बई इन्डियन्सका फास्ट बलर (जसप्रित बुमराह)ले आरसीबीविरुद्ध पाँच विकेट लिए ।

जसप्रित बुमराहले आईपीएलमा ५ विकेट लिएर इतिहास रचेका छन् । उनी आरसीबीविरुद्ध पाँच विकेट लिने पहिलो बलर बनेका छन् । बुमराहले आशिष नेहराको ९ वर्ष पुरानो कीर्तिमान पनि तोडे ।

आईपीएल २०२४ को २५ औं खेलमा मुम्बई इन्डियन्सले रोयल च्यालेन्जर्स बैंगलोरको सामना गर्यो । पहिले ब्याटिङ गरेको बैंगलोरले २० विकेट गुमाएर १९६ रन बनाएको थियो । उक्त लक्ष्य मुम्बईले १५.३ ओभरमा ३ विकेट गुमाएर पुरा गरेको थियो । जसप्रित बुमराहले आईपीएलको इतिहासमा दोस्रो पटक पाँच विकेट लिने कीर्तिमान बनाएका छन् ।

बुमराहले ४ ओभरमा २१ रन दिएर ५ विकेट लिए र आईपीएलको इतिहासमा दुई पटक पाँच विकेट लिने तेस्रो भारतीय फास्ट बलर बने । समग्रमा चौथो खेलाडी पनि हुन् । यो सूचीमा जेम्स फकनर पहिलो स्थानमा छन् । जयदेव उनाडकट दोस्रो र भुवनेश्वर कुमार तेस्रो स्थानमा छन् ।

बुमराह आरसीबीविरुद्ध एक इनिङमा पाँच विकेट लिने पहिलो बलर बनेका छन् । उनले २०१५ मा चेन्नईको लागि आशिष नेहराको को रेकर्ड तोडे । यससँगै आरसीबी विरुद्ध सबैभन्दा बढी विकेट लिने मामिलामा बुमराहले रविन्द्र जडेजा, सन्दीप शर्मा र सुनिल नारायणलाई पछाडि छोडेका छन् । आरसीबीविरुद्ध बुमराहले सर्वाधिक २९ विकेट लिएका छन् ।

बुमराहले आरसीबीका ओपनर विराट कोहलीलाई पहिलो पावरप्लेमा आउट गरेका थिए । आफ्नो दोस्रो स्पेलमा कप्तान फाफ डु प्लेसिसले महिपाल लोमरोरलाई उत्कृष्ट योर्करको फन्दामा पारे । त्यसपछि १९ औं ओभरमा उनले सौरभ चौहान र विजयकुमार विशाकलाई लगातार बलमा आउट गर्दै पाँच विकेट पुरा गरे ।

एजेन्सी । भारतीय बलर जसप्रित बुमराहले आईसीसीले बुधबार सार्वजनिक गरेको पछिल्लो टेस्ट वरियतामा नम्बर १ मा स्थान बनाएका छन् । बुमराह नम्बर १ बनेसँगै भारतले इतिहास रच्यो ।

आईसीसी टेस्ट वरियतामा कुनै भारतीय फास्ट बलर शीर्ष स्थानमा पुगेको यो पहिलो पटक हो । जसप्रित बुमराहले विशाखापट्टनम टेस्टमा इंग्ल्याण्डविरुद्ध कुल ९ विकेट लिएका थिए जसका कारण उनलाई धेरै फाइदा भयो ।

बुमराहको उत्कृष्ट प्रदर्शनको आधारमा भारतले दोस्रो टेस्टमा इंग्ल्यान्डलाई १०६ रनले पराजित गर्दै शृङ्खला १–१ को बराबरी गरेको छ । यस प्रदर्शनका आधारमा बुमराहले तीन स्थान सुधार गर्दै बलिङ वरियतामा शीर्ष स्थानमा पुगेका छन् । तर, बुमराहको फाइदाका कारण रविचन्द्रन आश्विनलाई ठूलो घाटा भयो ।

रविचन्द्रन आश्विन गत मार्चदेखि शीर्ष स्थानमा थिए । उनले इङ्ल्यान्डविरुद्धको दोस्रो टेस्टमा मात्र तीन विकेट लिन सके र जसका कारण उनले दुई स्थान गुमाए । आश्विन पछिल्लो वरियतामा दुई स्थान झर्दै तेस्रो स्थानमा पुगेका छन् । दक्षिण अफ्रिकाका फास्ट बलर कागिसो रबाडा दोस्रो स्थानमा यथावत छन् ।

एजेन्सी । सेन्चुरियनमा भएको खेलमा भारत दक्षिण अफ्रिकासँग नराम्ररी पराजित भएको थियो । भारतले तीन दिनमै आयोजक टोलीसामु आत्मसमर्पण गरेको थियो । पहिलो टेस्ट एक इनिङ्स र ३२ रनले गुमाएपछि अहिले टीम इन्डियाको पूरा ध्यान केप टाउनमा हुने दोस्रो टेस्टमा केन्द्रित छ ।

यदि भारतीय टोलीले केप टाउनमा आफ्नो लाज बचाउनु छ भने जसप्रित बुमराहले आफ्नो जादू देखाउनुपर्नेछ । बुमराहले ठीक पाँच वर्षअघि यही मैदानमा आफ्नो टेस्ट करियर सुरु गरेका थिए । विशेष अवस्थामा, भारतीय फास्ट बलरसँग एकै साथ धेरै दिग्गज बलरहरूलाई पछाडि छोड्ने सुनौलो अवसर हुनेछ ।

बुमराहले आफ्नो टेस्ट करियर २०१८ मा केप टाउनको न्युल्यान्ड्स मैदानबाट सुरु गरेका थिए । बुमराहले दक्षिण अफ्रिकाविरुद्धको डेब्यु खेलमा चार विकेट लिएका थिए । बुमराहले केप टाउनमा हालसम्म खेलेका दुई टेस्ट म्याचमा कुल १० विकेट लिएका छन् । यदि भारतीय तीब्र गतिका बलर सिरिजको दोस्रो टेस्टमा ७ विकेट लिन सफल भए उनले जेम्स एन्डरसनलाई पछाडि छोड्नेछन् ।

हालका बलरहरूमध्ये एन्डरसनले केप टाउनमा सबैभन्दा बढी विकेट लिने कीर्तिमान राखेका छन् । एन्डरसन केप टाउनमा सर्वाधिक विकेट लिने विदेशी बलर हुन् । इंग्ल्याण्डका फास्ट बलरले यस मैदानमा कुल १६ विकेट लिएका छन् । यदि बुमराह जनवरी ३ बाट सुरु हुने दोस्रो टेस्टमा ७ विकेट लिन सफल भएमा एन्डरसनलाई पछि पार्दै इतिहास रच्नेछन् ।

केप टाउन मैदानमा भारतका लागि जाभागल श्रीनाथले सर्वाधिक विकेट लिएका छन् । यस मैदानमा श्रीनाथको नाममा कुल १२ विकेट छन् । केप टाउनमा अनिल कुम्बलेले ११ विकेट लिएका छन् । बुमराहसँग दोस्रो टेस्टमा तीन विकेट लिएर यी दुई बलरलाई पछाडि छोड्ने सुनौलो अवसर हुनेछ । तीन विकेट लिएसँगै बुमराह केप टाउनमा सबैभन्दा बढी विकेट लिने भारतीय बलर पनि बन्नेछन् ।

एजेन्सी । भारतका तिब्र गतिका बलर जसप्रित बुमराह बाबु बनेका छन् ।

उनले सोमबार आफ्नो सामाजिक सञ्जालमा छोराको जन्म भएको खबर सेयर गरेका छन् । “हाम्रो सानो परिवार बढेको छ र हामीले सोचेको भन्दा हाम्रो हृदय भरिएको छ! आज बिहान हामीले हाम्रो लिटिल बोई अंगद जसप्रित बुमराहलाई संसारमा स्वागत गर्यौं। हामी चन्द्रमामा छौं र हाम्रो जीवनको यो नयाँ अध्याय –जसप्रित र संजना ।” बुमराहले तस्बिरको साथ लेखेका छन् ।

बुमराह एसिया कपअन्तर्गत नेपालसँगको खेलको पूर्वसन्ध्यामा आइतबार मुम्बई फर्किएका थिए । उनी सुपर फोरको चरणअघि नै टोलीमा सामेल हुने बताईएको छ ।

श्रीलंकाको कान्डीमा रहेको पालेकेले इन्टरनेशनल क्रिकेट स्टेडियममा आज नेपाल र भारतले खेल्दैछ ।