इटहरी। कोशी प्रदेशका विभिन्न क्षेत्रमा उत्कृष्ट योगदान पुर्‍याएका व्यक्ति तथा संस्थालाई सम्मान गर्ने उद्देश्यले ‘कोशी एक्सिलेन्स अवार्ड २०२६’ आज इटहरीमा आयोजना हुँदैछ ।

कार्यक्रमका निर्देशक दीपक थापाका अनुसार नयन मिडिया फाउन्डेसनको आयोजनामा हुने यस अवार्ड समारोहमा कोशी प्रदेशभर विभिन्न क्षेत्रमा योगदान पुर्‍याएका व्यक्तित्व तथा संस्थालाई १६ विधामा अवार्ड तथा १० क्षेत्रमा विशेष सम्मान प्रदान गरिनेछ ।

अवार्डका विधाहरूमा कृषि, शिक्षा, स्वास्थ्य, सामाजिक सेवा, पत्रकारिता, साहित्य, खेलकुद, सूचना प्रविधि, अटोमोबाइल, सङ्गीत, बैंकिङ, इन्स्योरेन्स, पुँजी बजार, कर्पोरेट, उद्यमशीलता र स्टार्टअपलगायत क्षेत्र समेटिएका छन् ।

कार्यक्रम कोशी प्रदेशका मुख्यमन्त्री हिक्मतकुमार कार्की, प्रदेश सरकारका मन्त्रीहरू, विशिष्ट व्यक्तित्वहरू तथा विभिन्न क्षेत्रका प्रतिनिधिहरूको उल्लेख्य उपस्थिति रहनेछ । आयोजकका अनुसार कार्यक्रममा करिब पाँच सयभन्दा बढी विशिष्ट व्यक्ति, व्यवसायी, समाजसेवी तथा विभिन्न क्षेत्रका प्रतिनिधिको सहभागिता रहने अपेक्षा गरिएको छ ।

कार्यक्रमले कोशी प्रदेशका प्रतिभा, सिर्जनशीलता र योगदानलाई राष्ट्रिय तथा अन्तर्राष्ट्रियस्तरसम्म प्रवद्र्धन गर्ने लक्ष्य राखेको निर्देशक थापाले बताउनुभयो । यसअघि फागुन ७ गतेका लागि तय गरिएको कार्यक्रम निर्वाचन आचारसंहिताका कारण स्थगित भई आज आयोजना हुन लागेको हो । रासस

सुनसरी। कोशी प्रदेशको पर्यटन, व्यापार तथा सामाजिक–सांस्कृतिक पहिचानलाई विश्वमाझ चिनाउने उद्देश्यले यही चैत ७ गते ‘कोशी एक्सिलेन्स अवार्ड २०२६’ आयोजना हुने भएको छ । नयन मिडिया फाउन्डेसनको आयोजनामा हुने कार्यक्रम दिउँसो ३ः०० बजेदेखि सुरु हुनेछ ।

आयोजक संस्थाका प्रमुख कार्यकारी निर्देशक माधव सुवेदीका अनुसार यस वर्षको अवार्ड समारोहमा १६ विभिन्न विधामा उत्कृष्ट योगदान पु¥याउने व्यक्ति तथा संस्थालाई अवार्ड प्रदान गरिनेछ ।

कृषि, बैंकिङ तथा वित्तीय सेवा, व्यावसायिक नेतृत्व, शिक्षा, स्वास्थ्य, साहित्य, पत्रकारिता, सामाजिक काम, खेलकुद, नवप्रवर्तन, प्रविधि, पर्यटन तथा आतिथ्य, अटोमोबाइल, सङ्गीत तथा पुँजीबजारलगायत क्षेत्रमा उत्कृष्ट योगदान दिने व्यक्तित्व तथा संस्थालाई अवार्ड प्रदान गरिनेछ ।

कार्यक्रममा करिब ५०० भन्दाबढी सहभागी उपस्थित हुने अपेक्षा गरिएको छ । कार्यक्रममा विभिन्न सङ्घसंस्थामार्फत विशेष योगदान पु¥याएका कोशी प्रदेशका व्यक्ति तथा संस्थालाई विशेष सम्मान गरिने जनाइएको छ ।

फाउन्डेसनका अध्यक्ष पवन अधिकारीले कार्यक्रमको झण्डै ८० प्रतिशत तयारी पूरा भइसकेको जानकारी दिनुभयो । उहाँका अनुसार विभिन्न सरकारी तथा निजी संस्थासँग सहकार्य गर्दै कार्यक्रमलाई भव्य र व्यवस्थित बनाउन काम भइरहेको छ । रासस