युरोपेली फुटबल क्लबहरुको उत्कृष्ट प्रतियोगिताका रुपमा रहेको च्याम्पियन्स लिगमा आर्सनलले शतप्रतिशत जित हासिल गर्दै पहिलो स्थान सुरक्षित गरेको छ ।

गएराति भएको खेलमा कैराट फुटबल क्लबलाई ३–२ गोल अन्तरले पराजित गर्दै २४ अंक जोड्न सफल भयो । आर्सनलका लागि भिक्टर ग्योकेरेस, काई हाभार्ज र ग्याब्रिएल मार्टिनेलीले गोल गरेका थिए ।

इङलिस प्रिमियर लिगको पनि पहिलो स्थानमा रहेको आर्सनल उत्कृष्ट आठमा पर्न सफल भएसँगै अर्को राउन्डका लागि छनौट भएको छ ।

दोस्रो राउन्डका लागि छनौट भएका अन्य टिमहरुमा जर्मनीको लिग लिडर बायर्न म्युनिख, इङलिस फुटबल क्लबहरु लिभरपुल, टोटेनह्याम, चेल्सी र म्यान्चेस्टर सिटी रहेका छन् । यस्तै स्पेनी महारथी बार्सिलोना र पोर्चुगलको स्पोर्टिङ क्लब पनि अर्को चरणका लागि छनौटमा परेका छन् ।

गएरातिका खेलका नतिजा

आर्सनल–कैराट (३–२)
लिभरपुल–क्युराबाग (६–०)
बायर्न म्युनिख–पिएसभी (२–१)
टोटेनह्याम–फ्रान्कफर्ट (२–०)
चेल्सी–नापोली (३–२)
म्यान्चेस्टर सिटी–गालातासरे (२–०)

रियल म्याड्रिड समेतका इन्टर, पिएसजी, न्युक्यासल, युभेन्टस, एटलेटिको म्याड्रिड, एटलान्टा, लिभरक्युसेन, डर्टमन्ड, ओलम्पियाकोस, क्लब ब्रग, बोडो, गालातासरे, क्युराबाग र बेन्फिकाले प्लेअफ खेल्नु पर्नेछ ।

याे पनि पढाैं – रियलको लज्जास्पद हार, टप आठमा पर्न असफल

टप १६ का लागि यस प्लेअफबाट आठ वटा टिम छनौट हुनेछन् ।

अंक तालिका

१. आर्सनल (२४ अंक)
२. बायर्न म्युनिख (२१)
३. लिभरपुल (१८)
४. टोटेनह्याम (१७)
५. बार्सिलोना (१६)
६. चेल्सी (१६)
७. स्पोर्टिङ (१६)
८. म्यान्चेस्टर सिटी (१६)

युरोपकै प्रतिष्ठित फुटबल प्रतियोगिता च्याम्पियन्स लिगको गएराति भएको खेलमा स्पेनी महारथी रियल म्याड्रिड पोर्चुगाली टिम बेन्फिाकासँग स्तब्ध भएको छ ।

बेन्फिकाको पोर्चुगलस्थित गृह मैदान स्टेडियम अफ लाइटमा भएको यस खेलमा बेन्फिकाले रियलको पोष्टमा चार गोल प्रहार गर्दा रियलले दुई गोल मात्र फर्काउन सकेको थियो । रियलका लागि किलिएन एम्बापेले २ गोल गरेका थिए भने बेन्फिकाका लागि आन्द्रीआसले २ गोल, भान्जेलिस पाभ्लीडिस र गोलकिपर अनातोली ट्रबिनले एक एक गोल गरेका थिए ।

आठौं चरणको यस खेलमा पराजित भएसँगै रियल उत्कृष्ट आठमा पर्न असफल भयो । बराबरी मात्र गर्न सकेको भएपनि रियल उत्कृष्ट आठमा छनौट हुन सक्थ्यो तर यस हारका कारण रियलले अब प्लेअफ खेल्नु पर्ने भएको छ । उता, जोजे मौरिन्होको बेन्फिका भने गोल अन्तरका आधारमा २४औं स्थानमा रहँदै प्लेअफ खेल्न पाउने भाग्यमानी टिम बनेको छ ।

यस खेलमा रियलका दुई खेलाडीले दोहोरो पहेंलो कार्ड पाएर खेलको अन्त्यतिर मैदान छाड्नु परेको थियो । राउल एसेन्सियो र रोड्गिोले खेलको दोस्रो हाफको इन्जुरी समयमा रातोकार्ड पाएका थिए ।

युरोपकै प्रतिष्ठित फुटबल प्रतियोगिता च्याम्पियन्स लिगका आठौं चरणका १८ वटा खेल आज मध्यराति हुँदैछन् ।

आजको प्रतियोगितामा लिगको शीर्ष स्थानमा रहेको आर्सनलसँग केराट टिम खेल्दैछ । यसैगरी लिभरपुल, बार्सिलोना, रियल म्याड्रिड, म्यान्चेस्टर सिटी, युभेन्टस, पिएसजी, टोटेनह्याम, चेल्सी, बायर्न म्युनिख समेत आज खेल्दैछन् ।

आजका खेलहरु नेपाली समय अनुसार मध्यराति १ बजेर ४५ मिनेटमा सुरु हुनेछन् ।

युरोपेली प्रतिष्ठित फुटबल प्रतियोगिताका रुपमा लिइने च्याम्पियन्स लिगका गएराति भएका खेलहरुमा लिभरपुल, बायर्न म्युनिख र चेल्सीले जित हासिल गरेका छन् ।

लिभरपुलका प्रशिक्षक आर्ने स्लटमाथि केही समयदेखि टिमको खराब प्रदर्शन र फर्वार्ड मोहम्मद सलाहलाई लिएर भइरहेको बिबादका बिच टिमले जित हासिल गरेपछि स्लटले सन्तोषको सास फेर्न पाएका छन् । यस खेलमा सलाहलाइ पनि समावेश गरिएको थियो ।

लिभरपुलले स्पेनी क्लब मार्सेलाई उसकै गृहमैदान स्टेड भेलोड्रोममा ३–० गोल अन्तरले पराजित गरेको थियो । लिभरपुलका लागि डोमिनिक साबोजलाई र कोडी ग्याप्कोले गोल गरेका थिए भने एक गोल आत्मघाती भएको थियो ।

यो जितसँगै लिभरपुलले ७ खेलबाट १५ अंक जोड्दै चौथो स्थानमा उक्लिएको छ । घरेलु प्रिमियर लिगमा संघर्ष गरिरहेको लिभरपुलले च्याम्पियन्स लिगमा भने पछिल्ला ५ खेलमा एक खेलमा हार व्यहोरे पनि चार वटा खेल जितेको छ ।

उता, जर्मन लिग लिडर बायर्न म्युनिखले युनियन सेन्ट–गिलोजलाई २–० गोल अन्तरले पराजित गरी लिगमा दोस्रो स्थानमा कायम छ । बायर्नका लागि दुबै गोल ह्यारी केनले गरेका थिए ।

प्रिमियर लिगमा संघर्षरत चेल्सीले पनि गएरातिको खेल जितेर च्याम्पियन्स लिगमा टिकिराख्ने सम्भावना बढाएको छ । चेल्सीका लागि एकमात्र गोल मोजेज काइसिडोले ७८औं मिनेटमा गोल गरेका थिए । यो जितसँगै चेल्सीले सात खेलबाट १३ अंक बटुल्दै लिगको आठौं स्थानमा रहेको छ ।

लिगको नवौं स्थानमा रहेको बार्सिलोनाले भने स्लाभिया प्राहालाई ४–२ गोल अन्तरले पराजित गरेको छ । बार्सिलोनाका लागि फर्मिन लोपेजले २ तथा डानी ओल्मो र रोबर्ट लेवान्डोस्कीले एक एक गोल गरेका थिए ।

इङलिस क्लब न्यूक्यासलले भने जर्मन क्लब पिएसभीलाई ३–० गोलले हराएर लिगमा सातौं स्थान सुरक्षित गरेको छ । न्यूक्यासलका लागि योना विस्सा, एन्थोनी गोर्डोन र हार्भि बार्नेसले गोल गरेका थिए ।

काठमाडौँ । च्याम्पियन्स लिग फुटबल अन्तर्गत जर्मन क्लब बायर्न म्युनिखले लगातार चौंथो जित निकालेको छ ।

अपराजित रहेको बायर्नले फ्रेन्च क्लब पेरिस सेन्ट जर्मेन (पिएसजी)लाई उसकै घरेलु मैदानमा १–२ गोलले हराएको हो ।

बायर्नको जितमा दुबै गोल लुइस डियाजले गरे । खेलको चौंथो मिनेटमा नै डियाजले बायर्नलाई अग्रता दिलाएका थिए । ३२ औं मिनेटमा डियाजले दोस्रो गोल गर्दा बायर्न २–० ले अघि बढ्यो । पहिलो हाफको इन्जुरी समयमा बायर्नका गोलकर्ता डियाजले रातो कार्ड खान पुगे । उनले पिएसजीका अफ्रच हाकिमीविरुद्ध खराब ट्याकल गरे ।

पहिले रेफ्रिले उनलाई पहेँलो कार्ड देखाएका थिए । तर, भिएआरको सहायतामा रेफ्रिले उनको ट्याकल हेरेर उनलाई रातो कार्ड प्रदान गरे । दोस्रो हाफमा बायर्न १० खेलाडिमा समेटियो । तर, पिएसजीले त्यसको फाइदा उठाउन सकेन । खेलमा दबदबा राखेपनि एक गोल मात्रै फर्काउन सक्यो । ७४ औं मिनेटमा जोआओ नेभेसले गोल गरे ।

जितसँगै बायर्न ४ खेलमा ४ जितसहित १२ अंकका साथ तालिकाको शिर्षस्थानमा छ । पिएसजी ९ अंकका साथ तेस्रो स्थानमा छ ।

यस्तै, गएराति नै भएको अर्को खेलमा इंग्लिस क्लब लिभरपुलले स्पेनि क्लब रियल मड्रिडलाई १–० गोलले हरायो । घरेलु टोलिको जितमा एकमात्र निर्णायक गोल एलेक्सिस म्याक एलिस्टरले गरे । उनले खेलको ६१ औं मिनेटमा गोल गरेका हुन् ।

यो नतिजापछि दुबै टोलि ९–९ अंकका साथ तालिकाको पाँचौं र छैटौं स्थानमा छन् ।

काठमाडौँ । इटालियन क्लब इन्टर मिलान च्याम्पियन्स लिग फुटबलको फाइनलमा प्रवेश गरेको छ ।

गएराति भएको सेमिफाइनलको दोस्रो लेगमा स्पेनिस क्लब बार्सिलोनालाई ४–३ गोलले हराउँदै समग्रमा ७–६ को नतिजासहित इन्टरले फाइनलमा स्थान बनाएको हो ।

इन्टरको घरेलु मैदान सान सिरोमा निर्धारित समयसम्म खेलमा दुबै टोलि बराबरीको अवस्थामा रहँदा खेल अतिरिक्त समयतर्फ धकेलिएको थियो । खेलको २१ औं मिनेटमा लौटारो मार्टिनेजले गोल गर्दै इन्टरलाई सुरुवाती अग्रता दिलाएका थिए ।

४५ औं मिनेटमा हाकन काल्हानोग्लुले पेनाल्टीमा गोल गर्दै इन्टरलाई २–० ले अघि बढाए । यता, ५४ औं मिनेटमा एरिक गार्सियाले र ६० औं मिनेटमा डानी ओल्मोले गोल गर्दै बार्सिलोनालाई २–२ को बराबरीमा ल्याए । ८७ औं मिनेटमा राफिन्हाले गोल गरेपछि बार्सिलोना ३–२ ले अघि बढ्यो ।

त्यसबेला बार्सिलोनाको जित पक्कापक्की भइसकेको थियो । तर, इन्जुरी समयमा फ्रान्सिस्को अकेर्वीले गोल गर्दै इन्टरलाई ३–३ को बराबरीमा ल्याउँदै इन्टरको सम्भावना कायमै राखे । त्यसपछि खेल अतिरिक्त समयतर्फ धकेलियो ।

९९ औं मिनेटमा डेभिड फ्राटेसीले गोल गर्दै इन्टरलाई ४–३ ले अगाडि बढाए । १२० औं मिनेटसम्म उनको गोलले नै काम गर्यो र इन्टरलाई फाइनलको यात्रा दिलायो ।

अब इन्टरले फाइनलमा आज राति हुने पिएसजी र आर्सनलको विजेतासँग उपाधिका लागि खेल्नेछ ।

काठमाडौँ । च्याम्पियन्स लिग फुटबल अन्तर्गत आज दुई खेल हुँदैछन् । क्वाटरफाइनलका दोस्रो लेगका दुई खेल हुन लागेका हुन् ।

जसअन्तर्गत इंग्लिस क्लब आर्सनल र स्पेनिस क्लब रियल मड्रिडबीच भिडन्त हुँदैछ भने जर्मन क्लब बायर्न म्युनिखले इटालियन क्लब इन्टर मिलानको सामना गर्दैछ ।

दुबै खेल नेपाली समयानुसा राति पौने एक बजे सुरु हुनेछ । यसअघि भएको पहिलो लेगमा आर्सनलले आफ्नो घरेलु मैदान इमिरेट्समा रियलमाथि ३–० को जित निकालेको थियो । जसकारण एग्रिगेटमा आर्सनल रियलभन्दा ३–० ले अगाडि छ । यद्यपि, रियलले आज घरेलु समर्थक र मैदानको भरपुर फाइदा उठाउँदै नतिजा आफ्नो पक्षमा पार्ने लक्ष्यका साथ मैदान उत्रनेछ ।

अर्कोतर्फ, इन्टरलाई भने आज फाइदा छ । यसअघि भएको पहिलो लेगको खेलमा उसले बायर्नलाई उसकै घरेलु मैदानमा २–१ गोलले हराएको थियो । जसकारण उसलाई आज घरेलु मैदानमा बराबरीको नतिजाले पनि सेमिफाइनलमा पुर्याउने छ । तर, बायर्न पनि पुनरागमन गर्दै इन्टरलाई उसकै घरेलु मैदानमा सुखद नतिजाले हराउँदै सेमिफाइनलमा पुग्ने मनोबलका साथ मैदानमा उत्रनेछ ।

यसैबीच, गएराति भएका खेलबाट एग्रिगेटमा सुखद नतिजा निकाल्दै बार्सिलोना र पिएसजीले सेमिफाइनलमा स्थान बनाइसकेका छन् ।

काठमाडौँ । स्पेनिस क्लब बार्सिलोना र फ्रेन्च क्लब पेरिस सेन्ट जर्मेन (पिएसजी) च्याम्पियन्स लिगको सेमिफाइनलमा प्रवेश गरेका छन् ।

गएराति भएको दोस्रो लेगको खेलमा दुबै टोलि पराजित भएपनि एग्रिगेटको नतिजाले दुबै टोलिले सेमिफाइनलमा स्थान बनाएका हुन् ।

बार्सिलोना डर्टमण्डसँग उसको घरेलु मैदानमा ३–१ गोलले पराजित भयो । तर, एग्रिगेटमा बार्सिलोना ३–५ ले अगाडि रह्यो । डर्टमण्डका लागि सेर्हु गुइरासीले ह्याट्रिक गरेपनि टोलिलाई सेमिफाइनलमा पुर्याउन सकेनन् ।

उनले खेलको ११ औं (पेनाल्टी), ४९ औं र ७६ औं मिनेटमा गोल गर्दै ह्याट्रिक गरेका थिए । यता, एक गोल पनि बार्सिलोनाले उपहारस्वरुप पायो । डर्टमण्डका रेमी बेन्सेबेइनीले ५४ औं मिनेटमा आत्मघाती गोल गरे ।

यस्तै, अर्को खेलमा पिएसजी इंग्लिस क्लब एस्टन भिल्लासँग ३–२ गोलले पराजित भएपनि एग्रिगेटमा ४–५ को नतिजाले पिएसजीले सेमिफाइनलमा स्थान बनायो । खेलको ११ औं मिनेटमा अच्रफ हाकिमीले र २७ औं मिनेटमा नुनो मेन्डेसले गोल गर्दै पिएसजीलाई २–० को अग्रता दिलाएका थिए ।

तर, घरेलु टोलि भिल्लाका लागि खेलको ३४ औं मिनेटमा योरी टिलेमान्स, ५५ औं मिनेटमा जोन म्याकजिन र ५७ औं मिनेटमा एज्री कोन्साले गोल गर्दै ३–२ जित निकालेपनि एग्रिगेटका लागि पर्याप्त भएन ।

काठमाडौँ । च्याम्पियन्स लिग फुटबल अन्तर्गत आज दुई खेलहरु हुँदैछन् । क्वाटरफाइनलको दोस्रो लेगका खेलहरु हुन लागेका हुन् ।

आज मध्यरातमा इंग्लिश क्लब एस्टन भिल्लाले फ्रेन्च क्लब पेरिस सेन्ट जर्मेन (पिएसजी)को सामना गर्दैछ । खेल राति पौने एक बजे भिल्लाको घरेलु मैदान भिल्ला पार्कमा सुरु हुनेछ ।

यसअघि भएको पहिलो लेगमा घरेलु मैदानमा जित निकालेको पिएसजी एग्रिगेटमा ३–१ ले अघि छ । आजको खेलमा भिल्लाको लागि चुनौतिपूर्ण छ ।

यस्तै, सोहि समयमा स्पेनिस क्लब बार्सिलोना र जर्मन क्लब बोरुसिया डर्टमण्डबीच प्रतिस्पर्धा हुँदैछ । खेल डर्टमण्डको घरेलु मैदान सिग्नल इदुना पार्कमा हुनेछ ।

यसअघि पहिलो लेगमा सहज जित निकालेको बार्सिलोना एग्रिगेटमा ४–० ले अघि छ । बार्सिलोनको सेमिफाइनल यात्रा सहज बनेको छ भने डर्टमण्डलाई कठिन छ ।

काठमाडौँ । च्याम्पियन्स लिग फुटबल अन्तर्गत स्पेनि क्लब बार्सिलोनाले सहज जित निकालेको छ ।

गएराति भएको क्वाटरफाइनल अन्तर्गतको पहिलो लेगमा बार्सिलोनाले जर्मन क्लब बोरुसिया डर्टमण्डलाई ४–० गोलले हराएको हो । घरेलु मैदान क्याम्प नोउमा बार्सिलोनाको जितमा रोबर्ट लेवान्डोस्कीले दुई तथा राफिन्हा र लामिने यामलले एक–एक गोल गरे ।

खेलको २५ औं मिनेटमा राफिन्हाको गोलबाट बार्सिलोनाले सुरुवाती अग्रता लिएको थियो । ४८ औं मिनेटमा लेवान्डोस्कीले गोल गर्दै बार्सिलोनाको अग्रता दोब्बर पारे ।

यस्तै, ६६ औं मिनेटमा लेवान्डोस्कीले नै व्यक्तिगत दोस्रो तथा टोलिका लागि तेस्रो गोल गरे । यता, ७७ औं मिनेटमा यामलले गोल थप्दै टोलिलाई ४–० को जित दिलाए । दुई टोलिबीचको दोस्रो लेगको खेल डर्टमण्डको घरेलु मैदानमा अप्रिल १६ मा हुनेछ ।

यस्तै, गएराति नै भएको अर्को खेलमा फ्रेन्च क्लब पेरिस सेन्ट जर्मेन पिएसजीले इंग्लिस क्लब एस्टन भिल्लालाई ३–१ ले हरायो । घरेलु टोलिको जितमा डिजाएर डोए, ख्भिचा भारात्सखेलिया र नुनो मेन्डिसले गोल गरे । भिल्लाका मोर्गान रोजर्सले एक गोल फर्काए ।

जितसँगै पिएसजीले दुई खेलको एग्रिगेटमा ३–१ को अग्रता बनाएको छ । दुई टोलिबीच दोस्रो लेगको खेल अप्रिल १६ मा भिल्लाको घरेलु मैदानमा हुनेछ ।

काठमाडौँ । च्याम्पियन्स लिग फुटबलको क्वाटरफाइनल समीकरण पूरा भएको छ ।

अन्तिम १६ का दोस्रो लेगका खेलहरु सम्पन्न भएसँगै अन्तिम आठमा पुग्ने टोलिको टुंगो लागेको हो । गएराति भएका खेलहरुमा रियल मड्रिडले एट्लेटिको मड्रिडलाई पेनाल्टी सुटआउटमा ४–२ गोलले हराउँदै क्वाटरफाइनलमा स्थान बनायो ।

यस्तै, इंग्लिस क्लब आर्सनलले डच क्लब पिएसभीसँग २–२ को बराबरी खेलेपनि समग्रमा ९–३ को नतिजासहित क्वाटरफाइनलमा स्थान पक्का गर्यो ।

यस्तै, इंग्लिस क्लब इस्टन भिल्ला बेल्जियन क्लब ब्रुगलाई ३–० ले हराउँदै समग्रमा ६–१ को नतिजासहित क्वाटरफाइनलमा प्रवेश गर्दा जर्मन क्लब बोरुसिया डर्टमण्डले फ्रेञ्च क्लब लिललाई २–१ ले हराउँदै समग्रमा ३–२ को नतिजासहित क्वाटरफाइनलमा स्थान पक्का गर्यो ।

क्वाटरफाइनल समीकरण:
बायर्न म्युनिख भर्सेस इन्टर मिलान
आर्सनल भर्सेस रियल मड्रिड
बार्सिलोना भर्सेस डर्टमण्ड
पिएसजी भर्सेस एस्टन भिल्ला

क्वाटरफाइनलका पहिलो लेगका खेलहरु अप्रिल ८ मा हुनेछन् ।

काठमाडौँ । रियल मड्रिडले च्याम्पियन्स लिग फुटबलको क्वाटरफाइनलमा स्थान बनाएको छ ।

गएराति भएको अन्तिम १६ को दोस्रो लेगमा शहरी प्रतिद्वन्द्वी एट्लेटिको मड्रिडलाई पेनाल्टी सुटआउटमा ४–२ गोलले हराउँदै रियल अन्तिम आठमा पुगेको हो ।

एट्लेटिकोको घरेलु मैदानमा खेलको पहिलो सुरुवाती मिनेटमा नै कोनोर गालाघेरले गोल गर्दै घरेलु टोलिलाई १–० को अग्रता दिलाएका थिए । उक्त गोलसँगै समग्रमा खेल २–२ को बराबरी हुन पुग्यो । त्यसपछि निर्धारित र अतिरिक्त समयसम्म पनि खेल बराबरी भएपछि टाईब्रेकरमा गएको हो ।

पेनाल्टी सुटआउटमा रियलका किलियन एम्बाप्पे, जुड बेलिङहम, फेडेरिको भाल्भर्डे र एन्टोनिओ रुडिगरले गोल गरे भने लुकास भाज्क्वेजले मिस गरे ।

यता एट्लेटिकोका अलेक्जान्डर सोर्लोथ र एंगेल कोरीआले गोल गर्दा युलियन अल्भारेज र मार्कोस लिओरेन्टे गोल गर्न चुके । यो नतिजासँगै एट्लेटिकोको च्याम्पियन्स लिग यात्रा यहीँ सकिएको छ भने रियलले क्वाटरफाइनलमा आर्सनलको सामना गर्नेछ ।

काठमाडौँ । च्याम्पियन्स लिग फुटबल अन्तर्गत आज राति अन्तिम १६ का दोस्रो लेगका खेलहरु हुँदैछन् । आज हुने खेलबाट समग्रमा जित निकाल्ने टोलिले क्वाटरफाइनलमा स्थान बनाउनेछन् ।

आज विभिन्न चार खेलहरु हुँदैछन् । त्यसमध्ये फ्रेञ्च क्लब पेरिस सेन्ट जर्मेन (पिएसजी) र इंग्लिस क्लब लिभरपुलबीचको खेल प्रतिक्षित रहेको छ । यसअघि भएको पहिलो लेगमा लिभरपुलले पिएसजीलाई १–० गोलले हराएको थियो ।

उक्त खेल पिएसजीको घरेलु मैदानमा भएको थियो । तसर्थ लिभरपुललाई आज घरेलु मैदानको फाइदा मिल्नेछ । त्यतिमात्र नभई लिभपुल एग्रिगेटमा १–० ले अगाडि छ । प्रिमियर लिगमा लयमा रहेको लिभरपुल अंकतालिकामा पनि शीर्षस्थानमा छ ।

यद्यपि, यसअघि भएको पहिलो लेगमा खेलमा दबाब भने पिएसजीले राखेको थियो । पिएसजी पनि फ्रेन्च लिग वानमा लयमा रहेको छ भने अंकतालिकाको शीर्षस्थानमा छ ।

आज राति हुने खेलहरुः
बार्सिलोना भर्सेस बेन्फिका– २३ः३० बजे
पिएसजी भर्सेस लिभरपुल– १ः४५ बजे
इन्टर मिलान भर्सेस फेयनुर्ड–१ः४५ बजे
लेभरुसेन भर्सेस बायर्न म्युनिख–१ः४५ बजे

काठमाडौँ । च्याम्पियन्स लिग फुटबलमा बायर्न म्युनिखले जित निकालेको छ ।

अन्तिम १६ को पहिलो लेगमा अर्को जर्मन क्लब लेभरकुसेनमाथि बायर्नले ३–० गोलले हराएको हो ।

घरेलु मैदान एलियान्ज एरेनामा बायर्नलाई जित दिलाउन ह्यारी केनले पेनाल्टीसहित दुई तथा जमाल मुसियालाले एक गोल गरे ।

खेलको ६२ औं मिनेटमा नोर्डी मुकिलीले रातो कार्ड खाएपछि लेभरकुसेन १० खेलाडीमा समेटिएको थियो । अब दोस्रो लेग मार्च १२ मा लेभरकुसेनको घरेलु मैदानमा हुनेछ ।

यस्तै, गएराति नै भएको अर्को खेलमा इटालियन क्लब इन्टर मिलानले डच क्लब फेयनुर्डलाई उसकै घरेलु मैदानमा २–० गोलले हरायो ।

इन्टरको जितमा खेलको ३८ औं मिनेटमा मार्कुस थुरामले तथा ५० औं मिनेटमा लौटारो मार्टिनेजले गोल गरे ।

जितसँगै इन्टरले एग्रिगेटमा २–० को अग्रता लिएको छ । अब दोस्रो लेग इन्टरको घरेलु मैदानमा हुनेछ ।

काठमाडौँ । च्याम्पियन्स लिग फुटबलमा इंग्लिस क्लब लिभरपुलले जित निकालेको छ । गएराति भएको अन्तिम १६ को पहिलो लेगमा लिभरपुलले फ्रेन्च क्लब पिएसजीलाई उसकै घरेलु मैदानमा १–० गोलले हराएको हो ।

लिभरपुलको जितमा एकमात्र निर्णायक गोल खेलको ८७ औं मिनेटमा हार्भी इलिओटले गरे । पूरा खेलभर पिएसजीले दबाबमा राखेपनि खेलमा जित भने लिभरपुलको भयो ।

पिएसजीले लिभरपुलको पोस्टमा २७ पटक प्रहार गरेको थियो जसमध्ये १० वटा टार्गेट मै थियो । तर, लिभरपुलका गोलरक्षक एलिसन बेकरले सानदार बचाउ गर्दै गोल हुन दिएनन् । अब दोस्रो लेग मार्च १२ मा लिभरपुलको घरेलु मैदानमा हुनेछ ।

यस्तै, गएराति नै भएको अर्को खेलमा स्पेनीस क्लब बार्सिलोनाले पोर्चुगिज क्लब बेन्फिकालाई १–० गोलले हरायो । पाहुना टोलिको जितमा एकमात्र निर्णायक गोल राफिन्हाले गरे । उनले खेलको ६१ औं मिनेटमा गोल गरे ।

खेलको २२ औं मिनेटमा बार्सिलोनाका डिफेन्डर पाउ कुबार्सीले रातो कार्ड खाएपछि बार्सिलोना १० खेलाडीमा समेटिएको थियो ।

तर, बेन्फिकाले त्यसको फाइदा उठाउन सकेन । अब दोस्रो लेग मार्च १२ मा बार्सिलोनाको घरेलु मैदानमा हुनेछ ।

काठमाडौँ । जर्मन क्लब बायर्न म्युनिख च्याम्पियन्स लिग फुटबलको अन्तिम १६ मा प्रवेश गरेको छ ।

गएराति भएको प्लेअफको दोस्रो लेगमा स्कटिस क्लब सेल्टिकसँग १–१ गोलको बराबरी खेलेपनि समग्रमा ३–२ को नतिजाले बायर्न अन्तिम १६ मा पुगेको हो ।

घरेलु टोलि बायर्नले पुनरागमन जित निकाल्यो । खेलको ६३ औं मिनेटमा निकोलस जेरिट कुह्नले गोल गर्दै सेल्टिकलाई अग्रता दिलाएका थिए । यता, खेल सकिनै लाग्दा इन्जुरी समयमा अल्फोन्सो डेभिसले गोल गर्दै बायर्नको उद्दार गरे ।

यस्तै, गएराति नै भएको अर्को खेलमा इटालियन क्लब एसी मिलान घरेलु मैदानमा डच क्लब फेयनुर्डसँग १–१ को बराबरीमा रोकियो । खेलको पहिलो मिनेटमा नै सान्टियागो जिमिनेजले गोल गर्दै मिलानलाई सुरुवाती अग्रता दिलाएका थिए ।

तर, ७३ औं मिनेटमा युलियन कारान्जाले गोल गर्दै फेयनुर्डलाई बराबरीमा ल्याए । खेलको ५१ औं मिनेटमा थिओ हर्नान्डेजले रातो कार्ड खाएपछि मिलान १० खेलाडीमा समेटिएको थियो ।

यो नतिजासँगै मिलान च्याम्पियन्स लिगबाट बाहिरियो भने फेयनुर्ड अन्तिम १६ मा प्रवेश गर्यो । समग्रमा फेयनुर्ड २–१ ले विजयी बनेको हो ।

काठमाडौँ । च्याम्पियन्स लिग फुटबलमा आजदेखि प्लेअफका खेलहरु सुरु हुँदैछन् ।

आज राति पाँच खेलहरु हुँदैछन् । त्यसमध्ये सबैभन्दा प्रतिक्षित खेल इंग्लिस क्लब म्यान्चेस्टर सिटी र स्पेनिस क्लब रियल मड्रिडबीचको रहेको छ ।

खेल सिटीको घरेलु मैदान इतिहाद स्टेडियममा नेपाली समय अनुसार राति १ः४५ बजे सुरु हुनेछ ।

यसै सिजनदेखि नयाँ ढाँचामा सुरु भएको प्रतियोगितामा सिटी र रियल अन्तिम १६ पुग्नका लागि प्लेअफ मै भिड्न लागेका हुन् । दुइमध्ये एकमात्र टोलीले अन्तिम १६ मा स्थान बनाउने भएकाले सिटी र रियलको यो खेल प्रतिक्षित छ ।

पहिलो लेग आज राति सिटीको मैदानमा हुँदा दोस्रो लेगको खेल १९ फेब्रुअरीमा रियलको घरेलु मैदान सान्टियागो बर्नबेउमा हुनेछ ।

लिग चरणको तालिकामा शीर्ष आठमा रहने टोलीले सिधै नकआउट चरणमा स्थान बनाउँदा थप ८ टोलीका लागि १६ टिमले ‘प्लेअफ’ खेल्दै छन् । जसमा होम एण्ड अवे लिगका आधारमा अन्तिम ८ टिम नकआउटमा प्रवेश गर्नेछन् ।

काठमाडौँ । च्याम्पियन्स लिग फुटबलमा इंग्लिस क्लब आर्सनलले जित निकालेको छ । गएराति भएको खेलमा आर्सनलले क्रोएसियाको क्लब डिनामो जाग्रेवलाई ३–० गोलले हराएको हो ।

घरेलु टोलिको जितमा डेक्लान राइस, काई हाभेर्ट्ज र मार्टिन ओडेगार्डले गोल गरे । जितसँगै आर्सनल ७ खेलबाट १६ अंकका साथ तालिकाको तेस्रो स्थानमा रहँदा डिनामो भने ८ अंकका साथ २६ औं स्थानमा रहेको छ ।

यस्तै, गएराति नै भएको अर्को खेलमा डच क्लब फेयनुर्डले जर्मन क्लब बायर्न म्युनिखलाई ३–० गोलले हरायो । घरेलु टोलिको जितमा सान्टियागो गिमिनेजले दुई तथा एयासे उएडाले एक गोल गरे ।

फेयनुर्ड ७ खेलबाट १३ अंकका साथ तालिकाको ११ औं स्थानमा छ भने बायर्न १२ अंकका साथ १५ औं स्थानमा छ ।

काठमाडौँ । च्याम्पियन्स लिग फुटबलमा पेरिस सेन्ट जर्मेन (पिएसजी)ले जित निकालेको छ ।

गएराति भएको खेलमा पिएसजीले इंग्लिस क्लब म्यान्चेस्टर सिटीलाई ४–२ गोलले हराएको हो ।

घरेलु टोलिलाई जित दिलाउन ओस्माने डेम्बेले, ब्राड्ली बार्कोला, जोआओ नेभेस र गोन्कालो रामोसले गोल गरे ।

सिटीका ज्याक ग्रिलिस र एर्लिङ हालाण्डले गोल फर्काए ।

यो नतिजासँगै पिएसजी ७ खेलबाट १० अंकका साथ तालिकाको २२ औं स्थानमा छ भने सिटी ८ अंकका साथ २५ औं स्थानमा छ ।

काठमाडौँ । च्याम्पियन्स लिग फुटबलमा स्पेनिस क्लब एट्लेटिको मड्रिडले जित निकालेको छ ।

गएराति भएको खेलमा एट्लेटिकोले जर्मन क्लब बायर लेभरकुसेनलाई २–१ गोलले हराएको हो । घरेलु टोलिको जितमा दुबै गोल युलियन अल्भारेजले गरे ।

खेलको २५ औं मिनेटमा पाब्लो बारिओसले रातो कार्ड खाएपछि एट्लेटिको १० खेलाडीमा समेटिएको थियो ।

पहिलो हाफको इन्जुरी समयमा पिएरो हिन्कापीले गोल गर्दै लेभरकुसेनलाई सुरुवाती अग्रता दिलाएका थिए ।

यता, ५२ औं र ९० औं मिनेटमा अल्भारेजले गोल गर्दै एट्लेटिकोलाई महत्वपूर्ण जित दिलाए । ७६ औं मिनेटमा लेभरकुसेनका गोलस्कोरर पिएरो रातो कार्ड खाँदै बाहिरिएका थिए ।

एट्लेटिको ७ खेलबाट १५ अंकसहित तालिकाको तेस्रो स्थानमा रहँदा १३ अंक जोडेको लेभरकुसेन छैटौं स्थानमा छ ।