एजेन्सी । बलिउड अभिनेत्री आलिया भट्टले आफ्नो इन्स्टाग्रामबाट छोरी राहा कपूरको सबै तस्बिर हटाएकी छन् ।

यसमा आलियालेआफ्नी ३ वर्षकी छोरी राहाको प्राइभेसीको कारण सबै तस्बिर हटाएको बताएकी छन् ।

यस्तै, आलिया र रणवीरले मिडियालाई पनि राहाको तस्बिर नलिन अनुरोध गर्दै आएका छन् ।

यसअघि करीना कपूर खानले सैफ अली खानमाथिहमलापछि छोराहरूको तस्बिर नलिन आग्रह गरेकाी थिईन् ।

आलिया र करीनाको यस निर्णयमा फ्यानहरू साथ दिइरहेका छन् ।

एजेन्सी । बलिउड अभिनेत्री आलिया भट्ट ‘द ग्रेट इन्डियन कपिल शो’ को दोस्रो सिजनमा आफ्नो फिल्म ‘जिगरा’को प्रमोशन गर्न आइन् ।

त्यहाँ उनले केही दिन अघि पेरिस फेसन विकको समयमा ६ घण्टासम्म पिसाब रोकेर राखेको बताइन् । वास्तवमा यस समयमा उनले २३ फिट लामो सारी लगाएकी थिइन् । यो लगाएर उनी वाशरूम जान सक्थिनन् ।

यस्तो अवस्थामा प्रश्न उठ्छ कि यदि कसैले ६ घण्टासम्म पिसाब रोकेर राख्यो भने त्यसको परिणाम के हुन सक्छ ? यसले स्वास्थ्यमा कुनै हानि पुर्‍याउन सक्छ ?

सामान्यतया डाक्टरहरूले तीन घण्टामा एकपटक पिसाब फेर्ने सल्लाह दिन्छन् तर कहिलेकाहीँ यस्तो अवस्था आउँछ कि पिसाब रोक्नु हाम्रो बाध्यता बन्न पुग्छ । कन्सर्टमा प्रत्यक्ष प्रस्तुति दिने राजनीतिज्ञ, खेलाडी र कलाकार तथा गायकहरूले धेरै घन्टा पिसाब रोक्नुपर्ने हुन्छ ।

धेरैजसो मानिसहरूले प्रत्येक २४ घण्टामा ६-७ पटक पिसाब फेर्छन् । यदि कुनै व्यक्तिले दिनमा ४ देखि १० पटक पिसाब फेर्दै छ र उसको जीवनमा असर परेको छैन भने उसलाई स्वस्थ मान्न सकिन्छ । डाक्टरहरूले एक स्वस्थ वयस्क व्यक्तिलाई प्रत्येक ३ घण्टामा लगभग एक पटक पिसाब गर्न सिफारिस गर्छन् ।

यो फ्रिक्वेन्सी उमेर अनुसार फरक हुन सक्छ किनभने पिसाब थैलीको आकार पनि उमेर सँग परिवर्तन हुन्छ । यो दिनभरि खपत हुने तरल पदार्थको मात्रामा पनि निर्भर गर्दछ ।

एजेन्सी । बलिउड अभिनेत्री दीपिका पादुकोणलाई पछि पार्दै अर्की अभिनेत्री आलिया भट्टले सन् २०२३ मा १०१.१ मिलियन डलरको ब्रान्ड मूल्य हासिल गरिन् ।

यो खुलासा वित्तीय तथा जोखिम सल्लाहकार फर्म क्रोलको प्रतिवेदनमा गरिएको हो । यस रिपोर्टमा भारतका धेरै सेलिब्रेटीहरूको उल्लेख गरिएको छ ।

सोही रिपोर्टमा आलिया भट्ट बाहेक दीपिका पादुकोण र कियारा आडवाणी यस सूचीमा आफ्नो स्थान बनाएका तीन सेलिब्रेटी रहेको खुलासा भएको छ । तर, यो सूची अनुसार आलियाले दीपिका पादुकोणलाई पछि पार्दै सन् २०२३ मा शीर्ष स्थान हासिल गरिन् ।

फाइनान्सियल एण्ड रिस्क एडभाइजरी फर्म क्रोलको ‘सेलिब्रेटी ब्रान्ड भ्याल्यु रिपोर्ट २०२३’ को रिपोर्ट अनुसार बलिउडको लिस्टको कुरा गर्ने हो भने १०१.१ मिलियन डलरको ब्रान्ड भ्यालुका साथ आलिया भट्ट पहिलो स्थानमा छिन् । ९६ मिलियन डलरको ब्रान्ड भ्यालुसहित दोस्रो स्थानमा दीपिका पादुकोण छिन् ।

सन् २०२२ को तुलनामा यो वर्ष दुवैको वरियतामा गिरावट आएको पनि प्रतिवेदनमा उल्लेख गरिएको छ । यस सूचीमा अचम्मको नाम हो, कियारा आडवाणी, जसले उनको लोकप्रियता देखाउँछ । सन् २०२२ मा १६ औं स्थानमा रहेकी कियारा यस पटक ६ करोड डलरको ब्रान्ड भ्यालुका साथ १२ औं स्थानमा पुगेकी छिन् ।

दीपिका पादुकोण चाँडै तेलुगु फिल्म कल्की २८९८ मा देखिने छिन् । यो फिल्म २७ जुन २०२४ मा सिनेमाघरमा रिलिज हुँदैछ । यसबाहेक उनी रोहित शेट्टीको फिल्म ‘सिंघम अगेन’मा पनि देखिनेछिन् ।

आलिया भट्ट सन् २०२५ मा जसप्रीत रीनाको फिल्म ‘मधुबाला’मा देखिने भएकी छिन् भने उनी सलमान खानसँग सञ्जय लीला भन्सालीको फिल्म ‘इन्शाअल्लाह’मा पनि देखिनेछिन् । यस्तै, कियारा आडवाणीको कुरा गर्दा, उनी तेलुगु फिल्म ‘गेम चेन्जर’मा अभिनय गर्ने देखिनेछिन् जुन अक्टोबर ३ मा सिनेमाघरहरूमा रिलिज हुनेछ ।

एजेन्सी । बलिउड अभिनेत्री आलिया भट्टको नयाँ डिपफेक भिडियो सामाजिक सञ्जालमा भाइरल भइरहेको छ । यस भिडियोमा एआई प्रयोग गरेर अभिनेत्री वामिका गब्बीको भिडियोमा आलियाको अनुहार फिट गरिएको छ ।

वामिकाले यो भिडियो केही दिन अघि आफ्नो इन्स्टाग्राम ह्यान्डलमा सेयर गरेकी थिइन् । यो भिडियोमा उनी रातो साडी लगाएकी देखिएकी छिन् । वास्तवमा यो लुकमा उनी सञ्जय लीला भन्सालीको फिल्म ‘हिरामाण्डी’ को स्क्रिनिङमा पुगेकी थिइन् ।

कसैले यो भिडियोसँग छेडछाड गरेर यसमा आलियाको अनुहार लगाएर भाइरल बनाएको छ । अब आलियाको नक्कली भिडियो बाहिर आएसँगै एआई प्रविधिको फेरि आलोचना भइरहेको छ ।

यसअघि पनि आलिया भट्टको एउटा डिपफेक भिडियो सार्वजनिक भएको थियो । उक्त डीपफेक भिडियोमा सेतो र नीलो फ्लोरल ड्रेस लगाएकी एउटी युवती बोल्ड पोज दिएको देखिएकी थिइन् ।

भिडियोमा एआई टुलको सहयोगमा आलियाको अनुहार यति स्पष्ट प्रयोग गरिएको छ कि एक नजरमा केटी आलिया भट्ट जस्तै देखिन्छन् । तर, उनको एक्सन र बडी पोष्टबाट यो भिडियो नक्कली हो भन्ने अनुमान गर्न सकिन्छ ।

एजेन्सी । रणवीर कपुरकी पत्नी बलिउड अभिनेत्री आलिया भट्टले फिल्म ‘एनिमल’ लाई लिएर आफ्नो प्रतिक्रिया दिएकी छिन् ।

शुक्रबार, डिसेम्बर १ मा, रणवीर कपूर र ‘एनिमल’ को टोलीले फिल्मको प्रिमियर आयोजना गरे । आलिया विशेष शो हेर्न परिवारका साथ आइन् । प्रिमियरमा आलिया आफ्नी सासु नीतु कपूर, बुबा महेश भट्ट, आमा सोनी राजदान र बहिनी शाहीन भट्टसँग देखिएकी थिइन् ।

प्रिमियरपछि, आलिया र उनको परिवार बाहिर जाँदै थिए, त्यही समयमा, आलियाले पापाराजीको अगाडि फिल्म ‘एनिमल’बारे समीक्षा दिइन् ।

आलिया भट्टको यो समीक्षा एक शब्दको मात्र थियो । इन्स्टाग्राममा एउटा भिडियो शेयर गरिएको छ, जसमा आलियालाई फिल्म ‘एनिमल’ को समीक्षा गर्न भनिएको बेला अभिनेत्रीको मुखबाट ‘आउटस्ट्यान्डिङ’ शब्द मात्रै निस्कियो । तर, यसअघि आलिया भट्टले फिल्मलाई ‘खतरनाक’ भनेकी थिइन् ।

एनिमलमा रणवीर कपूर बाहेक अनिल कपुर, बबी देओल र रश्मिका मन्दानाको पनि अभिनय रहेको छ । यो सन्दीप रेड्डी वांगा द्वारा निर्देशित फिल्मले आफ्नो बुबाको हत्या प्रयासको बदला लिने एक ‘पागल’ छोराको कथा बताउँछ ।

एजेन्सी । बलिउड कपल रणवीर कपुर र आलिया भट्टले छोरीको नामाकरण गरेका छन् ।

बिहीबार बेलुका इन्स्टाग्रामको एक पोस्टमार्फत आलियाले उक्त जानकारी गराएकी हुन् । आलिया र रणवीरले छोरीको नाम ‘राहा’ राखिदिएका छन् ।

रणवीरकी आमा नीतुले यो नाम राखिदिएकी हुन् । फुटबल क्लब बार्सिलोनाको जर्सीमार्फत उनीहरुले छोरीको नाम सार्वजनिक गरे ।

आलियाले छोरीको नाम ‘राहा’को अर्थ खुशि भएको बताएकी छन् । १४ अप्रिल, २०२२ मा आलिया र रणवीरबीच विवाह भएको थियो भने गत ६ नोभेम्बरमा आलियाले छोरीलाई जन्म दिएकी थिइन् ।

एजेन्सी । बलिउड अभिनेता रणवीर कपुर र अभिनेत्री आलिया भट्टलाई पुत्रीलाभ भएको छ । एचएन रिलायन्स फाउन्डेसन अस्पतालमा आलियाले छोरीलाई जन्म दिएको भारतीय सञ्चारमाध्यमले जनाएका छन् ।

गत वैशाखमा विवाह बन्धनमा बाँधिएका आलिया र रणवीरलाई पहिलो सन्तानका रुपमा पुत्रीलाभ मिलेको हो ।

यसअघि नोभेम्बरको अन्त्यमा तथा डिसेम्बरको सुरुवातमा आलियाले बच्चालाई जन्म दिने खबर बाहिर आइसकेको थियो ।

आलिया आज (आइतबार) बिहानै डेलिभरीका लागि अस्पताल भर्ना भएकी थिइन् ।

एचएन रिलायन्स अस्पताल मुम्बईको गोरेगाउँ क्षेत्रमा छ । यो त्यही अस्पताल हो जहाँ रणवीरका बुबा ऋषि कपुर भर्ना भएका थिए र उनको यही अस्पतालमा निधन भएको थियो ।

एजेन्सी । बलिउड अभिनेता रणवीर कपुर र आलिया भट्ट छिट्टै आमाबुवा बन्न लागेका छन् । मिडिया रिपोर्टका अनुसार आलियाले आज आफ्नो पहिलो सन्तानलाई जन्म दिनेछिन् र यसका लागि उनी एचएन रिलायन्स अस्पताल भर्ना भएकी छन् ।

यदि आलियाले आज आफ्नो सन्तानलाई जन्म दिइन् भने यो खबर उनका फ्यानका लागि अचम्मको भन्दा कम हुनेछैन, किनकि यसअघि नोभेम्बरको अन्त्यमा तथा डिसेम्बरको सुरुवातमा बच्चालाई जन्म दिने खबर बाहिर आइसकेको थियो ।

रणवीर र आलिया अस्पताल पुगेका धेरै तस्बिर र भिडियोहरू पनि सोशल मिडियामा बाहिर आएका छन् । केही दिनअघि उनको डेलिभरीको तयारी पनि सुरु भएको खबर आएको थियो ।

जबकि उनको एच.एन. रिलायन्स अस्पतालमा डेलिभरीका लागि नाम दर्ता गरिएको छ । यससँगै केही दिनअघि उनको नाममा कोठा पनि बुक गरिएको थियो ।

यो अस्पताल मुम्बईको गोरेगाउँ क्षेत्रमा छ । यो त्यही अस्पताल हो जहाँ रणवीरका बुबा ऋषि कपुर भर्ना भएका थिए र उनको यही अस्पतालमा निधन भएको थियो ।

काठमाडौं । बलिउडको चिरपर्चित जोडि रणवीर कपुर र आलिया भट्ट चाँडै नै अभिभावक बन्दैछन् । सोमबार बिहान इन्ष्टाग्राममा तस्वीर सार्वजनिक गर्दै आलियाले आफू गर्भवती भएको खुलासा गरेकी छिन् । गत अप्रिल १४ मा रणवीर र आलियाको विवाह भएको थियो ।

तस्वीरमा उनी अस्पतालको शैय्यामा आफ्नो गर्भावस्थाको जाँच गराउँदै गरेको देख्न सकिन्छ । सबैलाई सरप्राइज दिंदै उनले क्याप्शन लेखेकी छिन्, ‘हाम्रो बच्चा चाँडै आउँदैछ’ ।

आलियाको यस्तो घोषणा लगत्तै रणवीर र आलियालाई बधाईको ओइरो लागेको छ । करण जोहर, प्रियंका चोपडा लगायतले बलिउडका विभिन्न कलाकारहरुले पनि बधाई दिएका छन् ।

आलियाको सो तस्वीरमा एक मिनेटमै पाँच लाख लाइक प्राप्त भएको थियो ।

एजेन्सी । बलिउडको पावर कपल रणवीर कपुर र आलिया भट्ट बिहीबार विवाह बन्धनमा बाँधिएका छन् । यो जोडीको विवाहको सबै समारोह रणवीर कपुरको पाली हिलस्थित वास्तु अपार्टमेन्टमा भएको थियो ।

रिपोर्टका अनुसार दुवैले पञ्जाबी रीतिथिति अनुसार विवाह गरेका हुन् । दुवैको विवाहको तस्विर पनि सामाजिक सञ्जालमा छाएको छ । फ्यानदेखि लिएर सेलिब्रेटीसम्म सबैले सामाजिक सञ्जालमार्फत नवविवाहित जोडीलाई बधाई दिइरहेका छन् ।

सामाजिक सञ्जालमा बधाईको ओइरो लागेको छ । मिस्टर र मिसेस कपूरको विवाहको खबर आधिकारिक रूपमा बाहिर आएदेखि नै सामाजिक सञ्जालमा ट्रेन्डिङ हुन थालेको छ ।

एजेन्सी । आलिया भट्ट र रणवीर कपूर बलिउडको हट कपल हुन् । आलिया र रणबीर लामो समयदेखि एकअर्कालाई डेट गर्दै आएका छन् भने अहिले दुवै आफ्नो विवाहलाई लिएर चर्चामा आएका छन् । यी दुईको वैवाहिक समारोह १४ अप्रिलदेखि १७ अप्रिलसम्म हुने बताइएको छ ।

यी सबै खबरको बीचमा आज आलिया भट्ट र रणबीर कपुरको नेटवर्थको बारेमा चर्चा गरौं जसबाट तपाईले दुई मध्ये को धनी भन्नेबारे थाहा पाउनुहुनेछ ।

आलिया भट्टको सम्पत्ति
आलिया भट्ट धेरै हिट फिल्ममा काम गरिसकेकी छिन् भने बलिउडका शीर्ष अभिनेत्रीको सूचीमा परेकी छिन् । आलिया करोडौंको सम्पत्तिकी मालिक हुन् । एक रिपोर्ट अनुसार आलिया भट्टको सन् २०२१ सम्ममा कुल सम्पत्ति १६२ करोड रहेको छ ।

आलियाले हरेक महिना ६० लाख रुपैयाँ कमाउने र एक फिल्मका लागि करिब ८–१० करोड भारु लिने गरेको दाबी गरिएको छ । फिल्मका अलावा आलिया भट्टले विज्ञापन, ब्रान्ड आदिबाट पनि मनग्य आम्दानी गर्छिन् ।

रणवीर कपूरको कुल सम्पत्ति
आलिया भट्ट पक्कै पनि एकपछि अर्को हिट फिल्ममा काम गरिरहेकी छिन् तर यसका बाबजुद रणवीर कपुर आफ्नी प्रेमिकाभन्दा धनी छन् । एक रिपोर्टका अनुसार सन् २०२१ सम्म रणवीर कपुर ३३० करोडको सम्पत्तिका मालिक थिए । रणवीरले एउटा फिल्मका लागि ७ देखि ८ करोड भारु पारिश्रमिक लिने गरेका छन् । फिल्मका अलावा रणवीर कपुरले विज्ञापन, ब्रान्ड आदिबाट पनि मनग्य आम्दानी गर्छन् । रणवीरले ब्राण्ड एन्डोर्समेन्टका लागि १ करोड भारु लिन्छन् ।

आलिया भट्ट र रणवीर कपुर दुबै महँगो गाडीको लागि विलाशी छन् । आलियाको कार कलेक्शनको कुरा गर्दा अभिनेत्रीसँग नयाँ अडी क्यू ७, अडी क्यु ५, अडी ए६, बीएमडब्ल्यू ७ सिरिज, ल्यान्ड रोभर, रेन्ज रोभर, भोग जस्ता गाडी छन् । रणवीरसँग रेन्ज रोभर वोग, अडी आर ८, मर्सिडीज जी ६३, रेन्ज रोभर स्पोर्ट जस्ता धेरै गाडी छन् ।

आलिया र रणवीरको आगामी प्रोजेक्टहरू
आलिया भट्ट र रणवीर कपुरको हातमा धेरै फिल्म छन् । सेप्टेम्बर ९ मा रिलिज हुन लागेको फिल्म ‘ब्रह्मास्त्र’ मा यी दुई पहिलो पटक सँगै देखिनेछन् । यसबाहेक आलिया भट्टसँग ‘रकी और रानी’, ‘तख्त’, ‘डार्लिंग’ जस्ता फिल्महरू छन् । यस्तै, रणवीर कपूर ‘एनिमल’, ‘शमशेरा’ र लव रञ्जनको अनटाइटल्ड फिल्ममा देखिनेछन् ।