एजेन्सी । दक्षिण भारतीय फिल्म ‘केजिएफ–च्याप्टर २’ एक हजार करोड क्लबमा प्रवेश गर्न सफल भएको छ । साउथ स्टार यश अभिनित यो फिल्मले विश्वभरबाट एक हजार करोड भारतीय रूपैयाँ ग्रस कलेक्सन गरेको हो ।

यो फिल्म एक हजार करोड क्लबमा प्रवेश गर्ने भारतकै चौथो फिल्म बनेको छ । यसअघि ‘दंगल’ ले दुई हजार २४ करोड, ‘बाहुबली २’ ले एक हजार ८१० करोड र ‘आरआरआर’ ले एक हजार ११५ करोडसम्मको व्यापार गरेको थियो ।

यीमध्ये तीन फिल्म दक्षिण भारतीय हुन् भने दंगल मात्रै बलिउड फिल्म रहेको छ ।

प्रशान्त नीलको निर्देशनमा बनेको केजीएफ–२ मा यशका अलावा। सन्जय दत्त, रविना टण्डन, श्रीनीदि शेट्टी, प्रकाश राज लगायत प्रमुख भूमिकामा छन् ।