काठमाडौं । नेकपा माओवादी केन्द्र निकट अखिल नेपाल खेलकुद महासंघको पूर्ण बैठक आगामी चैतमा हुने भएको छ ।

महासंघको आज बसेको बैठकले केन्द्रीय समितिको स्कुलिङसहित पूर्ण बैठक चैतभित्र सम्पन्न गर्ने निर्णय गरेको हो ।

पार्टीका केन्द्रीय सदस्य एवम् महासंघ इन्चार्ज दीपक कोइराला (रुपक) को प्रमुख आतिथ्यतामा सम्पन्न भएको अध्यक्षता महासंघका केन्द्रीय अध्यक्ष शिव कोइराला (ज्वाला)ले गर्नुभएको थियो ।

बैठकले जिल्ला एवम् प्रदेश समिति सम्मेलन आगामी बैशाखभित्र गर्ने र सम्मेलनको नारा एवम् कार्यक्रम (एक सम्मेलन एक खेलकुद प्रतियोगिता) भन्ने तय गरेको हो । बैठकले केन्द्रीय सम्मेलनको तयारीमा जुट्ने निर्णयसमेत गरेको छ ।

काठमाडौं । सरकारले गरेका गलत गतिविधिमा खवरदारी गर्न नेपाल खेलकुद महासंघले बिरोधसभा गर्ने भएको छ । नेपाल खेलकुद महासंघद्धारा सोमबार आयोजित विशेष वैठकमा नेपाल खेलकुद महासंघका केन्द्रिय अध्यक्ष परशुराम बस्नेतले यहि साउन १६ गते सरकारले गरेको मुल्यबृद्धिको विरोध, अनियमितता, भष्ट्राचार लगायतका बिषयमा खवरदारी गर्न बिरोधसभाको आयोजना गरिएको बताउनुभयो ।

काठमाडौंको बसन्तपुरमा हुने विरोधसभामा लाखौको सहभागिता हुने उहाँले बताउनुभयो । महासंघका सह ईन्चार्ज रमेश पौडेलको प्रमुख आतिथ्यमा सम्पन्न सो बैठकमा बजेट निमार्णमा सरकारले बाहिरका व्यक्तिलाई समावेश गर्नु, नागरिकता विधेयकमा भएको मनमरीको बिरोध गरिने बताईएको छ । कार्यक्रममा सह ईन्चार्ज रमेश पौडेलले वर्तमान सरकारले खेलकुद क्षेत्रलाई वेवास्ता गरेको बताउनुभयो ।

नेपाल खेलकुद महासंघको विशेष बैठक उपलब्ध स्थायी कमिटी सदस्य,सचिवालय सदस्य,आयोगका पदाधिकारीहरु, खेल संघका प्रमुखहरु, उपत्यका विशेष प्रदेश एवं बागमती प्रदेशका पदाधिकारीहरु,काठमाडौं,भक्तपुर,ललितपुरका अध्यक्ष लगायत उपस्थितिमा रहेको थियो ।

महासंघले सरकारले गरेको मूल्यवृद्धि,राष्ट्रघात,अनयमितता लगायत सम्पूर्ण गलत क्रियाकलाप विरुद्धको विरोध कार्यक्रममा महासंघको भुमिका एवं वृहत उपस्थिति ,महासंघका सांगठनिक कामलाई थप गतिशील बनाउदै लग्ने साथै नेकोसका सम्पूर्ण तह तप्काका कमिटीहरुलाई थप चलायमान बनाउदै लग्ने लगायत विषय वस्तुमा छ्लफल भएको थियो ।