काठमाडाैँ । चितवन राष्ट्रिय निकुञ्जको हात्ती प्रजनन तथा तालिम केन्द्र खोरसोर सौराहामा यस आर्थिक वर्षमा चारवटा छावा जन्मिएका छन् । गत आवमा दुईवटा छावा जन्मिएका थिए । थप एउटा हात्तीले यस वर्ष बच्चा जन्माउने अवस्थामा पुगेको छ । प्रजनन केन्द्रका प्रमुख मनपुरण चौधरीका अनुसार तमोर, रिमझिम, लोकतन्त्र र तीर्थमान कलीले यस वर्ष छावा जन्माएका हुन् ।

तीर्थमान कलीले पोथी र अरुले भाले छावा जन्माएका छन् । हाल केन्द्रमा नौवटा माउ, एउटा तालिमे बच्चा र छवटा साना बच्चा छन् । तीमध्ये दुईवटा गत वर्षका हुन् भने चारवटा यसै वर्षका हुन् । हात्तीले गर्भधारण गरेको २२ देखि २४ महिनामा बच्चालाई जन्म दिने गर्दछन् । निकुञ्जभित्रका विभिन्न पोष्टमा गरी हात्तीको सङ्ख्या ५८ वटा रहेका थिए । गत वर्ष दुईवटा हात्ती कतार पठाइएको छ ।

विसं २०४४ मा स्थापना भएको यस केन्द्रमा हालसम्म ६८ वटा बच्चा जन्मिसकेका छन् । यहाँका पोथी हात्तीलाई जङ्गली हात्तीले केन्द्रमा आएर गर्भधान गराउने गर्दछन् । ध्रुवे, रोनाल्डो, गोविन्दे र गत साल मरेको मकुनाले यहाँ पोथी हात्तीलाई प्रजनन गराउँदै आएका छन् ।

यसै महिनाबाट भीमगज र शेरगज नाम दिइएका दुईवटा जङ्गली हात्ती पनि केन्द्रमा आउन थालेका छन् । केही दिनअघि शेरगज र रोनाल्डोबीचमा केन्द्रमा लडाइँ भएपछि अन्य हात्ती र माउते त्रसित भएका थिए । यहाँ जन्मिएका हात्तीका छावालाई तालिम दिएर निकुञ्जका पोष्टहरूमा काम गर्न पठाउने गरिन्छ ।

चितवन । चितवन राष्ट्रिय निकुञ्जमा रहेका चार हात्तीले छावा जन्माएका छन् । विसं २०८१ चैतदेखि यता ती हात्तीले छावा जन्माएका हुन् ।

निकुञ्जका सूचना अधिकारी अविनास थापा मगरका अनुसार विसं २०८१ चैत ८ गते रिमझिम कलीले दीपगज, विसं २०८२ असार २८ गते लोकतन्त्रकलीले बेदगज, असार ३० गते तीर्थमानकलीले बिभ्रकली र साउन ७ गते तमोरकलीले रामप्रितगज जन्माएका हुन् ।

निकुञ्जले सञ्चालन गरेको हात्ती प्रजनन केन्द्र खोरसोरमा रहेका हात्तीले छावा जन्माएका हुन् । हात्तीले गर्भधारण गरेको १८ देखि २२ महिनामा बच्चा जन्माउने गर्दछ । खोरसोरमा अब चितवनकली गर्भवती रहेको उहाँले जानकारी दिनुभयो । चितवनकलीले अबको दुई तीन महिनामा छावा जन्माउने उहाँले बताउनुभयो ।

अहिले खोरसोरमा रहेका छ वटा छावालाई तालिम दिइएको छ भने सात वटालाई तालिम दिन बाँकी रहेका छन् । अहिले निकुञ्जका विभिन्न स्थानमा गरी ५८ वटा हात्ती रहेका छन् । हात्तीले बच्चा जन्माउन लामो समय लाग्ने भएकाले जन्मिएका छावालाई विशेष रूपमा हेर्ने गरिएको छ । छावाको न्वारन विधिपूर्वक गरिने गरिन्छ ।

प्रजनन केन्द्रमा हुर्किएर तालिम दिएपछि हात्तीलाई निकुञ्जका विभिन्न सुरक्षापोष्टमा पठाउने गरिन्छ ।

एजेन्सी । विक्की कौशलको फिल्म ‘छावा’ले रिलिज भएको तेस्रो हप्तामा पनि राम्रो कमाई गरिरहेको छ ।

बक्स अफिसमा रिलिज भएको तेस्रो सोमबार अर्थात् १८ औँ दिन ‘छावा’ले ८.५० करोड भारु कलेक्सन गरेको छ । यससँगै फिल्म ५ सय करोड कमाउनबाट थोरै मात्र टाढा छ ।

यो फिल्मले रिलिजको पहिलो तीन दिनमै बक्स अफिसमा सय करोडभन्दा बढीको व्यापार गरेर इतिहास रचेको थियो । ‘छावा’ले ३१ करोड कमाएर खाता खोलेको थियो ।

फिल्मले पहिलो हप्तामा २१९.२५ करोड कमाएको थियो भने दोस्रो हप्तामा १८०.२५ करोड भारु बराबर कलेक्सन गरेको सेकनिल्कले जनाएको छ ।

यस्तै, फिल्मले १५ औं दिन १३ करोड कमाउदा १६ औं दिनमा २२ करोड, १७ औं दिन २२ र १८ औं दिन ८.५० करोड भारु कलेक्सन गरेको छ । योसँगै ‘छावा’को १८ दिनमा कुल कमाई ४६७.२५ करोड पुगेको छ ।

फिल्ममा विक्कीसँगै रश्मिका मन्दना, आशुतोष राणा र दिव्या दत्तजस्ता कलाकारहरुको अभिनय रहेको छ ।

एजेन्सी । विक्की कौशल हिन्दी सिनेमाका भर्सटाइल अभिनेता हुन् । कुनै समय फिल्ममा साइड रोल गर्ने विक्की अहिले सुपरस्टार बनेका छन् । अहिले उनी चलचित्र ‘छावा’ को कारण चर्चामा छन् ।

यो फिल्मले बक्स अफिसमा राम्रो कमाई गर्दै अभिनेताको लागि नयाँ कीर्तिमान बनाएको छ ।

चलचित्र छावा विक्की कौशलको करियरमा कोसेढुङ्गा साबित भएको छ । यो फिल्मले रिलिजको पहिलो तीन दिनमै बक्स अफिसमा सय करोडभन्दा बढीको व्यापार गरेर इतिहास रचेको छ ।

विक्कीको कुनै पनि चलचित्रले ओपनिङ वीकेन्डमा यति धेरै कलेक्सन गरेको यो पहिलो पटक हो र रिलिजको पहिलो दिन ३३ करोडको सबैभन्दा बढी व्यापार गरेको हो ।

रश्मिका मन्दना, आशुतोष राणा र दिव्या दत्तजस्ता कलाकारको अभिनय रहेको फिल्म ‘छावा’ले शनिबार अर्थात् रिलिजको दोस्रो दिन ३९.३० करोडको कलेक्सन गरेको थियो ।

रिलिजको तेस्रो दिन आइतबार फिल्मले ४९.३ करोड कमाई गर्दै तीन दिनमा फिल्मको कुल कलेक्सन १२१.४३ करोड पुगेको छ ।

एजेन्सी । बलिउड अभिनेता विक्की कौशल यतिबेला आफ्नो आगामी फिल्म ‘छावा’लाई लिएर चर्चामा छन् ।

अभिनेताले हालै फिल्ममा आफ्नो र अक्षय खन्नाको चरित्रको बारेमा कुरा गरे । उनले निर्देशक लक्ष्मण उतेकर संभाजी महाराजको लुकलाई लिएर यति गम्भीर भएकाले फिल्मको छायांकन सुरु गर्न अस्वीकार गरेको बताए ।

विक्कीले निर्देशक लक्ष्मण उतेकरसँग आफ्नो उपस्थिति वास्तविक योद्धाको जस्तो नआएसम्म फिल्मको छायांकन सुरु नगर्ने बताएका थिए ।

रेडियो नासासँगको कुराकानीमा विक्की कौशलले भने–‘छावा मेरो करियरको सबैभन्दा कठिन फिल्म हो । संभाजी महाराजको भूमिका निर्वाह गर्न मलाई सहज थिएन । अचानक २५ केजी तौल बढाउन सजिलो नभएकाले शारीरिक रूपमा छावा मेरो लागि सबैभन्दा गाह्रो भूमिका हो । यो तौल बढाउन मलाई ७ महिना लाग्यो ।’

विक्कीले अगाडि भने– ‘छत्रपति संभाजी महाराजको भूमिका निभाउनको लागि मैले कपाल, दाह्री र शरीर बनाएको छु । लक्ष्मण सर छावाले छावालाई यथार्थ देखाउने प्रयास गरेका छन् । फिल्मको ट्रेलरमा २००० जना थिए । वास्तवमा सेटमा २००० मान्छे नै उपस्थित थिए ।’

चलचित्र छावामा विक्की कौशलले छत्रपति संभाजी महाराजको भूमिका निर्वाह गरेका छन् भने रश्मिका मन्दनाले उनकी पत्नी महारानी येसुबाईको भूमिका निर्वाह गरेकी छन् । यो फिल्म लेखक शिवाजी सावन्तको उपन्यास छावाको रूपान्तरण हो ।

फिल्ममा विक्की र रश्मिकाका अलावा अक्षय खन्ना, दिव्या दत्त, आशुतोष राणा, डायना पेन्टीको पनि महत्वपूर्ण भूमिका छ । फिल्म फेब्रुअरी १४ मा रिलिज हुनेछ ।

चितवन । चितवन राष्ट्रिय निकुञ्जको हात्ती प्रजनन तथा तालिम केन्द्र खोरसोरमा एकै वर्षमा आठवटा छावा (हात्तीको बच्चा)  थपिने भएका छन् । यसवर्ष दुईवटा बच्चा जन्मिसकेका छन्भने छवटा जन्मिने क्रममाछन् ।

तालिम केन्द्रका प्रमुख मनपुरण चौधरीका अनुसार गएको जेठ १२ गते कर्णालीकलीले भाले र जेठ १६ गते हिमालीकलीले पोथी छावा जन्माएका हुन् । यही असोजभित्रमा देवीकली, तीर्थमानकली र रिमझिमकलीले बच्चा जन्माउने उहाँले बताउनुभयो । उहाँका अनुसार यसै वर्षभित्र तमोरकली, लोकतन्त्रकली र चितवनकलीले बच्चा जन्माउँदै छन् ।

प्रमुख चौधरीले भन्नुभयो “एक–दुई महिना तलमाथि होला तर यसै वर्षमा आठ छावा थपिँदै छन् ।” यसअघि विसं २०८० सालमा दुईवटा छावा जन्मिएका थिए । गण्डकीकली र प्रवेशकलीले छावा जन्माएका हुन् ।  विसं २०७९ मा ६ छावा जन्माएका थिए ।

बच्चा जन्मिएको दुई महिनापछि नै हात्ती पुन:गर्भवती हुनयोग्य हुने जनाइएको छ । उहाँका अनुसार २२ देखि २४ महिनामा हात्तीले बच्चा जन्माउँछ । अधिकांश छावा जङ्गली हात्ती रोनाल्डो, गोविन्दे, धु्रवे र मकुनाका हुन् । खोरसोर क्षेत्रमा अहिले पनि गोविन्दे र मकुना दैनिक आउने गरेको उहाँले जानकारी दिनुभयो ।

जन्मिएको तीन वर्षपछि हात्तीका बच्चालाई तालिम दिने गरिन्छ । चौधरीका अनुसार प्रजनन केन्द्रमा हाल ११ माउ र १० छावा छन् । विसं २०४४ देखि सुरु भएको हो । विसं २०५४ देखि बच्चा जन्मिन थालेका थिए । हालसम्म ६७ बच्चा जन्मिएका राष्ट्रिय निकुञ्जअन्तर्गत हात्ती प्रजनन तथा तालिम केन्द्रले जनाएको छ । यहाँ जन्मिएका छावालाई तालिम दिएर निकुञ्जका विभिन्न पोष्टमा सुरक्षार्थ परिचालन गर्ने गरिन्छ । रासस