काठमाडौं: नेकपा एमालेका अध्यक्ष केपी शर्मा ओलीले पार्टी भित्र शिर काटेर टेवलमा राखे पार्टी राम्ररी चल्छ भन्ने मानसिकता रहेको बताउनु भएको छ । ओलीले अहिलेको परिस्थितीमा पार्टी भित्र मजबुद एकता आवश्यक रहेको बताउनुभयाे ।

पार्टीको संगठन विभागले आयोजना गरेको सदस्यता नविकरण विस्तार तथा उत्प्रेरणा कार्यक्रमलाई आज सम्बोधन गर्दै अध्यक्ष ओलीले कतिपय नेताहरुले शिर काटेर टेबलमा राखिदिने हो भने पार्टी सुध्रिन्छ भन्ने अभिव्यक्ति दिएको बताए । ‘शिर काटेर टेवलमा राखिदिने हो भने जीउले मात्र पार्टी एकता हुन्छ भन्ने मानसिकता पार्टी हितमा छैन’ अध्यक्ष ओलीले भन्नुभयाे ।

‘विरोधीहरुबाट हमला भइरहेको बेला पार्टीका केही साथीहरु र कतिपय मिडियाले समेत पार्टी कै विरोध गरे ’ उहाले भन्नुभयाे ‘पार्टीमा कोही एता फर्केर बोल्ने,कोही उत्ता फर्केर बोल्ने । पार्टी विरुद्ध भ्रम फिँजाउने । समिक्षा गर्नुपर्छ भन्ने तर समिक्षा नै नभइ कोही हस्ताक्षर गर्न कुद्ध्ने,कोही अनेक भ्रम फैलाउदै कुद्ध्ने । यस्तो प्रवृतिले पार्टी एकताबद्ध हुन सक्दैन ।’

अध्यक्ष ओलीले पार्टी भित्र अहिले व्यापक एकता चाहिएको बताउनुभयाे  । एमाले ३६ वर्ष देखि जनताको बहुदलीय जनवादमा एकताबद्ध भएको बताउदै सबै नेता कार्यकर्ता त्यसकै आधारमा चल्नुपर्ने बताउनुभयाे ।

पार्टीको संगठन विभागले आयोजना गरेको कार्यक्रम आज र भोली चल्नेछ ।

काठमाडौँ: नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले भदौ २३ र २४ गतेका घटनाहरू सामान्य आन्दोलन वा क्रान्ति नभई तत्कालीन सरकारलाई विस्थापित गर्न रचिएको पूर्वनियोजित षड्यन्त्र भएको बताउनुभएको छ ।

अध्यक्ष ओलीले राष्ट्रिय मानव अधिकार आयोगको प्रतिवेदनको सार संक्षेपलाई उद्धृत गर्दै ती घटनाहरू प्रायोजित र आपराधिक क्रियाकलापको हिस्सा भएको दाबी गर्नुभएको हो । संवैधानिक र लोकतान्त्रिक रूपमा बलियो तथा जननिर्वाचित बहुमत प्राप्त सरकारलाई कानूनी र संसदीय प्रक्रियाबाट ढाल्न नसकेपछि अवैधानिक र आपराधिक मार्ग अपनाइएको ओलीको तर्क छ । उहाँले ती घटनाहरूको पृष्ठभूमिमा लामो समयदेखि तालिम र तयारी गरिएको समेत उल्लेख गर्नुभयो । ओलीकाअनुसार आगो लगाउने विधि, पेट्रोल बम निर्माण र प्रज्वलनशील पदार्थलाई थप घातक बनाउने जस्ता प्राविधिक तयारीहरू पहिले नै गरिएका थिए । यो कुनै आकस्मिक घटना नभई सुनियोजित रूपमा अघि बढाइएको उहाँको भनाइ छ । अध्यक्ष ओलीले लोकप्रिय नेताहरूलाई अलोकप्रिय बनाउन र उनीहरूका विरुद्ध झुटा तथा बनावटी आरोपहरू लगाउने प्रपञ्च समेत सोही योजनाको हिस्सा भएको जिकिर गर्नुभयो ।

उहाँले भन्नुभयो, ‘गत भाद्र २३ र २४ गतेको घटनालाई कसैले आन्दोलन भन्छन्, कसैले क्रान्ति । गर्नेहरूले त क्रान्ति भन्ने नै भए । युवाहरू तथा नवयुवाहरूको हत्याको प्रपञ्च गराउने क्रियाकलापलाई पनि उनीहरूले क्रान्ति भन्ने नै भए । आपराधिक क्रियाकलापको आयोजना आफैँ गर्ने, काँक्रो खाइसकेपछि बियाँ अर्काको गालामा टाँसेर आरोप लगाउने काम उनीहरूले त गर्ने नै भए । तर त्यो एउटा षड्यन्त्रपूर्ण, पूर्वनियोजित घटना थियो । यो मेरो भनाइ होइन । राष्ट्रिय मानव अधिकार आयोगको प्रतिवेदनको सारसंक्षेपमा भाद्र २३ र २४ गतेको घटना पूर्वनियोजित, पहिल्यै षड्यन्त्र गरिएको तथा प्रायोजित घटना थियो भन्ने कुरा उल्लेख गरिएको छ । त्यो यथार्थ हो । त्यो षड्यन्त्र हाम्रा विरुद्ध त थियो नै । हामी संवैधानिक र लोकतान्त्रिक हिसावले बलियो अवस्थामा थियौँ । हामी जनताबाट निर्वाचित बहुमत प्राप्त सरकारमा थियौँ र त्यो सरकार अत्यधिक बहुमतको सरकार थियो। त्यस सरकारलाई संवैधानिक, कानूनी तथा संसदीय बाटोबाट अनेक पटक ढाल्ने र ध्वस्त पार्ने प्रयास गरियो । तर त्यो सम्भव भएन । सम्भव नभएपछि अवैधानिक र आपराधिक मार्गबाट सरकारलाई विस्थापन गर्ने षड्यन्त्र भयो । त्यसका निम्ति पहिलेदेखि नै तालिमहरू सञ्चालन गरिए। आगो कसरी लगाउने, अत्यन्त प्रज्वलनशील वस्तुहरू कसरी बनाउने, पेट्रोल बम कसरी तयार गर्ने, प्रज्वलनशील पदार्थलाई अझ बढी प्रज्वलनशील तथा उच्च तापक्रममा बल्ने कसरी बनाउने, छिटो आगो लाग्ने विधि कसरी अपनाउने भन्ने जस्ता विषयमा प्रशिक्षण दिइयो । राष्ट्रव्यापी रूपमा आगलागीका घटना कसरी गराउने भन्ने योजना बनाइयो । गुगलको माध्यमबाट कुन–कुन नेताका घर कहाँ छन् भन्ने जानकारी सङ्कलन गरियो । संसद भवन, सिंहदरबार र सर्वोच्च अदालत त सबैलाई देखिएकै थिए । विभिन्न व्यापारिक प्रतिष्ठान तथा उद्योगधन्दा पनि देखिएकै थिए । तर नेताहरूका घर, निवास र सम्पत्तिहरू गल्ली तथा बस्तीभित्र हुने भएकाले तिनीहरूलाई गुगलमार्फत पहिचान गरी जानकारी वितरण गरिएको थियो । यो कुरा आकस्मिक रूपमा त्यतिबेला भएको होइन । यो अघिल्ला दिनहरूदेखि नै भइरहेको थियो । भाद्र २३ र २४ गतेको घटना त्यतिबेलाकै उपज मात्र पनि थिएन। यसका लागि लोकप्रिय नेताहरूलाई अलोकप्रिय कसरी बनाउने, उनीहरूका विरुद्ध झुट्टा आरोप कसरी लगाउने, बनावटी आरोपहरू सिर्जना गरेर जनमत प्रभावित कसरी पार्ने भन्ने योजनाहरू पनि बनाइएका थिए ।’

आपराधिक क्रियाकलापको आयोजना आफैँ गर्ने र दोष भने अरूलाई थोपर्ने प्रवृत्ति देखिएको भन्दै उहाँले सो घटनालाई ‘काँक्रो खाएर बियाँ अर्काको गालामा टाँस्ने’ प्रयासको रूपमा चित्रण गर्नुभयो ।–न्युज एजेन्सी नेपाल

काठमाडौँ: नेकपा (एमाले) को केन्द्रिय सचिवालय बैठक शुरु भएको छ । पार्टी अध्यक्ष केपी शर्मा ओलीको भक्तपुरको गुण्डुस्थित निवासमा केही बेरअघि बैठक शुरु भएको हो ।

पार्टीका नेताहरूको कार्यविभाजनलाई अन्तिम रूप दिनका लागि यो बैठक बोलाइएको हो । गत जेठ ५ गतेको सचिवालय बैठकमा अध्यक्ष ओलीले प्रश्तुत गर्नुभएको कार्यविभाजन सम्बन्धी प्रश्तावमाथि छलफल गरी आज त्यसलाई टुङ्ग्याउने तयारी रहेको छ ।

बैठकले पारित गरेको कार्यविभाजनलाई अन्तरपार्टी निर्देशन (अपानि) मार्फत मातहतका कमिटी र सम्बन्धित नेताहरूलाई पठाइने एमालेले जनाएको छ । ११ औँ महाधिवेशनपश्चात यसअघि नेताहरूको अस्थायी कार्यविभाजन मात्र गरिएको थियो । आगामी स्थानीय तहको निर्वाचनलाई मुख्य लक्ष्य बनाएर एमालेले यसपटक नेताहरूलाई नयाँ ढङ्गले जिम्मेवारी सुम्पिन लागेको हो । –न्युज एजेन्सी नेपाल

काठमाडौँ । नेपाल कम्युनिष्ट पार्टी (एमाले)को केन्द्रीय सचिवालयको बैठक आज बस्दैछ । अध्यक्ष केपी शर्मा ओलीको निवास भक्तपुरको गुण्डुमा दिउँसो १ः०० बजे बैठक बस्ने बैठकमा नेताहरुको कार्यविभाजन मुख्य एजेन्डा रहेको पार्टीका केन्द्रीय कार्यालय सचिव डा भीष्मराज अधिकारीले जानकारी दिनुभयो ।

बैठकमा पूर्वराष्ट्रपति विद्यादेवी भण्डारीको सदस्यता नवीकरणदेखि नेकपासँग पुन: पार्टी एकता गर्ने एजेण्डा अध्यक्ष केपी शर्मा ओलीले ल्याउने तयारी गरेको ओली निकट एक नेताले न्यूजपोलारलाई जानकारी दिनुभयो ।

उहाँले भन्नुभयो “सायद यी दुबै निर्णय छापामार शैलीमा हुँदैछ ।” पूर्वराष्ट्रपति भण्डारी र अध्यक्ष केपी शर्मा ओलीबीच गत आइतबार लामो छलफल भएको थियो ।

यो पनि पढ्नुहोस- अनुकूलता र प्रतिकूलतामा चाटाचाट र काटाकाट गर्ने ओली र दाहाललाई बाम एकताको त्यान्द्रोले जोड्ला ?

पत्थरीको शल्यक्रियापछि आराम गरिरहेका ओलीलाई निवासमै पुगेर स्वास्थ्य अवस्थाको बारेमा जानकारी लिनुका साथै राजनीतिक बिषयमा पनि छलफल भएको गुण्डुस्रोतले जानकारी दियो ।

यसैगरी ओलीले बाह्य रुपमा पार्टी भित्रबाट पनि आफुलाई अप्ठ्यारो परेपछि नेकपा विशेष गरेर पुष्पकमल दाहाल समूहसँग पार्टी एकता गर्ने तयारी गर्नुभएको छ । स्रोतका अनुसार यो विषय लगभग अन्तिम चरणमा पुगेको छ । तर दुबै पार्टी भित्रका बहुसंख्यक नेताहरु यो विषयमा अनभिज्ञ रहेका छन् ।

स्रोतका अनुसार ओली- दाहाल गठजोडका बारेमा नेकपाका नेताहरु माधव नेपाल र झलनाथ खनाल लगायतका नेताहरू पनि पूर्णरुपमा जानकार छैनन् । दाहालले उहाँहरुलाई एकता पछि खासै महत्व दिएजस्तो लाग्दैन ।

ओली- दाहाल दुबै अप्ठेरोमा परेका बेला एकअर्कालाई जोगाउन एकताको त्यान्द्रो समात्नु भएको छ । यो त्यान्द्रोले पनि जोगाउला जस्तो लाग्दैन, उहाँले भन्नुभयो  “हिजो दुबै नेताको ब्यक्तिगत स्वार्थका लागि नेकपा बनाइयो, उहाँहरुको कुरा मिलेन फेरि विभाजन गराइयो, आज पनि ब्यक्तिगत स्वार्थका लागि अर्को असफल प्रयासको तयारी हुँदैछ ।”

स्रोतका अनुसार ओली पार्टी अध्यक्ष बन्ने र दाहाल संसदीय दलको नेता बन्ने तयारी छ । एमाले र नेकपा बिच एकता हुँदा पार्टीले प्रमुख प्रतिपक्ष दलको हैसियत पाउने र संबैधानिक परिषदमा उपस्थिति हुने अवस्था आउँछ ।

यो पनि पढ्नुहोस – एमालेभित्र मडारिएको ‘बादल’

गत फागुनको आम निर्वाचनमा शर्मनाक हार भएपछि दुबै पार्टीका शीर्ष नेता पद छाड्नु पर्ने दबाबमा छन् । पछिल्ला दिन उपचारका लागि अस्पतालमा बस्दादेखि गुण्डु पुगेर ओली दाहाल बिच पटक पटक छलफल भएको छ ।

पार्टी भित्र वा सरकारमा आफू अनुकूल वा बलियो भएको परिस्थितिमा एकअर्काको उछित्तो काड्ने, घृणा र द्वेशयुक्त शब्दबाट एकअर्कालाई प्रहार गर्ने ओली र प्रचण्डको पुरानै शैली हो । अनि, प्रतिकूल परिस्थिति उत्पन्न हुनासाथ ती तिक्तता बिर्सेर बाम एकताको राग अलाप्नु कुनै आश्चर्य होइन । पार्टी सिद्धान्तबाट च्यूत भएका यी दुबै नेता युवा र तल्लो पुस्ताका आवाजलाई बेवास्ता गर्ने मात्र होइन उनीहरुको हुर्मत लिन पनि पछि पर्दैनन् ।

बाम इतिहास हेर्दा देखिन्छ, यो प्रयोग पटक पटक असफल हुँदै आएको छ । बदलिएको राजनीतिक परिस्थिति र निर्वाचन पछि थलिएको पार्टीबाट बिमुख हुने बाटोमा दुई नेताले विशेष गरेर आफूहरु केही समय सुरक्षित हुने उपाय खोज्न बाम एकताको राग अलापेपछि दुबै पार्टी भित्रबाट त्यसको आलोचना भएको छ ।

यसअघि पनि ओलीले सरकारमा रहँदा होस् वा पार्टीको भूमिकामा रहँदा छाड्न परे कुर्सी नै भाँचिदिने त बताउँदै आएका थिए । यसपटक पनि उनले कुनै न कुनै रुपमा रहने, नसके भाँच्न प्रयास गर्ने त्यो पनि नभए पार्टी भित्रका नेताहरु देखाइ दिने नाममा अर्को कुनै एकल सम्झौता नगर्लान भन्न सकिन्न, ती नेताले भने ।

काठमाडौँ। नेकपा एमालेका अध्यक्ष केपी शर्मा ओलीले ३३ वर्ष अगाडि दासढुंगामा भएको रहस्यमय घटनामा श्रद्धेय जननेता मदन भण्डारी र जीवराज आश्रितलाई गुमाएको बताएका छन्।

आज मदन-आश्रितको ३३ औं स्मृति दिवसमा शुभकामना व्यक्त गर्दै अध्यक्ष ओलीले यस्तो बताएका हुन्। उनले घाउहरू पुराना भए पनि समय बित्दै जाँदा तिनको दुखाइका स्मृति झन् गाढा हुँदा रहेछन् भदै स्मरण गरे, ‘अभावहरू झन् गहिरिँदारहेछन्। जननेता मदन भण्डारी मेरो नेता, साथी, सहयोद्धा – सबै हुनुहुन्थ्यो। जीवराज आश्रित कुशल संगठक हुनुहुन्थ्यो।’

मदन भण्डारी कम्युनिष्ट आन्दोलनलाई नयाँ वैचारिक भाष्य दिने जनताको बहुदलीय जनवाद निर्माणका अगुवा भएको बताउँदै ओलीले त्यस दौरानमा उनको विश्वास र अभिन्न निकटतामा रहेर काम गरेको सम्झना भइरहेको जिकिर गरे।

‘जनताको बहुदलीय जनवाद, जसले विचारलाई युग अनुरूपको मौलिक परिष्कार दियो, आन्दोलनलाई बलियो आवाज दियो र परिवर्तनको सपनालाई जनताको जीवनमा पुर्‍याउने मार्गचित्र दियो त्यसलाई हामीले ‘समृद्ध नेपाल, सुखी नेपाली’को राष्ट्रिय आकाङ्क्षा पूरा गर्ने अभियानका रूपमा अघि बढायौं,’ सामाजिक सञ्जालमा शुभकामना व्यक्त गर्दै ओलीले भने।

यस्तै, उनले पछिल्लो दशकमा त्यस अभियानले मानवीय र भौतिक पूर्वाधारको विकासमा परिवर्तन पनि ल्याउन थालेको बताए। उनले मदन भण्डारी-जीवराज आश्रित, र यस आन्दोलनले जन्माएका कयौं अग्रज र योद्धाहरू आज आफूमाझ शारीरिक रूपमा नरहे पनि विचार र योगदान राजनीतिक यात्रामा दीपस्तम्भझैँ रहेको जिकिर गरे।

जनताको बहुदलीय जनवाद एक सिजनको लोकप्रियता आर्जन गर्ने औजार नभइ यथार्थको धरातलमा टेकेर उभिएको विचार भएको ओलीको भनाइ छ।

सोही क्रममा उनले मदनलाई सम्झँदा केवल एउटा नेता वा मित्र गुमाएको पीडा मात्र नभइ एउटा युगद्रष्टा सहयोद्धा गुमाएको अनुभूति भएको बताए। उनले भने, ‘जनताको बहुदलीय जनवादको वैचारिक विरासतले हामीलाई अझै पनि निरन्तर अगाडि बढ्न, विचलित नभई जनताको पक्षमा उभिन, र परिवर्तनको यात्रालाई अधुरो हुन नदिन प्रेरित गरिरहेकै छ। प्रिय मदन- आश्रित, हार्दिक श्रद्धाञ्जली, उच्च सम्मान!’

काठमाडौं। नेपाली कांग्रेसका उपसभापति विश्वप्रकाश शर्मा र सहमहामन्त्री उदयशमशेर जबरा नेकपा एमालेका अध्यक्ष केपी शर्मा ओलीसँग भेट्न गुन्डु पुगेका छन् ।

मंगलबार साँझ शर्मा सहमहामन्त्री उदयशमशेर राणालाई लिएर ओली भेट्न भक्तपुरको गुण्डु पुगेका हुन् । कर्णाली प्रदेश सरकारको मुख्यमन्त्री फेर्नेबारे छलफल गर्न उनी गुण्डु पुगेका एक नेताले बताए ।

उनीहरूबीच ६ वटा प्रदेशमा विगतमा भएको सहमति अनुसार आलोपालो मुख्यमन्त्री बन्ने विषयमा छलफल भएको बताइएको छ।

काठमाडौं। नेकपा एमालेका अध्यक्ष केपी शर्मा ओलीले आज पार्टी स्थापना दिवशको कार्यक्रमलाई सम्बोधन गर्ने कार्यक्रम छ ।

पार्टी केन्द्रीय कार्यलय सचिव डा.भिष्म अधिकारीका अनुसार दिउसो दुई च्यासलमा आयोजना गरिने ७७ औं स्थपना दिवशको कार्यक्रमलाई अध्यक्ष ओलीले सम्बोधन गर्नुहुनेछ । ओलीको सम्बोधनमा समसामयिक राजनीति र एमालेको आगामी कार्यदिशा आदि विषयहरु समेटिने एक नेताले बताए ।

अध्यक्ष ओलीलाई चैत १४ गते सरकारले गिरफ्तार गरेर चैत २६ गते रिहा गरेको थियो । अध्यक्ष ओलीको पित्तथैलीमा पत्थरीयाको शल्यक्रिया गरेर बैशाख ५ गते घर फर्केका हुन् । स्वास्थ्य लाभ गरिरहेका ओलीले पार्टी स्थापना दिवशका दिन नेता कार्यकर्तालाई सम्बोधन गर्न लागेका हुन् ।
कार्यक्रममा सहभागी हुन काठमाडौं उपत्यकामा रहेका पार्टी केन्द्र,जनसंगठनका पदाधिकारी तथा केन्द्रीय सदस्य र शुभेच्छकहरुलाई आग्रह गरिएको छ ।

नेपालमा पुष्पलाल श्रेष्ठको नेतृत्वमा २००६ साल बैशाख ९ गते नेपाल कम्यूनिष्ट पार्टीको स्थापना गरिएको थियो ।

काठमाडौं: पछिल्ला केही दिन यता नेकपा एमाले र नेपाली कम्युनिष्ट पार्टी (नेकपा) बीच फेरि एकता हुने चर्चा चुलिएको छ । गत फागुनको आम निर्वाचनमा शर्मनाक हार भएपछि दुबै पार्टीका शीर्ष नेता केपी शर्मा ओली र पुष्पकमल दाहाल ‘प्रचण्ड’ बीच छटपटी बढेको छ, उनीहरु पार्टी एकता वा बाम एकता गर्ने भन्दै तयारीमा लागिसकेको स्रोतहरुले बताएका छन् ।

हिरासत सहित उपचारका क्रममा त्रिवि अस्पतालमा रहेका नेकपा एमालेका अध्यक्ष केपी शर्मा ओलीलाई भेट्न अस्पताल पुगेका नेकपाका संयोजक प्रचण्डले करिब ४५ मिनेट वार्तालाप गरेर बाहिरिए पछि बाम एकताको कुरा फेरि चुलिएको हो ।

पार्टी भित्र वा सरकारमा आफू अनुकूल वा बलियो भएको परिस्थितिमा एकअर्काको उछित्तो काड्ने, घृणा र द्वेशयुक्त शब्दबाट एकअर्कालाई प्रहार गर्ने ओली र प्रचण्डको पुरानै शैली हो । अनि, प्रतिकूल परिस्थिति उत्पन्न हुनासाथ ती तिक्तता बिर्सेर बाम एकताको राग अलाप्नु कुनै आश्चर्य होइन । पार्टी सिद्धान्तबाट च्यूत भएका यी दुबै नेता युवा र तल्लो पुस्ताका आवाजलाई बेवास्ता गर्ने मात्र होइन उनीहरुको हुर्मत लिन पनि पछि पर्दैनन् ।

बाम इतिहास हेर्दा देखिन्छ, यो प्रयोग पटक पटक असफल हुँदै आएको छ । बदलिएको राजनीतिक परिस्थिति र निर्वाचन पछि थलिएको पार्टीबाट बिमुख हुने बाटोमा दुई नेताले विशेष गरेर आफूहरु केही समय सुरक्षित हुने उपाय खोज्न बाम एकताको राग अलापेपछि दुबै पार्टी भित्रबाट त्यसको आलोचना सुरु भएको छ ।

पार्टीभित्र मध्यमार्गी धारको प्रतिनिधित्व गर्ने एमाले उपाध्यक्ष बिष्णु पौडेलले निर्वाचनमा भएको चिन्ताजनक पराजयको गभीर समीक्षा र पार्टीको पुनर्गठन आजको प्राथमिक कार्यसूची हो । यस यथार्थबाट अन्यत्र ध्यान मोड्ने गरी पर्दा भित्रबाट वामपन्थी एकताको असान्दर्भिक चर्चा चलाइएको बताउनुभएको छ ।

पौडेल मात्र होइन महासचिब शंकर पोखरेलले पनि वाम एकताका सन्दर्भमा भएको मिडिया ट्रायललाई लिएर असन्तुष्टि जनाउनु भएको छ ।

उहाँले लेख्नुभएको छ- आजभोलि सामाजिक सञ्जालमा मनोगतरुपमा भ्रमपूर्ण एजेन्डा सेटिङ गर्ने र त्यसैलाई आधार बनाएर बहस चलाउने प्रवृत्ति तीव्र रूपमा बढ्दो छ। जुन संस्था वा व्यक्तिबारे बहस गरिन्छ, उनीहरूको आधिकारिक धारणा बुझ्ने आवश्यकता नै नदेख्ने, र कतिपय जिम्मेवार व्यक्तिहरू समेत अपुष्ट र भ्रमपूर्ण विषयका आधारमा प्रतिक्रिया दिन हतारिने गलत चलन बढिरहेको छ।
यसरी भाइरल हुने नाममा ग़म्भीर विषयमा गरिने सस्तो टिकाटिप्पणीले समाजमा भ्रम, अविश्वास र अनावश्यक कटुता मात्र बढाउँछ। तसर्थ कुनै गम्भीर विषय संजालमा देखिएमा तथ्य जाँचौं, आधिकारिक स्रोत सुनौं, अनि जिम्मेवार बहसको संस्कार बसालौं।

उहाँले थप लेख्नु भएको छ, यतिबेला नेकपा (एमाले) आम निर्वाचन २०८२ मा बेहोर्नु परेको पराजयपछि समीक्षाको चरणमा प्रवेश गरेको छ। निर्वाचन समीक्षाको काम वडा, पालिका र जिल्ला तहमा सञ्चालन भइरहेको छ। प्रदेशबाट समीक्षा प्रतिवेदन प्राप्त भइसकेपछि केन्द्रीय सचिवालयका तर्फबाट समीक्षा प्रतिवेदन तयार गरिने छ ।

निर्वाचन समीक्षाका सन्दर्भमा केन्द्रीय सचिवालयले अनलाइन प्रश्नावली तयार गरी अगुवा कार्यकर्ताबाट व्यक्तिगत सुझावसमेत संकलन गरिरहेको छ। यी सम्पूर्ण तथ्य र सुझावका आधारमा पार्टी अध्यक्षको उपस्थितिमा केन्द्रीय सचिवालयमार्फत केन्द्रीय कमिटीले समग्र समीक्षा गरी पार्टीको संस्थागत दृष्टिकोण तय गर्नेछ।

निर्वाचन समीक्षाका आधारमा पार्टीलाई योजनावद्ध रुपमा पुनर्जागृत र पुनर्गठित गरिनेछ। त्यसैले यस अवधिमा नियोजित तथा प्रायोजित रुपमा पार्टीलाई विवादित र कमजोर बनाउने उद्देश्यले भइरहेका प्रचारबाजीबाट प्रभावित नहुन सम्पूर्ण पार्टी पंक्तिलाई हार्दिक अनुरोध छ ।

यसैगरी अर्का प्रभावशाली नेता प्रदीप ज्ञावलीले पनि अहिलेको खाँचो आफैभित्र नियाल्ने, मन्थन गर्ने र सुधार गर्ने हो भन्दै वामपन्थी एकताका बारेमा असन्तुष्टि जनाउनु भएको छ ।

उहाँले लेख्नु भएको छ, कुनै संस्थागत निर्णय भएको थाहा छैन, तर मिडियातिर ‘वामपन्थी एकता’ को चर्चा सुरू भएछ ।

पहिलो त, आजको चुनौती वामपन्थी या कम्युनिस्ट आन्दोलनको दायरामा मात्र सीमित छैन । नेपालले लामो प्रयत्न पश्चात् आर्जेको प्रगतिशील लोकतान्त्रिक स्पेस नै साँघुरिँदै गएर सर्वसत्तावादी शासकीय शैलीतिर उन्मुख हुँदै गरेको, सामाजिक सुरक्षा र न्यायसहितको लोककल्याणकारी आर्थिक प्रणाली होइन, नवउदारवादी बजार स्वच्छन्दतातिर आर्थिक दिशा सोझिँदै गरेको र स्थापित विधि, कानुनी प्रणाली र लोकतान्त्रिक संस्थाहरूको ठाउँमा स्वेच्छाचारिता र तिलस्मी नायकहरूले जादुमयी ढङ्गले सुनौला दिन ल्याइदिने विभ्रमले समाजको ठुलै हिस्सा प्रभावित भएको समयमा हामी छौँ ।

त्यसैले सङ्कटलाई फराकिलो क्यानभासमा राखेर हेरिनु पर्छ र तदनुरूपकै नीति अवलम्बन गरिनु पर्छ ।

अर्को, यतिबेला वामपन्थीहरू सहित सबै पार्टीहरू समीक्षाको प्रक्रियामा छन् । धक्का एमालेले पनि खाएको छ, दर्जन बढी समूह ‘एकीकृत’ गरेर बनेको नेकपाले पनि । ‘विद्रोह’ गरेर बनेका संयुक्त या प्रलोपाहरूले पनि । समस्या एउटै छैन र समाधानको रेसिपी पनि एउटै हुन सक्दैन ।

यस्तो अवस्थामा पहिलो कदम भनेकै सङ्कटको गांभीर्यबोध, निर्मम आत्मसमीक्षा र व्यापक सुधार/पुनर्गठनको विधिवत् प्रक्रिया अगाडि बढाउनु हो । पहिले आफू तङ्ग्रिएपछि मात्रै सार्थक विमर्श र विषयगत सहकार्यको अर्थ हुन सक्छ ।

अन्यथा यस्ता छलफल या त बौद्धिक विलासितामा सीमित हुन्छन्, या आफ्नो घरभित्रका समस्या छिमेकतिर सारिदिने दाउपेचमा रूपान्तरित हुन जान्छन् ।

नेता सुरेन्द्र पाण्डेले पनि केही सीमित व्यक्तिको स्वार्थपूर्तिका लागि यस्ता हल्ला चलाइएको जनाउनु भएको छ ।

उहाँले लेख्नुभएको छ

हाम्रा कतिपय कमरेडहरू नेतृत्वमाथि संकट आइलाग्यो भन्दै फेरि पनि वाम एकताको दौडधुपमा हुनुहुन्छ। हिजो पद प्राप्तिका लागि एकता गरियो, आज सायद आफ्नो गुम्दो अस्तित्व जोगाउन। तर पार्टी एकता स्पष्ट विचार र सिद्धान्तका लागि गर्ने कि केही सीमित व्यक्तिको स्वार्थपूर्तिका लागि ?

यसैगरी नेपाली कम्युनिष्ट पार्टीका नेता रामप्रसाद सापकोटाले पनि कम्युनिस्ट पार्टी सामान्य सुधार होइन क्रमभंग र प्रलयकारी रूपान्तरण आवश्यक रहेको जनाउनु भएको छ ।

उहाँले लेख्नुभएको छ, नेपाली कम्युनिस्ट पार्टी सामान्य सुधार होइन क्रमभंग र (प्रलयकारी) रूपान्तरणको निर्णय गर्नुपर्छ अहिलेको संगठनात्मक संरचना बोकेर गएर माछा होइन भ्यागुतो पनि हात लाग्दैन ।

अम्रेला आकारको सबै संगठनात्मक संरचना भंग गरेर जिरोबाट सुरू गरौ ।

भदौ २३ र २४ गतेको जेन जी घटनासम्बन्धी जाँचबुझ आयोगको प्रतिवेदनको सिफारिसका आधारमा आफू चैत १४ पक्राउ परेपछि सडकबाट सरकारलाई पर्याप्त दबाब दिने अनुमान ओलीको थियो । तर पार्टीका कुनै पनि शीर्षनेता उत्साहजनक रुपमा सडकमा निस्किएनन् भने कार्याकर्ताले ओली पक्राउलाई खासै गम्भीरतापूर्वक लिएनन् । जसका कारण हिरासत सहितको अस्पताल बसाईका क्रममा भेट्न जानेहरुलाई आक्रोश पोख्न थालेपछि भेटघाट गर्न जानेहरु पनि कम भएका थिए ।

त्यसैगरी पछिल्ला समयमा ओलीका प्रियपात्र तथा पूर्व माओबादी र हाल एमाले उपाध्यक्ष रामबहादुर थापाले संसदमा बोलेको अभिव्यक्तिलाई लिएर पार्टीभित्र विरोध भएको भन्दै असन्तुष्ट जनाएका ओलीलाई हिजोका खास कुनै पनि सारथीले साथ दिएनन् । जसका कारण ओलीले फेरि पुष्पकमल दाहालको काँधको साथ खोज्न थालेका हुन् भने दाहाललाई पनि ओलीको साथ पाए संसदमा ठूलो दल बन्दै प्रमुख प्रतिपक्ष दलको नेता बन्न पाइने र संवैधानिक परिषद्को सदस्य हुन पाइने महत्वकाँक्षा जागृत भएको देखिन्छ ।

यो पनि पढ्नुहोस – एमालेभित्र मडारिएको ‘बादल’

यसअघि पनि ओलीले सरकारमा रहँदा होस् वा पार्टीको भूमिकामा रहँदा छाड्न परे कुर्सी नै भाँचिदिने त बताउँदै आएका थिए । यसपटक पनि उनले कुनै न कुनै रुपमा रहने नसके भाँच्न प्रयास गर्ने त्यो पनि नभए पार्टी भित्रका नेताहरु देखाइ दिने नाममा अर्को कुनै एकल सम्झौता नगर्लान भन्न सकिन्न ।

एमालेका एक सचिवालय सदस्यका अनुसार ओलीको आवश्यकता ठान्ने उपाध्यक्ष रामबहादुर थापा र सचिव महेश बस्नेत मात्र छन् । अरु सबै उहाँको बहिर्गमनको प्रतीक्षामा छन् । स्वबहिर्गमन नभए हस्तक्षेप गरेर विस्थापित गर्ने तयारी भएको ती नेताले जानकारी दिए ।

उनले भने अध्यक्ष ओलीलाई हटाएर पार्टी आन्दोलन पुनर्गठन त हुन्छ नै त्यसपछिको नेतृत्वका बारेमा खासै समस्या छैन । विशेष महाधिवेशन गरेर पार्टीलाई ट्रयाकमा ल्याउने हो ।

सम्भवत: अब बस्ने सचिवालय बैठकमा ओलीको बहिर्गमनको विषय औपचारिक रुपमा प्रवेश हुनेछ भने रामबहादुर थापाले संसद र पोखरामा दिएको अभिव्यक्तिका बारेमा पनि गम्भीर समीक्षा हुने र दुबै वक्तब्यलाई अस्वीकार गर्ने अवस्था आउने ती सचिवालय सदस्यले जानकारी दिए ।

एमालेमा ओलीलाई र नेकपाबाट दाहाल नेतृत्वबाट बिदा गर्न आन्तरिक छलफल तीव्र भइरहेको बेला दुई नेताले समात्न खोजेको बाम एकताको त्यान्द्रोले दुई नेताको गहिराइबाट तत्कालका लागि उद्धार त गर्ला तर छिन्यो भने फेरि कहिल्यै उठ्न नसक्ने गरी बजारिने छ । त्यसको क्षति अहिलेको भन्दा पनि बढी नहोला भन्न सकिन्न ।

काठमाडौँ ।नेकपा (एमाले) अध्यक्ष एबं पूर्व प्रधानमन्त्री केपी शर्मा ओली अस्पतालबाट डिस्चार्ज हुनु भएको छ ।

गत चैत १४ गते पक्राउ परेलगत्तै स्वास्थ्य समस्या देखिएपछि ओली त्रिभुवन विश्वविद्यालय शिक्षण अस्पतालमा भर्ना हुनु भएको थियो ।

पत्थरीसम्बन्धी शल्यक्रिया गरेर २१ दिनको उपचारपछि ओली आज डिस्चार्ज हुनु भएको हो ।

काठमाडौं । नेकपा एमालेले वैशाख १२ गते राजधानी काठमाडौंमा आयोजना गर्ने विरोध प्रर्दशन तथा सभाको कार्यक्रम स्थगन गरेको छ ।

१४ चैत गते अध्यक्ष केपी शर्मा ओली पक्राउ परेपछि १८ चैत्रमा बसेको सचिवालय बैठकले आन्दोलनको कार्यक्रम तय गरेको थियो । तर २६ चैतमा ओली अदालतको आदेशले हाजिरी जमानीमा रिहा भए पछि एमालेले सडक संघर्षका कार्यक्रमहरु स्थगन गरेको सचिवालयका एक सदस्यले जानकारी दिनुभयो ।

सचिवालय बैठकले अध्यक्ष ओलीको पक्राउ विरुद्धको आन्दोलनलाई निरन्तरता दिने निष्कर्ष निकाल्दै २०८३ साल वैशाख १२ गतेसम्म वडा तहसम्मको विरोध प्रदर्शनको कार्यक्रम तय गरेको थियो । जसमा वडा, पालिका, जिल्ला र वैशाख १२ गते राजधानी काठमाडौंमा विशाल प्रदर्शनसहितको विरोध सभाको आयोजना गर्ने निर्णय गरिएको थियो ।

जेनजी आन्दोलनमा दमन गरेको आरोपमा चैत १४ गते ओली र पूर्वगृहमन्त्री रमेश लेखक पक्राउ परेका थिए। गौरीबहादुर कार्की नेतृत्वको आयोगले चैत २४ मा बुझाएको प्रतिवेदनको आधारमा मन्त्रिपरिषद्ले ओली र तत्कालीन गृहमन्त्री लेखकलाई फौजदारी मुद्दामा कारबाही गर्ने सिफारिस कार्यान्वयन गर्ने निर्णय गरेको थियो ।

पक्राउ लगत्तै त्रिवि शिक्षण अस्पतालमा भर्ना हुनु भएका ओलीले आफु पक्राउ पर्दा सडकमा शसक्त प्रदर्शन नगरेको भन्दै भेट्न जाने नेता तथा कार्यकर्ताहरुसंग तिब्र असन्तुष्टि जनाउनु भएको थियो । ओलीसंग अस्पतालमा भेटेका एक नेताले भन्नुभयो, उहाँमा कत्ति पनि चिन्ता देखिएन, न समयको बेगलाई बुझ्न सक्नुभयो न परिवर्तनको भावलाई नै । जसका कारण औपचारिक रुपमा उहाँको पक्राउको बिरोध गरेपनि कुनै पनि नेताले शसक्त प्रतिबाद गर्ने अवस्था रहेन । अदालतले हाजिर जमानीमा रिहा गरेपछि अब आन्दोलनको कुनै अर्थ छैन । त्यसैले स्थगित भयो ।

काठमाडौँ । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई प्रहरीले आज (बिहीबार) हाजिरी जमानीमा रिहा हुनु भएको छ ।

काठमाडौँ प्रहरी परिसरका प्रवक्ता एसपी पवनकुमार भट्टराईका अनुसार आवश्यक परेका बेला हाजिर हुने सर्तमा ओली र लेखकलाई उहाँहरूको जिम्मामा छाडिएको छ। ओलीलाई श्रीमती राधिका शाक्य र लेखकलाई श्रीमती यशोदा जोशीको जिम्मामा छाडिएको हो।
प्रवक्ता भट्टराईले भन्नुभयो ‘अनुसन्धानका क्रममा खोजेका बखत हाजिर हुने सर्तमा उहाँहरूलाई जिम्मा जमानीमा रिहा गरियो।’

गत भदौमा भएको जेनजी आन्दोलनमा ज्यान जाने गरी दमन गरेको अभियोगमा तत्कालीन प्रधानमन्त्री ओली र तत्कालीन गृहमन्त्री लेखकलाई जिल्ला प्रहरी परिसर काठमाडौँले यही चैत १४ गते शनिबार पक्राउ गरेको थियो। बिरामी भएका कारण एमाले अध्यक्ष ओली त्रिवि शिक्षण अस्पतालमा भर्ना हुनु भएको छ ।

प्रहरी हिरासतबाट मुक्त भए पनि पत्थरीको उपचार जारी रहेकाले पूर्वप्रधानमन्त्री ओली भने सोमबार मात्र शिक्षण अस्पतालबाट डिस्चार्ज हुने बताइएको छ। लेखकलाई महाराजगन्जमै रहेको प्रहरीको २ नं गणमा राखिएको थियो।

काठमाडौं: पूर्व प्रधानमन्त्री एवं नेकपा एमालेका अध्यक्ष केपी शर्मा ओलीको भक्तपुरस्थित गुन्डु निवासमा प्रहरीले खानतलासी गर्ने तयारी गरेको छ ।

प्रहरीले ओली निवासमा खानतलासी गर्न आदेश लिइसकेको ओली निकट स्रोतहरुले बताएका छन् ।

प्रहरीले उहाँको निवासमा के प्रयोजनका लागि खानतलासी लिन चाहेको हो भन्ने प्रस्ट भइसकेको छैन ।

पूर्व प्रधानमन्त्री ओली गत भदौ २३ गतेको जेन जी आन्दोलनका क्रममा भएको दमनमा संलग्न रहेको भन्दै गौरी बहादुर कार्की आयोगको सिफारिस बमोजिम अभियोजन र अनुसन्धानका नाममा प्रहरी हिरासतमा रहनु भएको छ । तर उहाँ स्वास्थ्यका कारण त्रिवि शिक्षण अस्पतालमा बसेर उपचार गराइरहनु भएको छ ।

उहाँ र पूर्व गृहमन्त्री रमेश लेखकका तर्फबाट सर्वोच्च अदालतमा दायर गरिएको बन्दीप्रत्यक्षीकरणको रिटमाथि सर्वोच्चमा बहस सकिएको छ । आजको सुनुवाई सर्वोच्चका न्यायाधीश द्वय विनोद शर्मा र सुनिल कुमार पोखरेलको इजलासमा भएको थियो ।

यसैबीच, प्राप्त समाचार अनुसार सर्वोच्चले बन्दीप्रत्यक्षीकरणको रिट खारेज गरिदिएको छ र दुबै रिटमाथि परमादेश जारी गरिदिएको छ । अब दुबैलाई म्याद नथप्न परमादेश भएको सर्वोच्चले जनाएको छ ।

काठमाडौं । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकको बन्दी प्रत्यक्षीकरण रिट खारेज गरेको छ ।

सर्वोच्च अदालतका न्यायाधीश विनोद शर्मा र सुनिलकुमार पोखरेलको इजलासले बन्दी प्रत्यक्षीकरण रिटमाथि सुनुवाइ गर्दे खारेज गरेको हो ।

अदातले अब उनीहरुको म्याद नथप्न भने परमादेश जारी गरेको छ ।

“जिल्ला अदालतबाट मिति २०८२/१२/२२ मा भएको आदेश अनुसारको समयावधिमा अनुसन्धानं कार्यसम्पन्न भई मुद्दा चल्ने नचल्ने निर्णय भएमा सोहीअनुसार र सो हुन नसकेमा तत्पश्चात् अर्थात् तेस्रो पटक म्याद थपको अवधि उपरान्त यी रिट निवेदक केपी शर्मा ओली र रमेश लेखकलाई मुलुकी फौजदारी कार्यविधि संहिता, २०७४ को दफा १५ को प्रक्रिया पूरा गरी हिरासत मुक्त गरी थप अनुसन्धान तहकिकातको कार्य सम्पन्न गरी जे जो गर्नुपर्ने हो गर्नु गराउनू भनी प्रत्यर्थीहरुका नाममा परमादेशको आदेश जारी गरिएको छ”, आदेशमा भनिएको छ ।

आईतबार जिल्ला अदालत काठमाडौँले ओली र लेखकलाई थप पाँच दिन थुनामा राखेर अनुसन्धान गर्न अनुमति दिएको थियो ।

न्यायाधीश जगतबहादुर पौडेलको इजलासले थप अनुसन्धान गर्ने तथा प्रमाणहरु बुझ्न र अनुसन्धानसम्बन्धी थप कार्यहरु बाँकी नै रहेकाले हिरासतमा राख्न मनासिव देखिएको उल्लेख गर्दै म्याद थप गर्न अनुमति दिएको हो ।

आदेशमा भनिएको छ, “थप अनुसन्धान गर्ने तथा प्रमाणहरु बुझ्नेसमेतका अनुसन्धानसम्बन्धी थप कार्यहरु बाँकी नै रहेको देखिँदा उल्लेखित अनुसन्धानको प्रयोजनका लागि प्रतिवादीलाई हिरासतमा राख्न मनासिव देखिँदा निज प्रतिवादी प्रतिवादी पूर्वप्रधानमन्त्री ओली र पूर्वगृहमन्त्री लेखकलाई हिरासतमा राखी उपर्युक्त लेखिएबमोजिमको कार्यहरु सम्पन्न गर्ने प्रयोजनका लागि चैत २१ गतेदेखि लागू हुने गरी ५ (पाँच)  दिनको म्याद थपको अनुमति प्रदान गरिएको छ ।”

अदालतका श्रेस्तेदार तीर्थराज भट्टराईका अनुसार अदालतले यही चैत २१ गतेदेखि लागू हुने गरी पाँच दिन म्याद थपको अनुमति दिएको हो । यसअघि, अदालतले सुरूमा पाँच दिन र पछि दुई दिन म्याद थप गरेको थियोे ।

जेनजी आन्दोलनको बेला एमाले अध्यक्ष ओली प्रधानमन्त्री र कांग्रेस नेता लेखक गृहमन्त्री हुनुहुन्थ्यो । उक्त आन्दोलनमा भएको दमनबारे जाँचबुझ गर्न गठित आयोगले अध्यक्ष ओली र नेता लेखकलाई फौजदारी मुद्दामा कारबाही अघि बढाउन सिफारिस गरेको थियो । सो सिफारिसका आधारमा जरुरी पक्राउ पुर्जी जारी गरेर यही चैत १४ गते शनिबार दुवै जनालाई पक्राउ गरिएको थियो ।

काठमाडौं । सर्वोच्च अदालतले नेकपा (एमाले) का अध्यक्ष एवं पूर्वप्रधानमन्त्री केपी शर्मा ओली तथा पूर्व गृहमन्त्री रमेश लेखकलाई थुनामुक्त माग गर्दै दायर गरेको बन्दीप्रत्यक्षीकरणको रिट निवेदनमा हेर्दाहेर्दैमा (सोमबार) आज पनि सुनुवाइ हुने भएको छ ।

न्यायाधीश विनोद शर्मा र सुनिलकुमार पोखरेलले आईतबार  सुनुवाइ सुरू गर्दागर्दै समय नभ्याएका कारण सोमबार सुनुवाइ हुने अदालतका प्रवक्ता अर्जुनप्रसाद कोइरालाले जानकारी दिनुभयो ।

अध्यक्ष ओलीकी पत्नी राधिका शाक्य र लेखककी पत्नी यशोदा लेखकले यही चैत १५ गते गैरकानुनी थुनामा राखिएको उल्लेख गर्दै थुनामुक्त गर्न माग गर्दै बन्दीप्रत्यक्षीकरणको रिट निवेदन दायर गर्नुभएको थियो ।

यसअघि, न्यायाधीश मेघराज पोखरेलको इजलासले अध्यक्ष ओली र न्यायाधीश कुमार रेग्मीको इजलासले नेता लेखकको यही चैत १६ गते बन्दीप्रत्यक्षीकरणको रिट निवेदनमा कारण देखाउ आदेश गरेको थियो । रिट निवेदनमा गत भदौ २३ र २४ गतेको घटनासम्बन्धी जाँचबुझ आयोगको प्रतिवेदनको सिफारिसका आधारमा पक्राउ गर्नु र थुनामा राख्नु गैरकानुनी भएको उल्लेख गरिएको छ ।

काठमाडौं । जिल्ला अदालत काठमाडौंले एमाले अध्यक्ष तथा तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकको थप ५ दिन हिरासतमा राख्न म्याद थप गरेको छ ।

जिल्ला अदालत काठमाडौँका न्यायाधीश जगतबहादुर पौडेलको इजलासले थप अनुसन्धान गर्ने तथा प्रमाणहरु बुझ्ने समेतका अनुसन्धान सम्बन्धी थप कार्यहरु बाँकी नै रहेकाले हिरासतमा राख्न मनासिव देखिएको भन्दै म्याद थपको निर्णय गरेको हो।

ओली र लेखक दुवै जना चैत १४ गते बिहान भक्तपुरबाट पक्राउ परेका थिए ।

काठमाडौँ। सर्वोच्च अदालतले नेकपा (एमाले) का अध्यक्ष केपी शर्मा ओली एवं पूर्वप्रधानमन्त्री तथा नेपाली कांग्रेसका नेता एवं पूर्व गृहमन्त्री रमेश लेखकलाई थुनामुक्त माग गर्दै दायर गरेको बन्दीप्रत्यक्षीकरणको रिट निवेदनमा हेर्दाहेर्दैमा सोमबार सुनुवाइ हुने भएको छ ।

न्यायाधीश विनोद शर्मा र सुनिलकुमार पोखरेलले आज सुनुवाइ सुरू गर्दागर्दै समय नभ्याएका कारण सोमबार सुनुवाइ हुने अदालतका प्रवक्ता अर्जुनप्रसाद कोइरालाले जानकारी दिनुभयो ।

अध्यक्ष ओलीकी पत्नी राधिका शाक्य र नेता लेखककी पत्नी यशोदा लेखकले यही चैत १५ गते गैरकानुनी थुनामा राखिएको उल्लेख गर्दै थुनामुक्त गर्न माग गर्दै बन्दीप्रत्यक्षीकरणको रिट निवेदन दायर गर्नुभएको थियो ।

यसअघि, न्यायाधीश मेघराज पोखरेलको इजलासले अध्यक्ष ओली र न्यायाधीश कुमार रेग्मीको इजलासले नेता लेखकको यही चैत १६ गते बन्दीप्रत्यक्षीकरणको रिट निवेदनमा कारण देखाउ आदेश गरेको थियो ।

रिट निवेदनमा गत भदौ २३ र २४ गतेको घटनासम्बन्धी जाँचबुझ आयोगको प्रतिवेदनको सिफारिसका आधारमा पक्राउ गर्नु र थुनामा राख्नु गैरकानुनी भएको उल्लेख गरिएको छ ।

रिट निवेदनमा कुनै पनि जाँचबुझ आयोगले प्रतिवेदनकै आधारमा सिधै पक्राउ गर्ने कुरा कानुनसम्मत उल्लेख छ । रासस

काठमाडौं। पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकले दायर गरेका बन्दी प्रत्यक्षीकरण रिट निवेदन न्यायाधीशद्वय विनोद शर्मा र सुनिल पोखरेलको संयुक्त इजलासमा सुनुवाइ हुदैछ ।

‘जेनजी’ आन्दोलनका घटना छानबिन गर्न गौरीबहादुर कार्की नेतृत्वको जाँचबुझ आयोगको प्रतिवेदन कार्यान्वयन गर्दै तत्कालीन प्रधानमन्त्री ओली र गृहमन्त्री लेखकलाई यही चैत १४ देखि प्रहरीको हिरासतमा राखिएको छ।

पक्राउ गैरकानुनी भएको दाबी गर्दै यही चैत १५ गते सर्वोच्च अदालतमा बन्दी प्रत्यक्षीकरण रिट दायर गरिएको थियो । ओलीका तर्फबाट श्रीमती राधिका शाक्यले बन्दी प्रत्यक्षीकरण निवेदन दर्ता गराएकी थिइन् भने लेखकको तर्फबाट उनकी श्रीमती यशोदा लेखकले निवेदन दर्ता गराएकी थिइन् ।

काठमाडौँ। जिल्ला अदालत काठमाडौँले नेपाल कम्युनिष्ट पार्टी (एमाले)का अध्यक्ष एवम् पूर्वप्रधानमन्त्री केपी शर्मा ओली र नेपाली कांग्रेसका नेता तथा पूर्वगृहमन्त्री रमेश लेखकलाई थप दुई दिन थुनामा राखेर अनुसन्धान गर्न अनुमति दिएको छ ।

अदालतका स्रेस्तेदार तीर्थराज भट्टराईका अनुसार अदालतले यही चैत १५ गते पाँच दिन म्याद थपको अनुमति दिएकोमा सो म्याद सकिएपछि दुई दिन म्याद थप गरेको हो । यसअघि, न्यायाधीश आनन्दप्रसाद श्रेष्ठको इजलासले अनुसन्धानका लागि पाँच दिन म्याद थप गरेको थियोे ।

सरकारी वकिलले अध्यक्ष ओली र नेता लेखकलाई १० दिन थुनामा राखेर अनुसन्धान अघि बढाउन माग गरेको थियो ।

जेनजी आन्दोलनको बेला एमालेका अध्यक्ष ओली प्रधानमन्त्री र  कांग्रेस नेता रमेश लेखक गृहमन्त्री हुनुहुन्थ्यो । उक्त आन्दोलनमा भएको दमनबारे जाँचबुझ गर्न गठित आयोगले अध्यक्ष ओली र नेता लेखकलाई फौजदारी मुद्दामा कारबाही अघि बढाउन सिफारिस गरेको थियो । सो  सिफारिसका आधारमा पक्राउ पुर्जी जारी गरेर गत शनिबार ओली र लेखकलाई पक्राउ गरिएको थियो । रासस
—

काठमाडौँ: नेकपा (एमाले) ले पार्टी अध्यक्ष केपी शर्मा ओली पक्राउ विरुद्धको सडक आन्दोलनलाई पर्ख र हेरको रणनीति तर्फ लगेको छ ।

गौरीबहादुर कार्की नेतृत्वको आयोगले चैत २४ मा बुझाएको प्रतिवेदनको आधारमा शुक्रबार मन्त्रिपरिषद्ले ओली र तत्कालीन गृहमन्त्री रमेश लेखकलाई फौजदारी मुद्दामा कारबाही गर्ने सिफारिस कार्यान्वयन गर्ने निर्णय गरेको थियो ।

भदौ २३ र २४ मा भएको जेनजी प्रदर्शनमा काठमाडौँको बानेश्वरमा किशोरहरूमाथि गोली प्रहार गरेको घटनामा आयोगले उनीहरूलाई जिम्मेवार ठहर गरेको थियो ।सोही प्रतिबेदनका आधारमा प्रहरीले ओलीलाई शनिबार भक्तपुरस्थित गुण्डुबाट पक्राउ गरेको थियो ।

आन्दोलन बिरुद्ध सरकार कठोर रुपमा प्रस्तुत हुन थालेको र सर्वोच्च तथा जिल्ला अदालतलमा मुद्धा बिचाराधीन रहेको अबस्थामा एमालेले तल्ला तहबाट अभियान सुरु गर्ने भन्दै केही नरम नीति लिएको छ । जसका कारण वैशाख १२ गते मात्र काठमाडौंमा विशाल प्रदर्शन गर्ने तयारी गरेको छ ।

मंगलवार पार्टी मुख्यालय च्यासलमा बसेको पार्टी केन्द्रीय सचिवालय बैठकले यस्तो निर्णय गरेको हो ।

बैठक पछि एक सचिवालय सदस्यले न्यूजपोलारसंग भन्नुभयो “अध्यक्ष ओलीमाथी राज्य पूर्वाग्रही भएको हो ,तर यति बेला अदालतमा मुद्धा बिचाराधीन रहेको अबस्था छ । कानूनी राज मान्ने पार्टीले अदालतको निर्णय कुर्नु नै उपयुक्त हुन्छ ,त्यसैले तत्काल आक्रामक कार्यक्रम भन्दा पनि केही नरम खालको गतिबिधि गर्ने तय पार्टीले गरेको हो ।”

हिजो अन्य पार्टीका नेताहरु पक्राउ पर्दा अदालतमा बिचाराधीन बिषयलाई सडकमा जानु उपयुक्त हुदैन भन्दै आएको अबस्थामा आज हामीले सोही कार्य गर्नु उपयुक्त नहुने उहाँले बताउनु भयो ।

उहाँले भन्नुभयो “अध्यक्ष माथी ज्यादती त भएको छ तर सडकमा भएको प्रर्दशनलाई नागरिकले कत्ति पनि मन पराएका छैनन, कार्यकर्ताको सहभागीता पनि न्यून छ यसले पार्टीलाई झन ठुलो क्षती गर्ने अबस्थामा आउछ , त्यसैले केही संयम भएर अघि बढ्नु पर्ने अबस्था छ ।”

सचिवालय बैठकले अध्यक्ष ओलीको पक्राउ विरुद्धको आन्दोलनलाई निरन्तरता दिने निष्कर्ष निकाल्दै २०८३ साल वैशाख १२ गतेसम्म वडा तहसम्मको विरोध प्रर्दशनको कार्यक्रम तय गरेको छ । वडा, पालिका, जिल्ला र वैशाख १२ गते राजधानी काठमाडौंमा विशाल प्रदर्शनसहितको विरोध सभाको आयोजना गर्ने निर्णय गरिएको पार्टीका महासचिव शंकर पोखरेलले जानकारी दिनुभयो ।

महासचिव पोखरेलका अनुसार एमालेले सो विरोध प्रदर्शनबारे यही चैत्र २४ गतेसम्म जिल्लास्तरीय वृहत कार्यकर्ता भेला समेत आयोजना गर्ने भएको छ । त्यसैगरी चैत्र २८ गते सम्पूर्ण पालिकास्तरमा विरोध प्रदर्शन, २०८३ वैशाख ३ गते सम्पूर्ण वडा तहमा विरोध प्रदर्शन, २०८३ वैशाख ७ गते प्रदेशस्तरीय विरोध प्रदर्शन र २०८३ वैशाख १२ गते राजधानी काठमाडौंमा विरोध प्रदर्शन तथा सभाको आयोजना गर्ने कार्यक्रम तय गरिएको छ ।

नागरिक समाज तथा विभिन्न वर्ग पेशासँग सम्बन्धित संघ संस्था, संगठनहरुसँग जिल्ला तथा केन्द्रिय स्तरमा संवाद तथा अन्तरक्रिया कार्यक्रम आयोजना गर्ने र त्यसका लागि पार्टी उपाध्यक्ष रघुजी पन्त, उपमहासचिव योगेश भट्टराई र केन्द्रीय सदस्य मीनबहादुर शाहीलाई संयोजनको जिम्मेवारी समेत बैठकले दिएको एमालेले जनाएको छ ।

यस्तो छ एमालेको कार्यक्रम

-चैत्र २४ गतेसम्म सबै जिल्ला कमिटीहरुको आयोजनामा जिल्लास्तरमा वृहत कार्यकर्ता भेला आयोजना गरी वर्तमान परिस्थिति र आन्दोलनकाबारे प्रशिक्षित गर्ने ।

-यही चैत्र २८ गते सम्पूर्ण। पालिका स्तरमा विरोध प्रदर्शन आयोजना गर्ने ।

-२०८३ बैशाख ३ गते सम्पूर्ण वडा तहमा विरोध प्रदर्शन आयोजना गर्ने ।

-२०८३ वैशाख ७ गते प्रदेश स्तरीय विरोध प्रदर्शन सभा आयोजना गर्ने ।

– २०८३ वैशाख १२ गते राजधानी काठमाडौंमा विरोध प्रर्दशन तथा सभाको आयोजना गर्ने ।

-वर्तमान परिस्थितिमा सन्दर्भमा नागरिक समाज तथा विभिन्न वर्ग पेशासँग सम्बन्धित संघ संस्था, संगठनहरुसँग जिल्ला तथा केन्द्रीय स्तरमा संवाद तथा अन्तरक्रिया कार्यक्रम आयोजना गर्ने । त्यसका लागि केन्द्रमा पार्टी उपाध्यक्ष रघुजी पन्त उपमहासचिव योगेश भट्टराई र केन्द्रिय सदस्य मीनबहादुर शाहीलाई संयोजनको जिम्मेवारी दिइएको छ । सम्पूर्ण पार्टी संवद्ध जनसंगठनहरुले आ आफनो वर्ग, पेशा र समुदायको मागसहित पार्टीद्वारा घोषित कार्यक्रमहरुमा सशक्त ढंगले सहभागी हुने ।

-२०८३ वैशाख नौ गते नेपाल कम्युनिष्ट पार्टीको स्थापना दिवसलाई छलफल, अन्तरक्रिया, संवाद र विचारगोष्ठी लगायतका विभिन्न रचनात्मक कार्यक्रमसहित भव्य रुपमा मनाउने

-प्रतिनिधि सभा निर्वाचन र त्यसपछि उत्पन्न परिस्थितिका बारेमा समिक्षा गर्न तथा सिंगो पार्टी संगठनलाई सुव्यवस्थित गर्न केन्द्रिय कमिटीका सदस्यहरुको जिम्मेवारी बाँडफाँड लगायतका विषयमा छलफल गर्न निकट भविष्यमा नै केन्द्रिय कमिटी बैठक आयोजना गर्ने

काठमाडौँ। नेकपा (एमाले)का अध्यक्ष केपी शर्मा ओली चिकित्सकको निगरानीमा रहनुभएको छ ।

स्वास्थ्यमा समस्या देखिएपछि त्रिभुवन विश्वविद्यालय (त्रिवि) शिक्षण अस्पताल महाराजगञ्जमा भर्ना हुनुभएका अध्यक्ष ओली हाल चिकित्सकको निगरानीमा रहनुभएको अस्पतालका प्रवक्ता डा गोपाल सेढाईंले जानकारी दिनुभयो ।

उहाँका अनुसार पित्तथैलीमा पत्थरी र पिसाबमा सङ्क्रमण देखिएपछि अध्यक्ष ओलीलाई निगरानीमा राखिएको हो । प्रवक्ता डा सेढाईंले अध्यक्ष ओलीको स्वास्थ्य अवस्था भने सामान्य नै रहेको बताउनुभयो ।

अध्यक्ष ओलीलाई जेनजी आन्दोलनको छानबिन गर्न गठित पूर्वन्यायाधीश गौरीबहादुर कार्की नेतृत्वको आयोगले दिएको सिफारिस कार्यान्वयनका सिलसिलामा गत शनिबार प्रहरीले पक्राउ गरेपछि उपचारका लागि शिक्षण अस्पतालमा भर्ना गरिएको छ । रासस