काठमाडौँ । साउदी प्रो लिगको उपाधि अल हिलालले जितेको छ ।

गएराति भएको खेलमा अल हिलालले अल हाजमलाई ४–१ गोल अन्तरले हराउँदै यो सिजनको उपाधि पक्का गरेको हो ।

१९ औँ लिग उपाधि जित्न सफल अल हिलाल तीन खेल अगाबै च्याम्पियन बनेको हो । अल हिलालको जितमा अलेक्जाण्डर मित्रोभिचले दुई तथो सेर्गेज मिलिन्कोभिकले एक गोल गरे ।

उसले एक गोल भने आत्मघाती गोल उपहार थियो । साउदी प्रो लिगमा विजेता अल हिलालले यो सिजन ब्राजिलका चर्चित स्टार खेलाडी नेयमारलाई भित्राएको थियो ।

पोर्चुगिज स्टार खेलाडी क्रिस्टियानो रोनाल्डो भने यसपटक पनि उपाधि जित्नबाट बन्चित भए ।