एजेन्सी । रोयल च्यालेन्जर्स बैंगलोर (आरसीबी) फ्रेन्चाइजि सन् २०२६ को इन्डियन प्रिमियर लिग (आइपीएल) सिजन अघि बिक्रीमा आउन सक्ने सम्भावना रहेको छ ।

डियाजियो पब्लिक लिमिटेड कम्पनी (पीएलसी) को भारतीय इकाई युनाइटेड स्पिरिट्स लिमिटेड (यूएसएल) ले बुधबार बम्बई शेयर बजार (बीएसई)लाई पठाएको पत्रमार्फत यसबारे जानकारी दिएको हो ।

कम्पनीले उक्त पत्रमा उल्लेख गरेअनुसार, उसले आफ्नी सहायक कम्पनी रोयल च्यालेन्जर्स खेलकुद निजी लिमिटेड (आरसीएसपीएल)मा गरिएको लगानीको समीक्षा प्रक्रिया सुरु गरेको छ ।

यो समीक्षा प्रक्रिया आरसीबीको पुरुष र महिला दुवै टिमका लागि हुनेछ । कम्पनीले यो प्रक्रिया सन् २०२६ मार्च ३१ भित्र सम्पन्न हुने अपेक्षा राखेको छ ।

एक महिनाअघि चर्चा थियो कि सिरम इन्स्टिच्युट अफ इन्डिया (भारतको सिरम संस्था)ले आरसीबीलाई करिब १७ हजार करोड रुपैयाँमा खरिद गर्न सक्ने सम्भावना छ ।

त्यसबेला कम्पनीका प्रमुख अदार पुनावाला ले सामाजिक सञ्जाल एक्समा लेखेका थिए — “सही मूल्यांकनमा आरसीबी एक उत्कृष्ट टिम हो ।”

विजय माल्याबाट सुरु भएको आरसीबीको यात्रा
आरसीबीका संस्थापक मालिक व्यवसायी विजय माल्या थिए । सन् २०१६ मा माल्या आर्थिक समस्यामा परेपछि ब्रिटेनस्थित कम्पनी डियाजियोले उनको मदिरा कम्पनीसँगै आरसीबी पनि खरिद गरेको थियो ।

आरसीबीलाई सन् २००८ मा विजय माल्याले १११.६ मिलियन अमेरिकी डलरमा (त्यो समय करिब ४७६ करोड रुपैयाँ) खरिद गरेका थिए । त्यो समयमा आरसीबी आइपीएलको दोस्रो सबैभन्दा महँगो टिम थियो। आरसीबीको स्वामित्व माल्याको कम्पनी यूएसएल सँग थियो ।

सन् २०१४ मा डियाजियोले यूएसएलमा ठूलो हिस्सेदारी किनेपछि र २०१६ मा माल्या बाहिरिएपछि आरसीबीको पूर्ण स्वामित्व डियाजियोको हातमा गयो । अहिले आरसीबीको सञ्चालन युनाइटेड स्पिरिट्स लिमिटेड (यूएसएल)को सहायक कम्पनी रोयल च्यालेन्जर्स स्पोर्ट्स प्राइभेट लिमिटेड (आरसीएसपीएल) ले गरिरहेको छ ।

यूएसएलका प्रबन्ध निर्देशक तथा प्रमुख कार्यकारी अधिकृत (सिइओ) प्रवीण सोमेश्वरले भने ‘आरसीबी हाम्रो कम्पनीका लागि सधैं एउटा महत्वपूर्ण चिन्ह (ब्रान्ड) रहिआएको छ, तर यो हाम्रो मुख्य व्यवसाय — मदिरा र पेय पदार्थ — को हिस्सा होइन ।”

उनका अनुसार, यो कदमले देखाउँछ कि यूएसएल र डियाजियो आफ्नो भारतस्थित कारोबारको समय–समयमा समीक्षा गर्दै आइरहेका छन् ताकि कम्पनीको कामकाज अझ प्रभावकारी र सुदृढ रहोस् ।

कम्पनीले यो पनि बताएको छ कि समीक्षा अवधिभर आरसीबी टिम र त्यससँग सम्बन्धित सबै व्यक्तिहरूका हित सुरक्षित गरिनेछ ।

आइपीएलको इतिहासमै सबैभन्दा ठूलो सौदा बन्ने सम्भावना

अहिलेसम्म आइपीएलको सबैभन्दा महँगो टिम लखनउ सुपर जायन्ट्स हो । यदि आरसीबी बिक्रीमा गयो भने, यो आइपीएल इतिहासकै सबैभन्दा ठूलो फ्रेन्चाइजि सम्झौता (डिल) हुनेछ ।

सन् २०२१ मा आइपीएलमा दुई नयाँ टिम — लखनउ सुपर जायन्ट्स र गुजरात टाइटन्स — थपिएका थिए । त्यसबेला लखनउलाई आरपीएसजी समूहले ७,०९० करोड रुपैयाँमा र गुजरातलाई सिभिसी पुँजी (सीभीसी क्यापिटल)ले ५,६२५ करोड रुपैयाँमा खरिद गरेका थिए ।

हाल आरसीबीको मूल्यांकन करिब २ अर्ब अमेरिकी डलर (लगभग १७,००० करोड रुपैयाँ) गरिएको छ — जुन लखनउ र गुजरात टिमहरूको खरिद मूल्यभन्दा निकै माथि पर्छ ।

आरसीबीको प्रदर्शन इतिहास

आरसीबीले सन् २००८ मा आइपीएल सुरु भएयता एक पटक मात्र उपाधि जितेको छ । सन् २०२५ मा ।
त्यस्तै, आरसीबी महिला टिमले पनि महिला प्रिमियर लिग (डब्ल्यूपीएल) सन् २०२४ को उपाधि जितेको थियो ।

यद्यपि, आरसीबीलाई अझै पनि आइपीएलका तीन सबैभन्दा मूल्यवान फ्रेन्चाइजिहरूमध्ये एक मानिन्छ ।

आरसीबीको प्रदर्शन इतिहास यस प्रकार रहेको छ —

वर्ष                          स्थान                       टिप्पणी
२००८                ७औं स्थान             पहिलो संस्करणमा कमजोर प्रदर्शन
२००९               २औं स्थान                 उपविजेता
२०१०                ३औं स्थान             उत्कृष्ट सुधार
२०११                २औं स्थान                         पुनः  उपविजेता
२०१२              ५औं स्थान                औसत प्रदर्शन
२०१३              ८औं स्थान                   सबैभन्दा तल्लो स्थान
२०१४              ७औं स्थान                स्थिति सुधार हुन सकेन
२०१५               ३औं स्थान                   राम्रो प्रदर्शन
२०१६           २औं स्थान                कोहलीको कप्तानीमा उपविजेता
२०१७         ८औं स्थान                   पुनः खराब प्रदर्शन
२०१८           ६औं स्थान                            औसत
२०१९           ८औं स्थान सबैभन्दा          तल्लो स्थान
२०२०             ४औं स्थान                 प्लेअफमा प्रवेश
२०२१             ३औं स्थान              राम्रो प्रदर्शन
२०२२            ४औं स्थान              स्थिर प्रदर्शन
२०२३             ६औं स्थान               मध्यम प्रदर्शन
२०२४             ४औं स्थान                 सुधारित प्रदर्शन

एजेन्सी । आइपीएल २०२५ को समापन भएको छ । १७ सिजनदेखि ट्रफी जित्न नसकेको रोयल च्यालेन्जर्स बैंगलोरले फाइनलमा पञ्जाब किंग्सलाई हराएर पहिलो उपाधि जित्यो ।

७३ दिने प्रतियोगितामा ७४ खेल खेलिएका थिए, जसमा ३० उत्कृष्ट क्षणहरू देखिएका थिए ।

फाइनल जितेपछि आरसीबीका स्टार ब्याट्सम्यान विराट कोहलीको आँखा आँसुले भरिएको थियो । उनी आफ्नी श्रीमती अनुष्का शर्मालाई अँगालो हाल्दै रोए ।

कोहलीले आरसीबीका पूर्व खेलाडी एबी डिभिलियर्स र क्रिस गेलसँग विजयको उत्सव मनाए ।

अहमदाबादको नरेन्द्र मोदी रंगशालामा खेलिएको फाइनलमा आरसीबीले पञ्जाबलाई ६ रनले पराजित गर्दै पहिलोपटक उपाधि चुम्यो । टस हारेर पहिले ब्याटिङ गरेको आरसीबीले २० ओभरमा नौ विकेट गुमाएर १९० रन बनायो ।

जवाफमा पञ्जाबले सात विकेट गुमाएर १८४ रन मात्र बनाउन सक्यो । आरसीबी आईपीएल च्याम्पियन बन्ने आठौं टोली हो ।

यसअघि राजस्थान रोयल्स, चेन्नई सुपर किंग्स, डेक्कन चार्जर्स, मुम्बई इन्डियन्स, गुजरात टाइटन्स, कोलकाता नाइट राइडर्स र सनराइजर्स हैदराबाद टोली च्याम्पियन बनिसकेका छन् ।

एजेन्सी । आइपीएल २०२५ को ५१ औं खेलमा आज गुजरात टाइटन्स (जीटी) रसनराइजर्स हैदराबाद (एसआरएच) खेल्दैछन् । गुजरातको घरेलु मैदान नरेन्द्र मोदी रंगशालामा हुनलागेको खेल नेपाली समयअनुसार बेलुका ७ः४५ बजेकाट सरु हुनेछ ।

जीटीका विकेटकिपर-ब्याट्सम्यान जोस बटलरले आज एउटा उपलब्धि हासिल गर्ने मौका रहेको छ । उनले आज १२ रन बनाए आईपीएलमा ४००० रन पूरा गर्नेछन् ।

यस सिजनमा आज गुजरात र हैदराबाद दोस्रो पटक आमनेसामने हुदैछन्। पछिल्लो खेलमा गुजरातले हैदराबादलाई आफ्नै घरेलु मैदानमा ७ विकेटले पराजित गरेको थियो । हैदराबादले अहमदाबादमा गुजरात विरुद्ध अहिलेसम्म जित हासिल गर्न सकेको छैन ।

१२ अंकसहित अंक तालिकामा चौथो स्थानमा रहेको जीटीलाई अब प्लेअफमा छनोट हुन केवल दुई जित आवश्यक छ । यसैबीच, ६ अंकसहित नवौं स्थानमा पुगेको हैदराबाद अर्को हारसँगै प्लेअफ दौडबाट बाहिरिन सक्छ। यस्तो अवस्थामा यी दुई टोलीबीच कडा प्रतिस्पर्धा देख्न सकिन्छ।

आईपीएलमा जीटी र एसआरएच बीच ६ खेल खेलिएका छन् । जसमा गुजरातले ४ र हैदरावादले १ जितेको छ । १ खेल अनिर्णीत रह्यो । दुई टोलीबीच अहमदाबादमा दुई खेल खेलिएकोमा गुजरातले दुवै पटक जितेको थियो । गुजरातले घरेलु मैदानमा २० मध्ये १२ खेल जितेको छ।

जीटीका लागि साई सुदर्शनले सर्वाधिक रन स्कोरर

गुजरातका साई सुदर्शनले पाँच अर्धशतकसहित ४५६ रन बनाएका छन् । कप्तान गिलले ३८९ रन बनाएका छन् भने जोस बटलरले ४०६ रन बनाएका छन् । बलिङमा प्रसिद कृष्ण, मोहम्मद सिराज र इशान्त शर्मा राम्रो लयमा छन् ।

क्लासेन एसआरएचका लागि सर्वाधिक रन स्कोरर

हेनरिक क्लासेन एसआरएचका लागि सर्वाधिक रन स्कोरर हुन् । उनले ९ खेलमा २८८ रन बनाएका छन् । साथै, अभिषेक शर्माले पछिल्ला दुई खेलमा दोहोरो अंकमा रन बनाउन सकेका छैनन् । बलिङमा हर्षल पटेलले राम्रो प्रदर्शन गरिरहेका छन् ।

दुवै टोलीको सम्भावित प्लेइङ–१२:

गुजरात टाइटन्स: शुभमन गिल (कप्तान), साई सुदर्शन, जोस बटलर, वाशिंगटन स्यान्डर, शाहरुख खान, राहुल तेवाटिया, करीम जनात, राशिद खान, साई किशोर, मोहम्मद सिराज, प्रसिद्ध कृष्ण, इशान्त शर्मा।

सनराइजर्स हैदरावाद: प्याट कमिन्स (कप्तान), ट्राभिस हेड, अभिषेक शर्मा, इशान किशन, नितिश कुमार रेड्डी, हेनरिक क्लासेन (विकेटकिपर), अनिकेत वर्मा, कामिन्दु मेन्डिस, हर्षल पटेल, जयदेव उनाडकट, जीशान अन्सारी, मोहम्मद शामी, ट्राभिस हेड।

काठमाडौँ । इन्डियन प्रिमियर लिग (आइपीएल) २०२३ को एलिमिनेटरमा आज मुम्बई इन्डियन्स र लखनऊ सुपर जायन्ट्स भिड्दैछन् । चेन्नईको घरेलु मैदान एमए चिदाम्बरम रंगाशालामा हुने खेल नेपाली समय अनुसार साँझ ७:४५ बजेबाट सुरु हुनेछ।

यस खेलको विजेता टोली दोस्रो क्वालिफायरमा स्थान बनाउनेछ । पहिलो क्वालिफायर खेलमा हिजो चेन्नई सुपर किंग्सले गुजरात टाइटन्सलाई १५ रनले हराउँदै फाइनलमा स्थान बनाएको छ । शुक्रबार गुजरात र एलिमनिटेरको विजेता टोलीबीच खेल हुनेछ । जसको विजेता टोलीले आइतबार फाइनलमा चेन्नईसँग खेल्नेछ ।

लखनऊ १७ अंकका साथ तेस्रो र मुम्बई १६ अंकका साथ अन्तिम चारमा रहँदै प्लेअफमा स्थान बनाएका थिए । लिग चरणको खेलमा लखनऊले मुम्बईलाई ५ रनले हराएको थियो । लखनऊ र मुम्बईबीच तीन खेल हुँदा सबै खेलमा लखनऊ विजयी भएको छ । यस खेलमा पराजित हुने टोली बाहिरिने हुँदा दुबै टोली जितका साथ दोस्रो क्वालिफायरमा स्थान बनाउन चाहन्छन् ।

लखनऊ सुपर जायन्ट्सको सम्भावित प्लेइङ– ११

मार्कस स्टोइनिस, कुणाल पाण्डेय (कप्तान), कृष्णप्पा गौथम, पीएन मांकड, ए बडोनी, करण शर्मा, निकोलस पूरन, डी कक (विकेटकिपर) , रवि बिश्नोई, नवीन-उल-हक, मोहसिन खान ।

मुम्बई इन्डियन्सको सम्भावित प्लेइङ– ११

रोहित शर्मा (कप्तान), एसए यादव, टिम डेभिड, सी ग्रीन, पियुष चावला, एन वाधेरा, इशान किशन (विकेटकीपर), जेपी बेहरेनडोर्फ, के कार्तिकेय, आकाश मण्डवाल, सीजे जोर्डन ।

काठमाडौँ । जारी इन्डियन प्रिमियर लिग (आइपीएल)२०२३ को ६५ औँ खेलमा आज रोयल च्यालेन्जर्स बैंगलोर र सनराइजर्स हैदरावाद भिड्दैछन् । हैदराबादको राजीव गान्धी इन्टरनेशनल स्टेडियममा हुने खेल नेपाली समयअनुसार बेलुकाको ७:४५ बजेबाट सुरु हुनेछ ।

१२ खेलमा चारमा जित र आठमा हार बेहोरेको हैदरावाद ८ अंकको साथ अंक तालिकाको पुच्छरमा रहेको छ। बैंगलोर भने १२ मध्ये ६ खेलमा जित र ६ मा हारसहित अंक तालिकाको पाँचौं स्थानमा छ। हैदरावाद पहिले नै प्लेअफको दौडबाट बाहिरिसकेको छ भने बैंगलोरले प्लेअफमा पुग्नका लागि आजको खेलसहित दुईटै खेल जित्नैपर्ने दवाब छ ।

हैदरावाद आफ्नो अन्तिम खेलमा गुजरात टाइटन्ससँग ३४ रनले पराजित हुन पुगेको थियो । उक्त खेलमा पहिले ब्याटिङ गरेको गुजरातले शुभमन गिलको शतकको मद्दतमा निर्धारित २० ओभरमा ९ विकेट गुमाएर १८८ रन बनाएको थियो । जवाफमा हैदरावाद ९ विकेट गुमाएर १५४ रनमा रोकिन पुग्यो । उक्त खेलमा हेनरिक क्लासेनले ४४ बलमा ६४ रन बनाए र एक्लो योद्धाको भूमिका खेले। हैदरावादका अन्य कुनै ब्याट्सम्यानले भने ३० रन पनि बनाउनसकेनन् ।

यस्तै, आफ्नो अघिल्लो खेलमा बैंगलोरले राजस्थान रोयल्सलाई ११२ रनको ठूलो अन्तरले पराजित गर्दै प्लेअफको सम्भाबना कायम गरेको थियो । उक्त खेलमा पहिला ब्याटिङ गरेकोबैंगलोरले निर्धारित २० ओभरमा पाँच विकेट गुमाएर १७१ रन बनाएको थियो । बैंगलोरका लागि फाफ डु प्लेसिस र ग्लेन म्याक्सवेलले अर्धशतक बनाएका थिए । जबाफि ब्याटिङ गरेको राजस्थानले १०.३ ओभरमा अलआउट हुदै ५९ रन मात्र बनायो । जसमा बैंगलोरका वेन पार्नेलले तीन ओभरमा १० रन दिएर तीन विकेट लिए र प्लेयर अफ द म्याचको उपाधि जिते ।

सनराइजर्स हैदरावादको सम्भावित प्लेइङ– ११

आरए त्रिपाठी, अब्दुल समद, एके मार्कराम (कप्तान), अभिषेक शर्मा, एम जेनसेन, सनवीर सिंह, एच क्लासेन (विकेटकिपर), बी कुमार, टी नटराजन, फजलहक फारुकी, एम मार्कंडे ।

रोयल च्यालेन्जर्स बैंगलोरको सम्भावित प्लेइङ– ११

विराट कोहली, एफ डु प्लेसिस (कप्तान), माइकल ब्रेसवेल, एमके लोमर, जीजे म्याक्सवेल, डब्ल्यूडी पार्नेल, दिनेश कार्तिक (विकेटकीपर), अनुज रावत, एचवी पटेल, मोहम्मद सिराज, केवी शर्मा ।

एजेन्सी । पन्जाब किंग्स इन्डियन प्रिमियर लिग (आइपीएल) २०२३ को ६४ औं खेलमा दिल्ली क्यापिटल्ससँग १५ रनले पराजित भएको छ ।

इंग्लिस ब्याटर लियाम लिभिङस्टोनको सानदार ब्याटिङका बाबजुद पनि हार बेहोरेको पन्जाब प्लेअफको रेसबाट बाहिरिएको छ । पन्जाब प्लेअफमा पुग्न अन्तिम खेलमा फराकिलो जितका साथै बेंगलोर, कोलकाता र मुम्बईले बाँकी सबै खेल हार्नुपर्ने हुन्छ ।

जितको लागि २ सय १४ रनको विशाल विजयी लक्ष्य पछ्याएको पन्जाबले निर्धारित २० ओभरमा ८ विकेट गुमाउँदै १ सय ९८ रन मात्र बनायो । पन्जाबको लागि लिभिङस्टोनले ४८ बलमा ५ चौका र ९ छक्कासहित सर्वाधिक ९४ रन बनाए । त्यस्तै अथर्व टाडेले ४२ बलमा ५ चौका र २ छक्कासहित ५५ रनमा आउट भएका थिए । पन्जाबका अन्य कुनैपनि ब्याटरले राम्रो प्रदर्शन गर्न सकेनन् ।

सुस्त सुरुवात पन्जाबको लागि भारी पर्यो ।पन्जाबले सुरुवाती तीन ओभरमा १० रन मात्रै बनाएको थियो । पन्जाबका ओपनर प्रभसिम्रन १९ बलमा ४ चौकासहित २२, शाहरुख खान ६, साम करन ११, शिखर धवन, जितेश शर्मा र हरप्रीत ब्रार डक आउट भएका थिए ।

दिल्लीका ईशान शर्मा र एनरिच नोर्कियाले समान दुई विकेट लिए । खलिल अहमद र अक्षर पटेलले समान एक विकेट लिए ।

त्यसअघि हिमान्चल प्रदेशको धर्मशालामा टस हारेर पहिला ब्याटिङको निम्तो पाएको दिल्लीले निर्धारित २० ओभरमा २ विकेट गुमाउँदै २ सय १३ रन बनाएको थियो । दिल्लीको जितमा राइली रोसोउ ३७ बलमा ६ चौका र ६ छक्कासहित सर्वाधिक ८२ रनमा नटआउट रहँदै प्लेयर अफ द म्याच चुनिए ।

दिल्लीलाई ओपनर पृथ्वी शा र डेविड वार्नरले पहिलो विकेटका लागि १०.२ ओभरमा ९४ रनको साझेदारी गर्दै टिमलाई उत्कृष्ट सुरुवात दिलाएका थिए । साम करनको बलमा वार्नर शिखर धवनबाट ४६ रनमा क्याच आउट भएपछि उनीहरुको साझेदारी तोडिएको थियो। वार्नरले ३१ बलमा ५ चौका र २ छक्का प्रहार गरे ।

पृथ्वी शा ३८ बलमा ७ चौका र १ छक्कासहित ५४ रनमा आउट भए । तेस्रो विकेटका लागि फिलिप साल्ट र रोसोयले ५ ओभरमा ६५ रनको अविजित साझेदारी गरेका थिए ।

पन्जाबका साम करनले ४ ओभरमा ३६ रन खर्चेर २ विकेट लिए । अन्य कुनैपनि बलरले विकेट लिन सकेनन् ।

पन्जाब १३ खेलमा ६ मा जित र ७ मा हारसहित १२ अंकका साथ आठौं स्थानमा छ । पन्जाबले अन्तिम खेल शुक्रबार राजस्थान रोयल्ससँग खेल्नेछ । दिल्लीले अन्तिम खेल शनिबार चेन्नई सुपर किंग्ससँग खेल्नेछ ।

काठमाडौं । इन्डियन प्रिमियर लिग(आइपीएल)मा आज दिल्ली क्यापिटल्स र पन्जाब किंग्स भिड्दैछन् ।

धर्मशालामा रहेको एचपीसीए क्रिकेट स्टेडियममा हुने खेल नेपाली समयअनुसार बेलुका ७:४५ बजेबाट सुरु हुनेछ । एचपीसीए क्रिकेट स्टेडियममा २०१३ पश्चात आज पहिलो पटक आइपीएल खेल हुदैछ ।

पन्जाब दिल्लीलाई पराजित गर्दै २०१४ पछि पहिलो पटक प्लेअफ प्रवेशको सम्भावना कायमै राख्न चाहन्छ। यता दिल्ली भने प्लेअफको रेसबाट बाहिरीसकेको छ । आजको खेलमा पराजित भएमा पन्जाब प्रतियोगिताबाट बाहिरिने तेस्रो टिम बन्नेछ ।

आफ्नो अन्तिम खेलमा पन्जाबले दिल्लीलाई ३१ रनले पराजित गरेको थियो । दिल्ली आज पन्जाबलाई हराउदै उक्त खेलको बदला लिन चाहन्छ।

पञ्जाब किंग्सले १२ खेलमा ६मा जित र ६मा हारसहित १२ अंकको साथ अंक तालिकाको आठौं स्थानमा रहदा दिल्ली १२ खेलमा चार खेल जितेर अंक तालिकाको अन्तिममा छ। यी दुई टोलीले आइपीएलमा हालसम्म ३१ पटक आमनेसामने गरेका छन् । जसमा पन्जाबले १६ खेल जितेको छ भने दिल्लीले १५ खेल जितेको छ।

पञ्जाब किंग्सको सम्भावित प्लेइङ– ११

शिखर धवन (कप्तान), शाहरुख खान, साम करन, सिकन्दर रजा, आर धवन, एलएस लिभिङस्टोन, पी सिमरन सिंह, जेएम शर्मा (विकेटकीपर), आरडी चाहर, हरप्रीत ब्रार, अर्शदीप सिंह ।

दिल्ली क्यापिटल्सको सम्भावित प्लेइङ– ११

डेभिड वार्नर (कप्तान), आरआर रोसो, अमन हाकिम खान, अक्षर पटेल, पी दुबे, एमआर मार्श, पीडी साल्ट (विकेटकीपर), केके अहमद, केएल यादव, मुकेश कुमार, इशान्त शर्मा ।

काठमाडौँ । इन्डियन प्रिमियर लिग (आइपीएल) को ६३ औं खेलमा आज मुम्बई इन्डियन्स र लखनउ सुपर जाइन्ट्स भिड्दैछन्। लखनउको भारत रत्न श्री अटल बिहारी बाजपेयी एकना क्रिकेट स्टेडियममा हुने खेल नेपाली समयअनुसार बेलुकाको ७:४५ बजेबाट सुरु हुनेछ ।

यससिजनमा १२ बाह्र खेलमध्ये ६मा जित र ५ मा हार बेहोरेको लखनउ १३ अंको साथ अंक तालिकाको चौथो स्थानमा छ। आफ्नो अन्तिम खेलमा लखनउले सनराइजर्स हैदरावादलाई ७ विकेटले पराजित गरेको थियो ।

यता, मुम्बई इन्डियन्स १२ खेलमध्ये ७ मा जित र ५ मा हारसहित १४ अंको साथ अंक तालिकाको तेस्रो स्थानमा रहेको छ । आफ्नो अन्तिम खेलमा मुम्बईले गुजरात टाइटन्सलाई २७ रनले पराजित गरेको थियो । उक्त खेलमा सूर्यकुमार यादवको असाधारण प्रदर्शनले आईपीएलमा आफ्नो पहिलो शतक प्रहार गरे । सूर्यकुमार ४९ बलमा १०३ रन बनाएर अविजित रहेका थिए।

दुबै टोलि आजको खेल जितेर प्लेअफको लागि आफ्नो स्थान पक्का गर्न चाहन्छन् । गुजरात टाइटन्स सोमबारको खेलमा सनराइजर्स हैदरावादलाई ३४ रनले पराजित गर्दै प्लेअफमा पुग्ने पहिलो टोली बनेको छ ।

लखनऊ सुपर जायन्ट्सको सम्भावित प्लेइङ ११

मार्कस स्टोइनिस, वाईएस ठाकुर, काइल मेयर्स, केएच पाण्ड्या (कप्तान), पीएन मांकड, निकोलस पूरन, क्यू डी कक (विकेटकिपर), आवेश खान, रवि बिश्नोई, ए मिश्र, युधवीर सिंह ।

मुम्बई इन्डियन्सको सम्भावित प्लेइङ ११

रोहित शर्मा (कप्तान), एसए यादव, टिम डेभिड, विष्णु विनोद, सी ग्रीन, पियुष चावला, एन वाधेरा, इशान किशन (विकेटकीपर), जेपी बेहरेनडोर्फ, के कार्तिकेय, सीजे जोर्डन ।

काठमााडौँ । इन्डियन प्रिमियर लिग (आइपीएल)को ६० औँ खेलमा आइतवार राजस्थान रोयल्स र रोयल च्यालेन्जर्स बैंग्लोर भिड्दैछन्। जयपुरको सवाई मानसिंह स्टेडियमा हुने खेल नेपाली समयअनुसार दिउसोको ३:४५ बजेबाट सुरु हुनेछ ।

राजस्थान रोयल्सले यस सिजनमा उत्कृष्ट प्रदर्शन गर्दै आएको छ। राजस्थान १२ खेलमा ६मा जित र ६मा हारसहित १२ अंकका साथ अंक तालिकामा चौथो स्थानमा छ। प्लेअफमा स्थान सुरक्षित गर्न अब राजस्थानले बाँकी दुई खेल जित्नैपर्ने हुन्छ। उता, रोयल च्यालेन्जर्स बैंग्लोरले ११ खेलमा पाँच जित र छ हारसहित १० अंकका साथ छैटौं स्थानमा छ। बैंग्लोरले तीन खेल खेल्न बाँकी रहदा प्लेअफमा पुग्ने सम्भावना बढाउन प्रत्येक खेलमा विजयी हुनैपर्छ।

राजस्थानले आफ्नो पछिल्लो खेलमा कोलकाता नाइट राइडर्सलाई नौ विकेटले पराजित गरेको थियो। पावरप्लेको क्रममा दुई विकेट गुमाउँदै नाइट राइडर्सको सुरुवात निराशाजनक रह्यो । कोलकाताले दिएको १५० रनको लक्ष्य पछ्छाएको राजस्थानले १३.१ ओभरमै एक विकेटको क्षतिमा पुरा गरेको थियो । उक्त खेलमा यशस्वी जैसवालले आईपीएलको सबैभन्दा छिटो अर्धशतक बनाउँदै कीर्तिमान राखेका थिए ।यशस्वीले १३ बलमा अर्धशतक पूरा गरे भने शतकको लागि २ रनले पछि परेका थिए । उनले ४७ बलमा ९८ रन बनाएका थिए ।

यस्तै, रोयल च्यालेन्जर्स बैंग्लोरले आफ्नो पछिल्लो दुई खेलमा लगातार हार बेहोरेको छ । जसमा पछिल्लो भिडन्तमा मुम्बई इन्डियन्ससँग ६ विकेटले पराजित हुन पुगेको थियो । बैंग्लोरले टस जितेर पहिले ब्याटिङ गर्दै निर्धारित २० ओभरमा ६ विकेट गुमाएर १९९ रन जोडेको थियो । जसमा फाफ डु प्लेसिस र ग्लेन म्याक्सवेल दुबैले अर्धशतक पुरा गरेका थिए । तर, मुम्बई इन्डियन्सले आफ्नो ब्याटिङ क्षमता देखाउँदै १६.३ ओभरमा सहजै लक्ष्य पछ्यायो। सूर्यकुमार यादवले धमाकेदार इनिङ्स खेल्दै मात्र ३५ बलमा ८३ रन बनाएर मुम्बईलाई जित दिलाए।

राजस्थान रोयल्सको सम्भावित प्लेइङ– ११

यशस्वी जैसवाल, शिमरोन हेटमायर, जेई रुट, रविचन्द्रन अश्विन, जोस बटलर, सञ्जु सामसन (कप्तान), डीसी जुरेल, ट्रेन्ट बोल्ट, केएम आसिफ, युजवेन्द्र चहल, सन्दीप शर्मा ।

रोयल च्यालेन्जर्स बैंगलोरको सम्भावित प्लेइङ– ११

विराट कोहली, एफ डु प्लेसिस (कप्तान), एमके लोमर, जीजे म्याक्सवेल, डब्ल्यू हसरंगा, दिनेश कार्तिक (विकेटकीपर), अनुज रावत, एचभी पटेल, मोहम्मद सिराज, जोश हेजलवुड, विजयकुमार विशाक ।

इन्डियन प्रिमियर लिग २०२३ को ५३ औँ खेलमा कोलकाता नाइट राइडर्स र पञ्जाब किंग्स प्रतिष्पर्धा गर्दैछन् । कोलकाताको प्रतिष्ठित इडेन गार्डेनमा हुने खेल नेपाली समयअनुसार बेलुकाको ७:४५ बजेबाट सुरु हुनेछ ।

कोलकाताले आफ्नो अन्तिम खेलमा सनराइजर्स हैदरावादलाई ५ रनले पराजित गरेको थियो । १० खेलमा चार जित र ६ मा हारसहित कोलकाता अंक तालिकाको आठौं स्थानमा छ ।

यता, पञ्जाब किंग्स आफ्नो अघिल्लो खेलमा मुम्बई इन्डियन्ससँग ६ विकेटले पराजित भएको थियो । टोली १० खेलबाट पाँच जित रपाँचमा हारसहित पञ्जाब अंक तालिकाको सातौं स्थानमा छ । दुवै टोलीले लिग चरणमा चार खेल खेल्न बाँकी छ र प्रतियोगिताको प्लेअफमा पुग्न सकेसम्म धेरै जित्ने लक्ष्य राख्नेछ।

आईपीएलमा कोलकाता र पञ्जाबले अहिलेसम्म ३१ पटक आमनेसामने गरेका छन् । जसमा कोलकाताले २० खेलमा जित हासिल गरेको छ भने पञ्जाबले ११ मात्र जितेको छ। यो सिजनको पहिलो खेलसहित कोलकातासँगको पछिल्लो पाँच भिडन्तमध्ये पञ्जाबले तीन जितेको छ। सिजनको पहिलो खेलमा पञ्जाबले पाँच विकेटको क्षतिमा १९१ रन बनाएको थियो र डिएलएस विधि मार्फत ७ रनले कोलकाता पराजित भएको थियो ।

कोलकाताको सम्भावित प्लेइङ ११

आरके सिंह, जेजे रोय, एन राणा (कप्तान), एडी रसेल, एसपी नरिन, वीआर अय्यर, रहमानउल्लाह गुरबाज (विकेटकीपर), शार्दुल ठाकुर, वरुण चक्रवर्ती, वैभव अरोरा, एच राणा ।

पञ्जाब किंग्सको सम्भावित प्लेइङ ११

शिखर धवन (कप्तान) , शाहरुख खान, एसएम कुरान, आर धवन, एमडब्ल्यू शर्ट, एलएस लिभिङस्टोन, पी सिमरन सिंह, जेएम शर्मा (विकेटकीपर), आरडी चाहर, हरप्रीत ब्रार, अर्शदीप सिंह ।

काठमाडौँ । इन्डियन प्रिमियर लिग (आइपीएल) २०२३ को ४३ औ खेलमा साबिक विजेता गुजरात टाइटन्स र राजस्थान रोयल्स भिड्दैछन् ।

जयपुरको सवाई मानसिंह स्टेडियममा हुने खेल नेपाली समयअनुसार बेलुका ७ः४५ बाट सुरु हुनेछ। दुबै टोलीले यस सिजनमा प्रभावशाली प्रदर्शन गर्दै आईरहेका छन् । यस खेलमा पनि यी दुई टोलीबिच बलियो प्रदर्शनको अपेक्षा गरिएको छ।

अंक तालिकाको शीर्ष स्थानमा रहेको गुजरातले नौ खेलमा ६ खेल जितेको छ । गुजरातले आफ्नो अघिल्लो खेल अंकतालिको पुच्छरमा रहेको दिल्ली क्यापिटल्ससँग हारेको थियो। अमान हाकिम खानको अर्धशतकीय मद्दतमा क्यापिटल्सले २० ओभरमा १ सय ३० रन बनाएको थियो । सामान्य लक्ष्य पछ्याएको गुजरातले पावरप्लेमा तीन विकेट गुमाएको थियो । हार्दिक पाण्डेय, अभिनव मनोहर र राहुल तेवाटियाले प्रयास गरे पनि टोलीले लक्ष्य पछ्याउन सकेन र ६ विकेटको क्षतिमा १२५ रन मात्रै बनाउन सके र पाँच रनले खेल हार्यो ।

यता, राजस्थान यस सिजनमा नौ खेलमध्ये पाँच खेल जितेर अंक तालिकाको चौथो स्थानमा छ। राजस्थानले पनि आफ्नो अन्तिम खेलमा मुम्बई इन्डियन्ससँग हार बेहोरेको थियो । रोयल्सले पहिले ब्याटिङ गर्दै २० ओभरमा सात विकेटको क्षतिमा २१२ रन बनाएको थियो । जसमा यशस्वी जैसवालले आफ्नो पहिलो आईपीएल शतक बनाएका थिए। ठुलो योगफल पछ्याएको मुम्बईले १९.३ ओभरमा खेल सक्कायो र राजस्थानलाई ६ विकेटले हरायो ।

हालसम्म, राजस्थान र गुजरातले गत सिजनको फाइनल सहित आईपीएलमा चार पटक आमनेसामने गरेका छन्। यी मध्ये तीन खेलमा गुजरात विजयी भएको छ । यद्यपि, यस सिजनको पहिलो भिडन्तमा भने राजस्थानले गुजरातलाई हराएको थियो । राजस्थानले अन्तिम ओभरमा १७८ रनको लक्ष्यलाई सफलतापूर्वक पछ्याउँदै गुजरातविरुद्ध आफ्नो पहिलो जित हासिल गर्न सफल भएको थियो।

राजस्थान रोयल्सको सम्भाबित प्लेइङ–११

यशस्वी जैसवाल, देवदत्त पडिक्कल, शिमरोन हेटमायर, रविचन्द्रन अश्विन, जेसन होल्डर, जोस बटलर, सञ्जु सामसन (कप्तान), डीसी जुरेल, ट्रेन्ट बोल्ट, युजवेन्द्र चहल, सन्दीप शर्मा ।

गुजरात टाइटन्सको सम्भाबित प्लेइङ–११

शुभमन गिल, एचएच पाण्ड्या (कप्तान), ए मनोहर, डीए मिलर, विजय शंकर, आर तेवतिया, ऋद्धिमान साह (विकेटकीप), राशिद खान, एम शमी, एमएम शर्मा, नूर अहमद ।

काठमाडौँ । इन्डियन प्रिमियर लिग (आइपीएल) २०२३ को ४७ औँ खेलमा सनराइजर्स हैदरावाद र कोलकाता नाइट राइडर्स भिड्दैछन् । हैदराबादको राजीव गान्धी अन्तर्राष्ट्रिय स्टेडियममा हुने खेल नेपाली समय अनुसार बेलुकाको ७ः४५ बजेबाट सुरु हुनेछ ।

आज यी यो टोलीले यस सिजनमा दोस्रो पटक भेट गर्दैछन्। पहिलो खेलमा हैदरावादका ह्यारी ब्रुकले कोलकाताविरुद्ध २२८ रनको उच्चतम स्कोर बनाउन अपराजित शतक प्रहार गरेका थिए । उक्त खेलमा कोलकाता २३ रनले पराजित भएको थियो ।

कोलकाता नौ खेलमा तीन जित र छ खेलमा हारका साथ अंकतालिकाको आठौं स्थानमा छ । यस्तै, हैदरावाद आठ खेलमा तीनमा जित र पाँचमा हारसहित तालिकाको नबौ स्थानमा रहेको छ । आज यी दुई टोलिले अन्तिमबाट तेस्रो यानिकि आठौ स्थानको लागि भिडन्त गर्नेछन् । तालिकाको अन्तिम तथा दशौ स्थानमा भने दिल्ली क्यापिटल्स रहेको छ ।

कोलकाता आफ्नो अन्तिम खेलमा गुजरात टाइटन्ससँग ७ विकेटले पराजित भएको थियो भने हैदरावादले अन्तिम खेलमा दिल्लीलाई हराएको थियो ।

सनराइजर्स हैदरावादको सम्भावित प्लेईङ –११ः

अभिषेक शर्मा, मयंक अग्रवाल, राहुल त्रिपाठी, एडेन मार्कराम (कप्तान), ह्यारी ब्रुक, हेनरिक क्लासेन (विकेटकिपर), अब्दुल समद, मार्को जेन्सेन, भुवनेश्वर कुमार, मयंक मार्कंडे, उमरान मलिक ।

कोलकाता नाइट राइडर्सको सम्भावित प्लेईङ –११ः
जेसन रोय, रहमानउल्लाह गुरबाज(विकेटकिपर), वेंकटेश अय्यर, नितिश राणा (कप्तान), आन्द्रे रसेल, रिंकु सिंह, शार्दुल ठाकुर, सुनील नारायण, हर्षित राणा, वरुण चक्रवर्ती, सुयश शर्मा ।

हेड–टू–हेडः
आइपीएलमा हालसम्म यि दुई टोलिबिच कोलकाता नाइट राइडर्स बलियो रहेको छ । यि दुईबिच भएको २४ खेलहरुमा कोलकाताले १४ खेल जितेको छ भने हैदरावादले ९ खेलमा जित हात पारेको छ ।

एजेन्सी । इन्डियन प्रिमियर लिग(आइपीएल) २०२३ को ३८ औं खेलमा लखनऊ सुपर जायन्ट्सले रनको वर्षा गराउँदै पन्जाब किंग्सलाई ५६ रनले हराएको छ । यो जितसँगै लखनऊले अंक तालिकामा दोस्रो स्थानमा उक्लिएको छ ।

जितको लागि लखनऊले दिएको २ सय ५८ रनको विशाल लक्ष्य पछ्याएको पन्जाब १९.५ ओभरमा २ सय १ रनमा अल आउट भयो । पन्जाबका अथर्व टैडेले ३६ बलमा ८ चौका र २ छक्काको सहयोगमा सर्वाधिक ६६ रन बनाए । विशाल लक्ष्य पछ्याएको पन्जाबका ओपनर प्रभसिमरन सिंह ९, शिखर धवन १, लियाम लिभिङस्टोन २३ र साम करन २१ रनमा आउट भए । यस्तै, सिकन्दर राजा २२ बलमा ३६ रन बनाएर आउट हुँदा जितेश शर्मा १० बलमा ३ छक्कासहित २४ रनमा आउट भए ।

लखनऊका यश ठाकुरले ३.५ ओभरमा ३७ रन खर्चेर सर्वाधिक ४ विकेट लिए । नविन उल हकले ४ ओभरमा ३० रन खर्चेर ३ विकेट लिदा रवि विश्रोईले ४ ओभरमा ४१ रन खर्चेर २ विकेट लिए । यस्तै, मार्कस स्टाइनिसले एक विकेट लिए ।

त्यसअघि पन्जाबको घरेलु बिन्द्रा क्रिकेट स्टेडियम मोहालीमा टस हारेर पहिला ब्याटिङको निम्तो पाएको लखनऊले निर्धारित २० ओभरमा ५ विकेट गुमाउँदै २ सय ५७ रन बनाएको थियो । यो आइपिएल इतिहासकै दोस्रो ठूलो योगफल हो । आइपिएलमा सर्वाधिक ठूलो योगफल २०१३ मा रोयल च्यालेन्जर्स बेंगलोरले बनाएको थियो । बेंगलोरले पुणे वारियर्सविरुद्ध ५ विकेट गुमाउँदै २ सय ६३ रन बनाएको थियो । आइपिएलमा हालसम्म अन्य कुनैपनि टोलीले २ सय ५० रनको योगफल कटाएका थिएनन् ।

लखनऊको जितमा मार्कस स्टोइनिसले ४० बलमा ६ चौका र ५ छक्कासहित सर्वाधिक ७२ बनाए । यस्तै, ओपनर कायल मेयर्सले २४ बलमा ७ चौका र ४ छक्कासहित ५४ रन जोड्दा कप्तान केएल राहुल ९ बलमा १ चौका र १ छक्कासहित १२ रनमै आउट भए ।

युवा ब्याटर आयुष बदोनीले २४ बलमा ३ चौका र ३ छक्कासहित ४३ रन बनाए । तेसो विकेटका लागि स्टोइनिस र बदोनीले ८९ रनको उत्कृष्ट साझेदारी गरेका थिए ।

निकोलस पुरन १९ बलमा ७ चौका र १ छक्कासहित ४५ रनमा आउट दुँदा दीपक हुडा ११ र क्रुनाल पान्ड्याले ५ रन बनाए ।

पन्जाबका कागिसो रबाडाले ४ ओभरमा ५२ रन खर्चेर २ विकेट लिदा अर्शदीप सिंह, साम करन र लियाम लिभिङस्टोनले समान एक विकेट लिए ।

लखनऊ ८ खेलमा ५ जित र ३ हारसहित १० अंकका साथ अंकतालिकाको दोस्रो स्थानमा छ । राजस्थान रोयल्स ८ खेलमा ५ मा जितसहित १० अंकका साथ शीर्षस्थानमा छ रहँदा समान १० अंक भएका गुजरात र चेन्नई नेटरनरेटको कारण तेस्रो र चौथो स्थानमा छन् । पन्जाब भने ८ खेलमा ४ जित र ४ हारसहित ८ अंकका साथ छैटौं स्थानमा छ ।

एजेन्सी – इन्डियन प्रिमियर लिग (आइपिएल) २०२३ को ३४ औं खेलमा दिल्ली क्यापिटल्सले घरेलु टोली सनराइजर्स हैदराबादलाई ७ रनले हराएको छ ।

ब्याटिङ सुधार्न नसकेपनि बलिङमा उत्कृष्ट प्रदर्शन गरेको दिल्लीले दोस्रो जितका साथ प्लेअफको सम्भावना कायमै राखेको छ ।

जितको लागि १ सय ४५ रनको सामान्य लक्ष्य पछ्याएको हैदराबादले २० ओभरमा ६ विकेट गुमाउँदै १ सय ३७ रन बनायो । हैदराबादलाई जितको लागि अन्तिम ६ बलमा १३ रन चाहिँदा दिल्लीका तीव्र गतिका बलर मुकेश कुमारले पाँच रन खर्चिदै आफ्नो टिमको लागि जित पक्का गराए ।

हैदराबादका ओपनर मयंक अग्रवालले ३९ बलमा ७ चौकासहित सर्वाधिक ४९ रन बनाए। मयंक बाहेक हैदराबादका अन्य कुनैपनि ब्याटरले राम्रो गर्न सकेनन् । ओपनर ह्यारी ब्रुक १४ बलमा ७ रन बनाउँदै एनरिच नोर्कियाको बलमा बोल्ड आउट हुन पुगे। तीव्र गतिका बलर ईशान्त शर्माले राहुल त्रिपाठीलाई १५ रनमा क्याच आउट गराए ।

हेनरिक क्लासेन १९ बलमा ३ चौका र १ छक्कासहत ३१ रनमा आउट हुँदा अभिषेक शर्मा ५ रनमा आउट भए भने वासिन्टन सुन्दर २४ रनमा नटआउट रहे ।

दिल्लीका अक्षर पटेलले ४ ओभरमा २१ रन खर्चेर २ विकेट लिए । यस्तै, एनरिच नोर्कियाले ४ ओभरमा ३३ रन खर्चेर २ विकेट लिदा कुलदीप यादव र ईशान्त शर्माले १ विकेट लिए ।

त्यसअघि टस जितेर पहिला ब्याटिङ थालेको दिल्लीले निर्धारित २० ओभरमा ९ विकेट गुमाउँदै १ सय ४४ रन बनाएको थियो ।यस खेलम पनि दिल्लीले आफ्नो खराब ब्याटिङलाई पुन निरन्तरता दियो । अक्षर पटेल र मनिष पाण्डेले समान ३४ रन बनाउँदा दिल्लीका अन्य ब्याटरको प्रदर्शन सम्झन लायक थिएन । अक्षरले ३४ बलमा ४ चौका र मनिषले २७ बलमा २ चौका प्रहार गरेका थिए ।

दिल्लीका ओपनर फिलिप साल्ट डक आउट हुँदै इनिङको तेस्रो बलमै पेभेलिएन फर्केका थिए । आठौं ओभरमा हैदराबादका स्पिनर वासिन्टन सुन्दरले तीन विकेट लिएपछि दिल्ली संकटमा पुगेको थियो ।

आठौं ओभरमा कप्तान डेविड वार्नर २० बलमा २१ रन बनाएर ह्यारी ब्रुकबाट क्याच आउट भए । एक बलपछि शर्फराज खान १० रनमा आउट भए । अन्तिम बलमा अमान हाकिम खान ४ रनमा अभिषेक शर्माको हातबाट क्याच आउट भएका थिए । यस्तै, मिचेल मार्श २५, रिपल पटेल ५ र एनरिच नोर्किया २ रनमा आउट भए ।

हैदराबादका वासिन्टन सुन्दरले ४ ओभरमा २८ रन खर्चेर ३ विकेट लिए । तीव्र गतिका बलर भुवनेश्वर कुमारले ४ ओभरमा ११ रन खर्चेर २ विकेट लिँदा टि नटराजनले एक विकेट लिए ।

दिल्ली ७ खेलमा २ मा जित र ५ मा हारसहित अंकतालिकाको पुछारमा छ । हैदराबाद  पनि ७ खेलमा २ मा जित र ५ मा हारसहित नवौं स्थानमा छ । चेन्नई ७ खेलमा ५ मा जित सहित १० अंकका साथ शीर्ष स्थानमा छ । समान ८ अंक भएपनि नेटरनरेटको कारण राजस्थान रोयल्स दोस्रो, लखनउ तेस्रो, गुजरात चौथो, बेंगलोर पाँचौं र पन्जाब छैटौं स्थानमा छन् ।

काठमाडौँ । इन्डियन प्रिमियर लिग (आइपीएल)मा रोयल च्यालेन्जर्स बेंगलोरले पन्जाब किंग्सलाई जितको लागि १७५ रनको लक्ष्य दिएको छ । पन्जाबको घरेलु मैदान मोहालीमा टस हारेर पहिला ब्याटिङ गरेको बेंगलोरले निर्धारित २० ओभरमा ४ विकेट गुमाएर १७४ रन बनाएको थियो ।

आजको खेलमा बेंगलोरका नियमित कप्तान फाफ डुब्लेसिसको ठाउँमा विराट कोहलीले कप्तानी गरिरहेका छन् । बेंगलोरको लागि डुब्लेसिस र कोहलीले अर्धशतक प्रहार गरेका थिए । डुब्लेसिसले पाँच छक्का र पाँच चौकाको सहयोगमा सर्वाधिक ८४ रन बनाए भने कोहलील ५९ रन बनाएर आउट भए । डुब्लेसिस र कोहलीले १३० रनको शतकीय साझेदारी गरेका थिए । १६ औ ओभरको पहिलो बलमा हरपीतले कोहलीलाई आउट गराएपछि साझेदाारी तोडिएको थियो ।

यस्तै, दिनेश कार्तिक सात रनमा आउट हुदा म्याक्सेल पहिलो बलमै आउट हुन पुगे ।

पन्जाबको तर्फबाट हरपीतले दुई विकेट लिए भने न्याथम ईलिस र अशर्दीप सिंहले एक एक विकेट लिए ।

अहिले पन्जाब जवाफी ब्याटिङ गरिरहेको छ । ३.२ ओभर सकिँदा पन्जाबले तीन विकेट गुमाएर २७ रन बनाएको छ ।

एजेन्सी । १६ औं सिजनको इन्डियन प्रिमियर लिग (आइपीएल)को २५ औं खेलमा मुम्बई इन्डियन्सले सनराइजर्स हैदरावादलाई उसैको घरेलु मैदानमा १४ रनले पराजित गरेको छ ।

मंगलबार राति सम्पन्न खेलमा सनराइजर्सका कप्तान एडेन मार्करामले टस जितेर पहिले बलिङ गर्ने निर्णय गरेका थिए । मुम्बईले २० ओभरमा पाँच विकेट गुमाएर १९२ रन बनाएको थियो । जवाफमा हैदरावादको टोली १९.५ ओभरमा १७८ रनमा अलआउट भयो ।

सनराइजर्स हैदरावादलाई अन्तिम ओभरमा २० रन चाहिएको थियो । मुम्बईका कप्तान रोहित शर्माले युवा अर्जुन तेन्दुलकरलाई बलिङ गर्न बोलाए । अर्जुनले कप्तानको विश्वासलाई सार्थक पार्दै चार रन मात्र दिए । उनको ओभरमा दुई विकेट पनि परे । दोस्रो बलमा अब्दुल समद रन आउट भए भने पाँचौं बलमा अर्जुन तेन्दुलकरले भुवनेश्वर कुमारलाई रोहित शर्माको हातमा क्याच आउट गराएर टोलीलाई महत्वपूर्ण जित दिलाए । उनले पछिल्लो खेलमा कोलकाता नाइट राइडर्सविरुद्ध डेब्यु गर्ने मौका पाएका थिए । त्यसपछि अर्जुनले दुई ओभरमा १७ रन दिएका थिए । उनी दुवै खेलमा आफ्नो बलिङबाट प्रभावित भएका छन् ।

सनराइजर्सका लागि पाँच ब्याट्सम्यानले मात्र दोहोरो अंक पार गर्न सके । मयंक अग्रवालले ४१ बलमा सर्वाधिक ४८ रन बनाए । हेनरिक क्लासेनले १६ बलमा ३६ रन बनाए । एडेन मार्करामले २२, मार्को जेन्सेनले १३ र वाशिङटन सुन्दरले १० रन बनाए । ह्यारी ब्रुक ९, राहुल त्रिपाठी ७ र अभिषेक शर्मा १ रन बनाएर आउट भए ।

अब्दुल समदबाट अन्तिम ओभरमा विस्फोटक ब्याटिङ गर्ने अपेक्षा गरिएको थियो तर उनले १२ बलमा ९ रन मात्र बनाउन सके । मुम्बईका लागि जेसन बेहरेनडोर्फ, रिले मेरिडिथ र पियुष चावलाले २–२ विकेट लिए । अर्जुन तेन्दुलकर र क्यामरुन ग्रीनले एक–एक सफलता हात पारे ।

मुम्बईको कुरा गर्ने हो भने अष्ट्रेलियाका क्यामरुन ग्रीनले सर्वाधिक रन बनाए । ग्रीनले ४० बलमा अविजित ६४ रन खेले। उनलाई यस पटक मुम्बई इन्डियन्सले लिलामीमा १७.५० करोडमा किनेको थियो । ग्रीनले आईपीएलमा आफ्नो पहिलो अर्धशतक बनाएर मुम्बई फ्रेन्चाइजीको निर्णय सही साबित गरे । उनले एक विकेट पनि लिए । खेलको प्लेयर अफ दि म्याच समेत चुनिए ।

इशान किशनले ३१ बलमा ३८ र तिलक वर्माले १७ बलमा ३७ रन बनाए । कप्तान रोहित शर्माले १८ बलमा २८ र टिम डेभिडले ११ बलमा १६ रनको योगदान दिए । सूर्यकुमार यादव ७ रन बनाएर आउट भए । सनराइजर्सका लागि मार्को जानसेनले सर्वाधिक २ विकेट लिए । भुवनेश्वर कुमार र टी नटराजनले एक–एक सफलता हात पारे ।

रोहित शर्माले आफ्नो छोटो इनिङ्समा उत्कृष्ट उपलब्धि हासिल गरेका छन् । उनले आईपीएलमा ६ हजार रन पुरा गरेका छन् । रोहितले आईपीएलका २३२ खेलमा ६ हजार १४ रन बनाएका छन् ।

रोहित शर्मा ६ हजारभन्दा बढी रन बनाउने चौथो खेलाडी बने । रोहित शर्मा विराट कोहली, शिखर धवन र डेभिड वार्नरको एलिट क्लबमा प्रवेश गरेका छन् । आईपीएलमा विराट कोहलीले सर्वाधिक रन बनाएका छन् । उनले २२८ खेलमा ६८४४ रन बनाएका छन् । शिखर धवनले २१० खेलमा ६४७७ रन बनाएका छन् भने डेभिड वार्नरले १६७ खेलमा ६१०९ रन बनाएका छन् ।

यो हारसँगै सनराइजर्सको जितको लय टुटिएको छ । पछिल्ला दुई खेलमा सफलता हात पारेपनि जितको ह्याट्रिक गर्न भने सकेन । यता, मुम्बईको भने यो लगातार तेस्रो जित हो ।

यो जितसँगै मुम्बईको टोलीले २ अंक जोडेको छ । उसको अहिले पाँच खेलबाट ६ अंक छ । रोहित शर्माको टोली छैटौं स्थानमा पुगेको छ । योसँगै हैदरावादको यो तेस्रो हार हो र अंक तालिकाको नवौं स्थानमा छ ।

एजेन्सी । इन्डियन प्रिमियर लिग (आइपीएल) अन्तर्गत दिल्ली क्यापिटल्सले लगातार पाँच खेलमा पराजय बेहोरेको छ । शनिबार साँझ सम्पन्न खेलमा डेभिड वार्नरको कप्तानीमा रहेको दिल्ली रोयल च्यालेन्जर्स बैंगलोरसँग २३ रनले पराजित भएको हो ।

बैंगलोरस्थित एम. चिन्नास्वामी रंगशालामा भएको खेलमा दिल्लीले टस जितेर बलिङ रोजेको थियो । टस हारेर पहिले ब्याटिङ गरेको बैंगलोरले २० ओभरमा ६ विकेट गुमाएर १७४ रन बनाएको थियो ।

जवाफमा दिल्लीका ब्याट्सम्यानले २० ओभरमा ९ विकेट गुमाएर १ सय ५१ रन मात्र बनाउन सके ।

बैंगलोरका लागि विराट कोहली (५० रन)ले अर्धशतक बनाए भने महिपाल लोमरर (२६ रन), ग्लेन म्याक्सवेल (२४ रन) र कप्तान फाफ डु प्लेसिस (२२ रन)ले महत्वपूर्ण पारी खेले । दिल्लीका मिचेल मार्स र कुलदीप यादवले समान २–२ विकेट लिए । ललित यादव र अक्षर पटेलले एक–एक विकेट लिए ।

१७५ रनको लक्ष्य पछ्याएको दिल्लीको सुरुवात राम्रो हुन सकेन । पावरप्लेमा टोलीले ३२ रन बनाएर चार विकेट गुमाएको थियो । यस्तो अवस्थामा मिडल अर्डरमा खेल्न आएका मनिष पाण्डे (५० रन)ले संघर्षपूर्ण अर्धशतकीय इनिङ्स खेल्दै इनिङ्स सम्हाल्ने प्रयास गरे पनि हसरङ्गाले एलबीडब्लू गर्दै उनलाई असफल पारे । अक्षर पटेल (२१ रन)ले पनि प्रभावकारी ब्याटिङ गर्न सकेनन् । कप्तान डेभिड वार्नरले १९ रनमात्र जोडे ।

बैंगलोरका लागि आइपिएलमा डेब्यु गरेका विजयकुमार वैशाकले तीन विकेट लिए । सिराजले दुईवटा सफलता हात पारे । पारनेल, हसरंगा र हर्षल पटेलले समान १–१ विकेट लिए ।