तेहरान। अमेरिका र इरानबिच महिनौँदेखि जारी तनाव अन्त्यका लागि सम्झौता गर्ने कदमका लागि ठूलो सफलता मिल्ने आशा गरिएको छ ।

इरानका विदेशमन्त्री अब्बास अराघीचीले दुई देश सम्झौताका लागि सबैभन्दा नजिक रहेको बताउनुभएको हो ।

यसैगरी, अमेरिकी राष्ट्रपति डोनल्ड ट्रम्पले सामाजिक सञ्जाल ‘ट्रुथ सोशल’ मा सम्झौता नजिक पुगेको भन्ने आफ्नो एक दिन पहिलेको पोस्टलाई पुनः पोष्ट गरेर सम्झौताको सम्भावनालाई थप बढावा दिनुभएको छ । पोष्टमा राष्ट्रपति ट्रम्पले सम्झौतामा हस्ताक्षर हुन अन्तिम कागजी प्रक्रिया मात्र बाँकी रहेको बताउनुभएको छ ।

प्रस्तावित सम्झौतालाई उद्धृत गर्दै अराघचीले एक्समा लेख्नुभएको छ, “इस्लामाबादको पहलमा भएको यो सम्झौता प्रस्ताव अहिलेसम्मकै सबैभन्दा धेरै विषयमा सहमति नजिक पुगेकोे सहमति हो ।” अराघचीको पोष्टको केही मिनेटपछि राष्ट्रपति ट्रम्पले ट्रुथ सोसल अकाउन्टमा उक्त पोस्ट पुनः पोस्ट गर्नुभएको थियो । यसले प्रस्तावित सम्झौताका सर्तमा मतभेदका बाबजुद वार्ता सही दिशामा अघि बढिरहेको बुझ्न सकिन्छ ।

राष्ट्रपति ट्रम्पले सम्झौता पूरा हुने विश्वास व्यक्त गरेको भोलिपल्ट अराघचीको यो टिप्पणी आएको हो । अमेरिकी राष्ट्रपति ट्रम्पले अमेरिकाले भर्खरै इरानसँग युद्धका विषयमा ठूलो सम्झौता गरेको भन्दै सम्झौतामा हस्ताक्षर हुन केही काम मात्र बाँकी रहेको सङ्केत गर्नुभएको छ । ट्रम्पले पत्रकारँग भन्नुभयो, “अब केवल कागजातलाई अन्तिम रूप दिन मात्र बाँकी छ । अबको केही दिनमा यो काम सम्पन्न गरिसक्नुपर्छ ।”

शुक्रबार इरानी विदेशमन्त्री अराघचीले मिडिया संगठन र विश्लेषकलाई वार्ता पूरा नभएसम्म सम्झौताको सामग्रीको बारेमा अनुमान नगर्न आग्रह गर्नुभएको थियो । उहाँले भन्नुभएको थियो, “जबसम्म यसको अन्तिम निर्णय हुँदैन, तबसम्म मिडियाले यसको सामग्रीको बारेमा अड्कलबाजी गर्नबाट टाढा रहनु पर्छ ।” उहाँले  प्रक्रिया पूरा भएपछि विस्तृत विवरण सार्वजनिक गरिने प्रतिबद्धता पनि व्यक्त गर्नुभएको छ । हाम्रो जिम्मेवार र पारदर्शी दृष्टिकोण अनुरूप सबै विवरण सही समयमा जनतासँग साझा गरिने छ ।

पाकिस्तानद्वारा पुष्टि

पाकिस्तानका प्रधानमन्त्री शहबाज सरिफले अमेरिका र इरानबिच मध्यपूर्वमा युद्ध अन्त्य गर्ने उद्देश्यका साथ भएको सम्झौताका शर्तमा सहमति भएको र मध्यस्थकर्ताले दुवै पक्षसँग सम्झौता गर्न काम गरिरहेको पुष्टि गर्नुभएको छ । प्रधानमन्त्री शहबाज सरिफले अमेरिका र इरानबिच सहमतिको सन्देश टुङ्गिएको बताउनुभएको छ ।

मध्यस्थताको प्रयासमा पहल गरेको पाकिस्तानले यी युद्धरत देशसँग अर्को चरणमा काम गरिरहेको उहाँले बताउनुभयो । “शान्ति अहिले जस्तो नजिक कहिल्यै थिएन”, शरिफले एक्समा गरेको पोस्टमा भन्नुभएको छ, “इरानले यसै साता अमेरिका र इजरायलसँग तीन दिने गतिरोध जारी राख्दै मध्यपूर्वमा ठूलो मात्रामा युद्ध सुरु गर्ने चेतावनी दिएपछि वार्तामा उल्लेखनीय प्रगति भएको हो ।”

इरानी मिडियाद्वारा १४ बुँदे ‘समझदारी पत्र’ प्रकाशित

मेहर समाचार एजेन्सीका अनुसार प्रस्तावित ढाँचाले विशेष गरी स्ट्रेट अफ होर्मुज वरपरको तनावको कारण विश्व व्यापार र ऊर्जा बजारलाई धक्का दिएको तीन महिनाको द्वन्द्व अन्त्य गर्न उपाय प्रस्तुत गरेको छ । उक्त योजनामा प्रतिबन्ध खुकुलो पार्ने, इरानको रोक्का गरिएको सम्पत्तिमा पहुँच र क्षेत्रीय तनाव कम गर्ने उपाय समावेश छन् ।

इरानी मिडियाले प्रस्तावित १४ बुँदे समझदारी पत्रको विवरण भन्दै शुक्रबार समाचार प्रकाशित गरेपछि इरानी विदेशमन्त्रीले भन्नुभएको थियो, “एक्समा एक पोस्ट गर्दै खुलासा गरिएको जानकारी र लिखितरूपमा सहमति भएका सर्तबिच कुनै सम्बन्ध छैन ।” रासस/एएफपी 

न्युयोर्क। संयुक्त राष्ट्र सङ्घले अन्तर्राष्ट्रिय मानवीय कानूनअनुसार गाजा पट्टीमा नागरिक तथा नागरिक पूर्वाधारको सुरक्षा गर्न आह्वान गरेको छ ।

मानवीय मामिला समन्वयका लागि संयुक्त राष्ट्रसङ्घीय कार्यालय (ओसिएचए)ले विज्ञप्ति जारी गर्दै गाजामा नागरिक तथा नागरिक पूर्वाधार, सहायता कर्मी र उनीहरूको सम्पत्ति इजरायली हवाई आक्रमण र गोलाबारीको जोखिममा रहेको  चेतावनी दिएको छ ।

पछिल्लो इजरायली हवाई आक्रमणले देइर अल/बलाहमा एउटा मानवीय सङ्गठनको भवनलाई क्षति पुर्याएको विज्ञप्तिमा उल्लेख छ भने पूर्वाधारमा भएको क्षेतिका कारण केरेम अबु सलेम सिमा हुँदै गाजामा आपूर्तिको प्रवेश पनि घटेको जनाइएको छ । पश्चिम क्षेत्रका बासिन्दाका लागि पानी र सरसफाइ सेवाको पहुँचको कमि र उत्तरी वेस्ट ब्याङ्क, दक्षिणमा मासफर यट्टा र अन्य क्षेत्रमा बसोबास गर्नेका लागि द्वन्द आवागमन प्रतिबन्धको ठहर रहेको विज्ञप्तिमा उल्लेख छ ।

संयुक्त राष्ट्रसंघले आफ्ना मानवीय साझेदारसँग मिलेर कमजोर परिवारका लागि गाजामा खाना, औषधिलगायतका समाग्री आपूर्ति ढुवानी गरेको जनाएको छ । विश्व स्वास्थ्य सङ्गठन र यसका साझेदारले २६ जना बिरामी र उनीहरूका साथीको लागि आवाश्क मेडिकल निकासीलाई पनि सहयोग गरेका छन् । रासस/क्युएनए

पाकिस्तानले गत हप्तामा मात्र ७६३ अफगान कैदीहरूलाई जेलबाट मुक्त गरेको जनाएको छ ।

यसैगरी तीन हजार ७०० अफगान शरणार्थीहरू एकै दिनमा पाकिस्तानबाट स्वदेश फर्केको अफगान अधिकारीहरूले शनिबार बताएका छन् ।

विभिन्न अभियोगमा पक्राउ परेका कैदीहरू दक्षिणी कान्दाहार प्रान्तको स्पिन बोल्डक सीमा र पूर्वी नङ्गरहार प्रान्तको तोरखाम सीमा हुँदै अफगानिस्तानमा प्रवेश गरेको अधिकारीहरुले जनाएका छन् ।

अनुमानित ६० लाख अफगानीहरू विदेशमा रहेका छन्, जसमध्ये अधिकांश छिमेकी पाकिस्तान र इरानमा छन् भने पछिल्लो समयमा दुवै देशले कागजातविहीन विदेशी नागरिकहरूलाई आफ्नो घर फर्कन दबाब बढाएको छ ।

न्युयोर्क। संयुक्त राष्ट्र सङ्घले अन्तर्राष्ट्रिय मानवीय कानून अनुसार गाजा पट्टीमा नागरिक तथा नागरिक पूर्वाधारको सुरक्षा गर्न आह्वान गरेको छ ।

मानवीय मामिला समन्वयका लागि संयुक्त राष्ट्रसङ्घीय कार्यालय (ओसिएचए) ले विज्ञप्ति जारी गर्दै गाजामा नागरिक तथा नागरिक पूर्वाधार, सहायता कर्मीहरू र उनीहरूको सम्पत्ति इजरायली हवाई आक्रमण र गोलाबारीको जोखिममा रहेको चेतावनी दिएको छ ।

पछिल्लो इजरायली हवाई आक्रमणले देइर अल–बलाहमा एउटा मानवीय सङ्गठनको भवनलाई क्षति पुर्याएको  विज्ञप्तिमा उल्लेख छ भने पूर्वाधारमा भएको क्षेतिका कारण केरेम अबु सलेम सिमा हुदै हुँदै गाजामा आपूर्तिको प्रवेश पनि घटेको जनाइएको छ ।

पश्चिम क्षेत्रका बासिन्दाहरूका लागि पानी र सरसफाइ सेवाहरूको पहुँचको कमि र उत्तरी वेस्ट ब्याङ्क, दक्षिणमा मासफर यट्टा र अन्य क्षेत्रहरूमा बसोबास गर्नेहरुका लागि द्धन्द्ध आवागमन प्रतिबन्धको ठर रहेको विज्ञप्तिमा उल्लेख छ ।

संयुक्त राष्ट्र ससङ्ले आफ्ना मानवीय साझेदारहरूसँग मिलेर कमजोर परिवारहरूका लागि गाजामा खाना, औषधि लगायतका समाग्री आपूर्तिहरू ढुवानी गरेको जनाएको छ ।

विश्व स्वास्थ्य सङ्गठन र यसका साझेदारहरूले २६ जना बिरामी र उनीहरूका साथीहरूको लागि आवाश्क मेडिकल निकासीलाई पनि सहयोग गरेका छन् । (रासस/ क्युएनए)

टोकियो। जापानको नयाँ पुस्ताको फ्ल्यागशिप एच३ रकेट कम लागत संस्करणसहित सफल प्रक्षेपण गर्दै पुनः उडानमा फर्किएको छ ।

निरन्तर असफलताका कारण चुनौतीमा परेको जापानको अन्तरिक्ष कार्यक्रमका लागि यो उडानलाई महत्त्वपूर्ण उपलब्धिका रूपमा लिइएको छ ।

जापान एयरोस्पेस एक्सप्लोरेसन एजेन्सी (ज्याक्सा) का अनुसार एच३ रकेटलाई शुक्रबार बिहान दक्षिणपश्चिम जापानको तानेगाशिमा स्पेस सेन्टरबाट सफलतापूर्वक प्रक्षेपण गरिएको हो । रकेटको दोस्रो चरण लक्षित कक्षामा सफलतापूर्वक पुगेको पुष्टि गरिएको छ भने विश्वविद्यालय तथा अन्य संस्थाहरूले विकास गरेका छवटा साना उपग्रहहरू सफलतापूर्वक अलग भएको अनुमान गरिएको छ ।

यस पटकको मिसनले एच३ को नयाँ ‘३० कन्फिगरेसन’ को पहिलो उडानलाई प्रतिनिधित्व गरेको हो । यो संस्करण तीनवटा लिक्विड फ्युल एलई–९ इन्जिनसहित कुनै पनि बुस्टर बिना सञ्चालन गरिएको हो र यसलाई लागत घटाएर अन्तरिक्ष प्रतिस्पर्धामा बढी प्रभावकारी बनाउने उद्देश्यले विकास गरिएको हो । यसका विभिन्न मोडेलहरूले ग्राहकको आवश्यकताअनुसार सेवा दिने गरी डिजाइन गरिएको छ ।

एच३ रकेट जापानको पुरानो एच–२ए रकेटलाई प्रतिस्थापन गर्ने लक्ष्यसहित विकास गरिएको हो, जसको सफलताको इतिहास लगभग पूर्ण मानिन्छ । तर नयाँ पुस्ताको एच३ ले सुरुआती चरणमै दुई असफलता भोगेपछि लामो समय ग्राउन्डेड रहनुपरेको थियो ।

मार्च २०२३ को पहिलो परीक्षण उडानमा दोस्रो चरणको इन्जिन प्रज्वलन हुन नसक्दा मिशन असफल भएको थियो । त्यसपछि डिसेम्बरमा भएको अर्को प्रक्षेपणमा नेभिगेसन स्याटेलाइट बोकेको भए पनि दोस्रो चरणको खराबीका कारण उपग्रहलाई निर्धारित कक्षामा पु¥याउन सकेको थिएन ।

यी असफलतापछि एच३ कार्यक्रम रोकिएको थियो र शुक्रबारको सफल उडानलाई त्यसयताकै पहिलो ठूलो पुनरागमनका रूपमा हेरिएको छ । जापानको भविष्यका अन्तरिक्ष योजनाहरू, विशेषगरी सन् २०२८ मा प्रस्तावित मङ्गल मिसन, यसै रकेट प्रणालीमा निर्भर रहने भएकाले यो सफलतालाई अत्यन्त महत्त्वपूर्ण मानिएको छ ।

यता सानो एप्सिलोन–एस रकेट शृङ्खला पनि २०२४ को परीक्षण क्रममा आगलागी भएपछि ढिलाइमा परेको छ, जसले जापानको समग्र अन्तरिक्ष कार्यक्रमलाई थप चुनौती दिएको थियो ।

ज्याक्सा र मित्सुबिशी हेभी इन्डस्ट्रिजले संयुक्त रूपमा विकास गरेको एच३ रकेटलाई अब वार्षिक रूपमा छ देखि आठ पटक प्रक्षेपण गर्ने लक्ष्य राखिएको छ । यो सफलताले जापानलाई विश्वव्यापी अन्तरिक्ष बजारमा प्रतिस्पर्धी बनाउन र एलन मस्कको स्पेसएक्सजस्ता निजी कम्पनीसँग प्रतिस्पर्धा गर्न मद्दत गर्ने अपेक्षा गरिएको छ ।  (रासस/एपी)

वासिङ्टन। अमेरिकी राष्ट्रपति डोनाल्ड ट्रम्पको ८०औँ जन्मदिनलाई केन्द्रमा राखेर ह्वाइट हाउसको साउथ लनमा आयोजना गरिएको विशाल युएफसी केज फाइट कार्यक्रमले अमेरिकी राजनीति र सार्वजनिक खर्चबारे तीव्र बहस जन्माएको छ ।

‘युएफसी फ्रिडम २५०’ नाम दिइएको यो कार्यक्रमलाई समर्थकहरूले उत्सव र स्वतन्त्रताको प्रदर्शनका रूपमा व्याख्या गरे पनि आलोचकहरूले यसलाई असंवेदनशील र विवादास्पद कदम भनेका छन् ।

आइतबार हुने भनिएको उक्त कार्यक्रमका लागि ह्वाइट हाउसको साउथ लनमा ‘द क्लाउ’ नामक विशाल पिँजडा अखाडा निर्माण गरिएको छ र त्यहाँ १४ जना अल्टिमेट फाइटिङ च्याम्पियनसिप (युएफसी) खेलाडीहरूबीच केज फाइट प्रतिस्पर्धा हुनेछ । रक्तपातपूर्ण शैलीका लडाइँलाई केन्द्रमा राखिएको यो प्रतियोगिता अमेरिकी राष्ट्रपति कार्यालयको इतिहासमै असाधारण मानिएको छ ।

करिब छ करोड अमेरिकी डलर लागत अनुमान गरिएको कार्यक्रमलाई लिएर सार्वजनिक आलोचना चर्किएको छ । आलोचकहरूले युद्ध तथा आर्थिक चुनौतीका बीच यस्तो खर्चिलो र माचो शैलीको कार्यक्रम उपयुक्त नभएको टिप्पणी गरेका छन् । तर राष्ट्रपति ट्रम्पले यसलाई अमेरिकी स्वतन्त्रताको २५०औँ वार्षिकोत्सव सुरु गर्ने अवसरका रूपमा व्याख्या गर्नुभएको छ र कार्यक्रमको सम्पूर्ण खर्च युएफसीले व्यहोर्ने दाबी गर्नुभएको छ ।

राष्ट्रपति ट्रम्पले न्युयोर्क पोस्टसँगको कुराकानीमा लडाकू खेलाडीहरूको प्रशंसा गर्दै उनीहरूलाई ‘सबैभन्दा कठोर व्यक्तिहरू’ का रूपमा वर्णन गर्नुभएको छ । उहाँका अनुसार यस्तो कार्यक्रमले अमेरिकी खेल र शक्ति प्रदर्शनको नयाँ रूप देखाउनेछ ।

कार्यक्रममा इन्टरनेसनल मिक्स्ड मार्सल आर्ट (एमएमए) को प्रभावशाली उपस्थिति रहने अपेक्षा गरिएको छ । अमेरिकी विदेशमन्त्री मार्को रुबियोले पनि युएफसीसँगको सहकार्यलाई स्वागत गर्दै यसलाई ‘अमेरिकी जनताका लागि उपहार’ भन्नुभएको छ । उहाँका अनुसार यो कार्यक्रम विश्वभर करिब एक अर्ब दर्शकले हेर्न सक्ने सम्भावना छ ।

कार्यक्रमका आयोजक डाना ह्वाइटका अनुसार करिब चार हजार दर्शकले प्रत्यक्ष रूपमा ह्वाइट हाउस परिसरभित्र खेल हेर्नेछन् । तीमध्ये आधाभन्दा बढी अमेरिकी सेनाका सदस्य हुनेछन् । थप एक लाख २५ हजार दर्शकले ह्वाइट हाउस बाहिरको एलिप्स क्षेत्रमा राखिने विशाल स्क्रिनमार्फत खेल अवलोकन गर्ने अनुमान गरिएको छ ।

निर्माण गरिएको ‘द क्लाउ’ संरचना ६०० टनभन्दा बढी तौल र करिब १५४ फिट चौडाइ तथा ९२ फिट उचाइको रहेको बताइएको छ । यो ह्वाइट हाउस भवनभन्दा पनि अग्लो संरचना हो । ऐतिहासिक रूपमा महत्त्वपूर्ण मानिने साउथ लनमा यस्तो संरचना निर्माण हुनु पनि विवादको अर्को कारण बनेको छ ।

यो कार्यक्रमले ह्वाइट हाउसको दुई शताब्दीभन्दा लामो इतिहासमा नयाँ र असामान्य अध्याय थप्ने देखिएको छ । विश्लेषकहरूका अनुसार राष्ट्रपति ट्रम्पले आफ्नो राजनीतिक शैलीअनुसार मनोरञ्जन, शक्ति प्रदर्शन र लोकप्रियतामूलक कार्यक्रमलाई राज्य संयन्त्रसँग जोड्दै अघि बढाइरहनुभएको छ ।

तर कार्यक्रमविरुद्ध कानूनी चुनौती पनि दायर भएको छ । सार्वजनिक भूमिको दुरुपयोग गरी राष्ट्रपतिको निकट सहयोगीहरूलाई फाइदा पु¥याउने प्रयास भएको आरोप लगाउँदै मुद्दा दायर गरिएको छ । ह्वाइट हाउसले भने सबै आरोप अस्वीकार गरेको छ ।

ट्रम्पले यस कार्यक्रमलाई अमेरिकाको स्वतन्त्रता दिवसको २५०औँ वार्षिकोत्सवको सुरुवातका रूपमा प्रस्तुत गर्दै यसलाई ऐतिहासिक क्षणको रूपमा व्याख्या गर्नुभएको छ । कार्यक्रमपछि संरचना हटाइने योजना रहेको पनि अधिकारीहरूले स्पष्ट पारेका छन् ।(रासस/एएफपी)

वासिङ्टन। इरानले खाडीमा विभिन्न समयमा पुर्याएको क्षतिको भुक्तानी गर्न रोक्का गरिएको इरानी कोष प्रयोग गर्ने प्रतिबद्धता अमेरिकी अर्थमन्त्री स्कट बेसेन्टले बिहीबार व्यक्त गर्नुभएको छ ।

बेसेन्टले एक्समा लेख्नुभएको छ, “खाडीमा हाम्रा सहयोगीहरूलाई हुने कुनै पनि क्षतिको लागि इरानी खाताहरूबाट निकालिएको रकमबाट भुक्तानी गरिनेछ।”

वासिङ्टनले तेहरानसँग नयाँ युद्धको चेतावनी दिइरहेका बेला राष्ट्रपति डोनाल्ड ट्रम्पले बिहीबार बिहान इरानमाथि नयाँ आक्रमण गर्ने र अन्ततः यसको प्रमुख तेल पूर्वाधार कब्जा गर्ने बताएपछि अर्थमन्त्री बेन्सेन्टको टिप्पणी आएको हो।

संयुक्त राज्य अमेरिका र इजरायलले फेब्रुअरीको अन्त्यदेखि इरानलाई लक्षित गरी आक्रमण सुरु गरेका थिए । यसले प्रत्यक्षरूपमा मध्यपूर्व र अप्रत्यक्ष रूपमा विश्व समुदायलाई प्रभावित पारेको छ । आक्रमणका कारण इरानी जलमार्ग भएर विश्व बजारमा जाने पाच भागको एक भाग इन्धन आपूर्ति प्रभावित भएपछि यसले ऊर्जा लागत बढाएको छ।

बेसेन्टले बिहीबार भन्नुभयो, “तेहरानको आक्रमणले यसले सामना गर्ने आर्थिक र वित्तीय परिणामहरूलाई अझ गहिरो बनाउनेछ।”

उहाँले थप्नुभयो, “पर्सियाली खाडी क्षेत्र प्राधिकरणलाई तिरेको कुनै पनि राजश्व उनीहरूको खाताबाट निकालिएको रकमबाट शोधभर्ना गरिनेछ ।”

यो प्राधिकरण इरानको नयाँ निकाय हो जसले स्ट्रेट अफ हर्मुज भएर आवतजावत गर्ने जहाजहरूसँग शुल्क सङ्कलन गर्दछ । यो विश्वको लागि एक महत्वपूर्ण जलमार्ग जुन तेहरानले युद्धको सुरुदेखि बन्द गरेको छ ।

बिहीबार प्राधिकरणले अर्को सूचना नभएसम्मका लागि हर्मुज पूर्ण रूपमा बन्द हुने बताएको छ ।

यस पहिले बेसेन्टले भन्नुभएको थियो, “वाशिङ्गटनले हर्मुजमा राजश्व प्रणाली लागू गर्ने अभ्यास सहने छैन, यसको कार्यान्वयनमा संलग्न पक्षहरूविरुद्ध थप आर्थिक प्रतिबन्ध लगाउनेछ ।” रासस

हनोई। भियतनाममा यो वर्षको पहिलो पाँच महिनामा ५० हजारभन्दा बढी डेङ्गु ज्वरोका बिरामी फेला परेका छन् । गत वर्षको सोही अवधिको तुलनामा यो २.५ गुणा बढी हो ।

विज्ञहरूका अनुसार मौसमको असामान्य ढाँचा, वर्षको सुरुदेखि नै तापक्रममा पटक पटक वृद्धि हुनु र वर्षाले एडिस लामखुट्टेको प्रजननका लागि उपयुक्त वातावरण सिर्जना गरेपछि लामखुट्टेको टोकाइबाट सर्ने डेङ्गुको सङ्क्रमणमा अत्यधिक वृद्धि भएको हो ।

भियतनाम बालचिकित्सा सङ्गठन उपाध्यक्ष तथा बाल अस्पतालका पूर्व निर्देशक समेत रहेका एसोसिएट प्रोफेसर डा. गुयेन थान हुङका अनुसार अब सबै उमेरका मानिसमा डेङ्गु ज्वरो फैलिन सक्ने देखिएको छ ।

“एक दशकअघि दक्षिणी भियतनाममा ६० देखि ७० प्रतिशत सङ्क्रमण १५ वर्षमुनिका बालबालिकामा हुने गथ्र्यो तर अहिले यो दर बालबालिका र १५ वर्षभन्दा माथिको उमेर समूहमा लगभग बराबर छ,” उहाँले भन्नुभयो ।(रासस/एएफपी)

ढाका। मध्यपूर्व युद्धका कारण विश्वले सामना गरेको आर्थिक समस्याका बाबजुद पनि बङ्गलादेशका अर्थमन्त्रीले बिहीबार देशको अहिलेसम्मकै ठूलो बजेट सार्वजनिक गर्नुभएको छ ।

ढाकामा नयाँ सरकार आएको केही दिनपछि फेब्रुअरीको अन्त्यदेखि सुरु भएको मध्यपूर्व द्वन्द्वले एक करोड ७० लाख जनसङ्ख्या भएको विश्वको दोस्रो ठूलो कपडा निर्यातकर्ता दक्षिण एसियाली राष्ट्रमा आर्थिक असर पारेको छ ।

अर्थमन्त्री अमिर खस्रु महमुद चौधरीले भन्नुभयो, “यसले अर्थव्यवस्थामा अप्रत्याशित खतरा निम्त्याएको छ ।”

“इन्धनको मूल्य बढेकाले विद्युत् उत्पादन, कृषि, यातायात र उद्योगमा उत्पादन लागत बढेको छ”, उहाँले भन्नुभयो, “यसले गर्दा मुद्रास्फीति र सरकारी अनुदानमा थप चाप परेको छ ।”

बङ्गलादेशले आफ्नो इन्धन आवश्यकताको लगभग ९५ प्रतिशत आयात गर्दछ, जसमा अधिकांश मध्य पूर्वबाट आउँछ ।

बिहीबार पेश गरिएको बजेट सन् २०२४ को विद्रोहले लामो समयदेखि शासक रहेकी शेख हसिनालाई अपदस्थ गरेपछि निर्वाचित सरकारले बनाएको पहिलो बजेट हो ।

कूल ७८ अर्ब डलरको यो बजेट अन्तरिम प्रशासनको अघिल्लो ६५ अर्ब डलरको बजेटभन्दा निकै ठूलो हो ।

गत मे महिनामा १६ महिनाको उच्च ९.४२ प्रतिशतमा पुगेको मुद्रास्फीतिलाई नियन्त्रण गर्न अधिकारीहरू सङ्घर्ष गरिरहेका बेला सरकारले यसलाई ७.५ प्रतिशतमा झार्ने लक्ष्य राखेको छ ।

विश्व बैङ्कको तथ्याङ्कअनुसार सन् २०२४/०२५ मा ३.४ प्रतिशत आर्थिक वृद्धिदर हुने भएकाले सरकारले ६.५ प्रतिशतको आर्थिक वृद्धिदर हुने अनुमान गरेको छ ।

खासगरी तयारी कपडा क्षेत्र र बेरोजगारीसँगै निर्यात वृद्धिमा आएको सुस्तताका कारण अर्थतन्त्र पनि कमजोर भएको छ ।
इरान युद्धका कारण इन्धनको मूल्य बढेपछि उत्पन्न ऊर्जा सुरक्षा चिन्तालाई सम्बोधन गर्न ढाकाले बहुपक्षीय दाताहरूबाट मार्चमा करिब दुई अर्ब डलर ऋण मागेको थियो।

मे महिनामा अन्तर्राष्ट्रिय मुद्रा कोषले ढाकाको अनुरोधमा नयाँ सहायता कार्यक्रमका लागि छलफल भइरहेको बताएको थियो।

सन् २०२३ मा सुरु भएको र चार वर्षसम्म चल्ने ५.७ अर्ब डलरको आइएमएफ कार्यक्रम बङ्गलादेशमा यस पहिलेदेखि नै कायम रहेको छ ।

चौधरीले हसिनाको अपदस्थ ‘फासीवादी सरकार’ अन्तर्गत अनियमितता, कमजोर व्यवस्थापन र भ्रष्टाचारका कारण अर्थतन्त्रले धेरै चुनौतीहरूको सामना गर्नुपरेको बताउनुभयो ।  (रासस/एएफपी)

लण्डन। बेलायतका प्रधानमन्त्री केइर स्टार्मर र अर्थ मन्त्रालयले रक्षा मन्त्रालयको लगानीका लागि पर्याप्त स्रोत उपलब्ध गराउन नसकेको भन्दै रक्षा मन्त्री जोन हेलीले राजीनामा दिनुभएको छ ।

उहाँले स्टार्मरलाई राजीनामा पत्रमा लेख्नुभएको छ, “अर्थ मन्त्रालय बजेट व्यवस्थापन गर्न अनिच्छुक देखिएको छ र बढ्दो खतराको यस समयमा राष्ट्रलाई रक्षा गर्न आवश्यक स्रोतहरू जुटाउने प्रतिबद्ध गर्न तपाईं असक्षम हुनुभएको छ ।”

सरकारले लामो समयदेखि प्रतिक्षा गरिएको अर्को दशकका लागि कोष निर्धारण गर्ने रक्षा लगानी योजनालाई अघि बढाउन ढिलाइ गरेको छ । विभिन्न माध्यमबाट आएका सूचना अनुसार रक्षा कोष यसको लागि माग गरिएको भन्दा धेरै कम हुने बताइएको छ ।(रासस/एएफपी)

काठमाडाैँ । संयुक्त राष्ट्रसङ्घका महासचिव एन्टोनियो गुटेरेसले बारम्बारको आक्रमणले युद्धविरामलाई खतरामा पारेको भन्दै मध्य पूर्व क्षेत्रमा स्थायी शान्ति कायम गर्नका लागि कूटनीति उपाय अपनाउन सम्बन्धित पक्षलाई आह्वान गर्नु भएको छ ।

सामाजिक सञ्जाल एक्समा महासचिव गुटेरेसले मध्यपूर्व लामो युद्धका कारण गहिरो सङ्कटमा तानिएको उल्लखे गर्दै यसको प्रभाव उक्त क्षेत्र भन्दा बाहिरसम्म पनि पुगेकोसमेत जनाउनु भएको छ । पछिल्लो समयमा बढेको आक्रमणले र अवस्था थप बिग्रन लागेको उहाँले बताउनु भएको छ , जहाँ युद्धविरामको समयमा पनि गोलावारी जारी छ ।

उहाँले कुनै पनि पक्ष आक्रमक नबनी थप जोखिमलाई कम गर्नु पर्ने बताउनु भएको छ । सबै पक्षले कूटनीतिक समाधानका लागि भुमिका खेल्नु पर्ने बताउदै उहाँले अब कुनै पनि बहानामा आक्रमण गर्न नहुने बताउनुभएको छ । मध्यपूर्व र खाडी क्षेत्रमा द्रुत गतिमा विकसित भइरहेको द्धन्दरथ अवस्थाको बीचमा, कुवेत, जोर्डन र बहराइनका हवाई रक्षा प्रणालीले हवाई लक्ष्यहरू रोक्ने चेतावनी जारी गरेका छन् ।

अमेरिकी आक्रमणको प्रतिक्रियामा इरानी अधिकारीहरूले स्ट्रेट अफ होर्मुज बन्द गर्ने घोषणा गरे पछि द्धन्दका प्रमुख घटनाक्रमहरू अगाडी बढेको जनाइएको छ । इरानको आइआरजिसीलाई उद्धृत गर्दै अल जजिराले अमेरिकी आक्रमणको प्रतिक्रियाका लागि कुवेतको अली अल–सलेम र अहमद अल–जाबेर र बहराइनको शेख इसा एयर बेससहित १८ वटा अमेरिकी सैन्य क्षेत्रहरुलाई लक्षित गरिएको बताएको छ ।

तनाव बढ्दै जाँदा, आईआरजिसीका कमान्डर जनरल सैयद माजिद मौसवीले अमेरिकालाई चेतावनी दिदै यदि अमेरिकाले स्ट्रेट अफ होर्मुजको सुरक्षामा धम्की जारी राख्यो भने यस क्षेत्रलाई रणभुमिमा परिणत गर्ने बताएको प्रेस टिभीले रिपोर्ट गरेको छ ।

इस्लामाबाद। कश्मीरको मुजफ्फराबाद सहर नजिकै प्राविधिक समस्याका कारण पाकिस्तानी सेनाको हेलिकप्टर दुर्घटना भएको सेनाले बुधबार जनाएको छ ।

पाकिस्तान आर्मी एभिएसनको एमआई–१७ हेलिकप्टर मुजफ्फराबाद नजिकै टेक–अफ गर्दा प्राविधिक समस्या कारण दुर्घटनाग्रस्त भएको सेनाको मिडिया शाखाले विज्ञप्ति मार्फत जनाएको छ ।

सेनाले मृतकको सङ्ख्या उल्लेख नगरी जहाजमा सवार रहेका सबै जनाको मृत्यु भएको, जनाएको छ ।   रासस

काठमाडाैँ । आगामी विश्वकप फुटबल प्रतियोगिताको तयारी भइरहेका बेला संयुक्त राज्य अमेरिकाले केही विदेशी अधिकारीलाई भिसा नदिएको विषय विवादको केन्द्रमा पुगेको छ ।

ह्वाइट हाउसको विश्वकप टास्क फोर्सले भने सुरक्षा कारण देखाउँदै सोमाली रेफ्री र इरानी टोलीका केही सहयोगी कर्मचारीलाई प्रवेश अनुमति नदिने निर्णय उचित भएको स्पष्ट पारेको छ । विश्वकपसम्बन्धी ह्वाइट हाउस टास्क फोर्सका कार्यकारी निर्देशक एन्ड्र्यु गियुलियानीले मङ्गलबार वासिङ्टनमा आयोजित एटलान्टिक काउन्सिलको कार्यक्रममा अहिलेसम्म ३५ वटा राष्ट्रिय टोली सफलतापूर्वक अमेरिका प्रवेश गरिसकेको जानकारी दिनुभयो ।

उहाँले कुनै पनि खेलाडी वा प्रशिक्षकलाई प्रवेशबाट रोकिएको नभएको उल्लेख गर्दै केही अधिकारीलाई मात्र विशेष सुरक्षा कारणका आधारमा भिसा अस्वीकार गरिएको बताउनुभयो । गियुलियानीका अनुसार विश्वकपजस्तो अन्तर्राष्ट्रिय प्रतियोगिताको अवसरलाई दुरुपयोग गरेर अमेरिका प्रवेश गर्ने सम्भावित जोखिम रोक्न प्रशासनले कडा सतर्कता अपनाएको छ ।

उहाँले सुरक्षा र खेलकुदबीच आवश्यक सन्तुलन कायम गरिएको बताउनुभयो । अमेरिकी विदेश मन्त्रालयका एक अधिकारीले एएफपीसँगको कुराकानीमा सोमाली रेफ्री ओमार आर्टानलाई भिसा नदिइएको पुष्टि गर्दै उहाँमाथि आतङ्कवादी सङ्गठनसँग सम्बन्धित व्यक्तिहरूसँग सम्पर्क रहेको आशङ्का रहेको दाबी गर्नुभयो । यही कारणले उहाँ अमेरिकी अध्यागमन नियमअनुसार प्रवेशका लागि अयोग्य ठहरिनुभएको अधिकारीको भनाइ थियो ।

सन् २०२५ मा अफ्रिकी फुटबल महासङ्घले वर्षको उत्कृष्ट पुरुष रेफ्री घोषणा गरेका आर्टान विश्वकपमा रेफ्री गर्ने पहिलो सोमाली बन्ने अपेक्षा गरिएको थियो । तर उहाँलाई अमेरिका पुगेपछि मियामी विमानस्थलबाटै फर्काइएको थियो । सोमालिया हाल राष्ट्रपति डोनाल्ड ट्रम्प प्रशासनले लागू गरेको यात्रा प्रतिबन्ध सूचीमा समावेश देशमध्ये एक हो । ट्रम्प प्रशासनले यो नीतिलाई व्यापक आप्रवासन नियन्त्रण अभियानको हिस्सा बताउँदै आएको छ । यसैबीच, संयुक्त राज्य अमेरिकासँग जारी तनाव र सैन्य द्वन्द्वका कारण इरानले आफ्नो विश्वकप तयारीको आधार शिविर अमेरिका नभई मेक्सिकोमा सार्नुपरेको छ ।

इरानी फुटबल महासङ्घले समर्थकहरूका लागि छुट्याइएको टिकट कोटा रद्द गरिएको तथा टोलीका केही सहयोगी कर्मचारीले भिसा नपाएको जनाएको छ । गियुलियानीले भने सबै इरानी प्रशिक्षक र कोचिङ स्टाफलाई प्रवेश अनुमति दिइएको बताउनुभयो । यद्यपि केही इरानी अधिकारीलाई सुरक्षा मूल्याङ्कनका आधारमा अनुमति नदिइएको उहाँले बताउनुभयो । उहाँले ती व्यक्तिबारे विस्तृत जानकारी दिन अस्वीकार गर्दै आफूलाई प्रशिक्षक बताउने केही व्यक्तिको वास्तविक भूमिका फरक हुन सक्ने आशङ्का रहेको सङ्केत गर्नुभयो ।

उहाँका अनुसार राष्ट्रपति ट्रम्पले प्रतियोगितामा सहभागी सबै टोलीका लागि समान अवसर सुनिश्चित गर्न चाहनुहुन्छ । साथै, इरानको इस्लामिक रिभोलुसनरी गार्ड कप्र्स (आइआरजिसी) सँग प्रत्यक्ष सम्बन्ध रहेका व्यक्तिले विश्वकपको अवसर प्रयोग गरेर अमेरिका प्रवेश गर्न नसकून् भन्ने विषयमा पनि प्रशासन सचेत रहेको उहाँको भनाइ थियो ।

विश्वकप सुरक्षाबारे बोल्दै गियुलियानीले हालसम्म प्रतियोगितालाई लक्षित कुनै विश्वसनीय सुरक्षा खतरा नदेखिएको बताउनुभयो । तथापि अमेरिकी गुप्तचर तथा सुरक्षा निकायको सक्रियता उल्लेखनीय रूपमा बढाइएको र प्रतियोगिताको अन्तिम खेल जुलाई १९ सम्म सुरक्षा अवस्थामाथि निरन्तर निगरानी जारी रहने उहाँले जानकारी दिनुभयो ।

काठमाडाैँ । संयुक्त राष्ट्र सङ्घले मध्य अफ्रिकामा बढ्दो सुरक्षा तथा मानवीय सङ्कटको चेतावनी दिँदै सुडान र चाडमा सशस्त्र समूहहरूले गरेको आक्रमणले यस क्षेत्रको स्थिरताका लागि बढ्दो खतरा उत्पन्न गरिरहेको जनाएको छ ।

संयुक्त राष्ट्रघिय सुरक्षा परिषद्को ब्रीफिंगमा बोल्दै, राजनीतिक र शान्ति निर्माण मामिला तथा शान्ति अपरेसन विभागहरूका लागि सहायक महासचिव मार्था अमा अक्या पोबीले यस क्षेत्रको बढ्दो चुनौति र सङ्कटलाई औंल्याउँनु भएको हो ।

उहाँले बढ्दो सुरक्षा र मानवीय सङ्कट, बढ्दो सामाजिक र आर्थिक दबाब, र नागरिक र राजनीतिक अधिकारहरूमा बढ्दो प्रतिबन्धका कारण चिन्ताजनक पृष्ठभूमि विरुद्ध केहि राजनैतिक तथा अन्य उपलब्धिहरू भएको कुरामा जोड दिनु भएको छ । उहाँले पूर्वी चाड र लेक चाड क्षेत्रलाई अस्थिरताको दुई प्रमुख स्थतलहरुका रूपमा पहिचान गर्दै यस क्षेत्रका धेरै देशहरूमा सुरक्षा प्रमुख चिन्ताको विषय बनेको कुरामा जोड दिनु भएको छ ।

उहाँले सुडानको युद्धले चाडमा गहिरो प्रभाव पारेको उल्लेख गर्दै अप्रिल २०२३ देखि युद्धको कारण नौ लाख भन्दा बढी सुडानीहरु शरणाथी भएको बताउनु भएको छ। उहाँले सीमापार आक्रमण र चाडका सैन्य स्थानहरूमा भएको ड्रोन आक्रमणले द्वन्द्वलाई थप चर्को बनाउन सक्ने चेतावनी पनि दिनु भएको छ । उहाँले अन्तर्राष्ट्रिय समुदायलाई सुडानमा युद्ध अन्त्य गर्ने प्रयासलाई तीव्र बनाउन र यसको परिणामलाई सम्बोधन गर्न आह्वानसमेत गर्नु भएको छ ।

काठमाडाैँ । अफगानिस्तानको तालिबान सरकारले पाकिस्तानले अफगान हवाई क्षेत्र उल्लङ्घन गरी गरेको पछिल्लो हवाई आक्रमणमा कम्तीमा १३ सर्वसाधारणको मृत्यु भएको र १४ जना घाइते भएको जनाएको छ ।

तालिबानका अनुसार आक्रमणले दुई देशबीचको तनावलाई थप चर्काएको छ र सीमावर्ती क्षेत्रमा असुरक्षाको अवस्था गम्भीर बनेको छ । तालिबानका प्रवक्ता जबिहुल्लाह मुजाहिदले मङ्गलबार राति र बुधबार बिहानको बीचमा पाकिस्तानले कुनार, खोस्त र पक्तिका प्रान्तका बस्तीहरूलाई लक्षित गरी बमबारी गरेको बताउनुभयो ।

उहाँका अनुसार उक्त आक्रमणमा ११ बालबालिका, एक महिला र एक वृद्ध पुरुषको मृत्यु भएको छ । मुजाहिदले आक्रमणका क्रममा १४ जना महिला घाइते भएको जानकारी दिँदै घटनापछिका तस्बिरसमेत सार्वजनिक गर्नुभयो । तालिबानले यसलाई अफगानिस्तानको सार्वभौमसत्तामाथिको प्रत्यक्ष उल्लङ्घन र नागरिकमाथिको आक्रमणका रूपमा व्याख्या गरेको छ ।

अफगान अधिकारीहरूका अनुसार पछिल्लो एक वर्षयता अफगान भूमिमा भएका पाकिस्तानी सैन्य कारबाहीका कारण सयौँ व्यक्तिको ज्यान गइसकेको छ । सीमापार तनाव बढ्दै जाँदा दुवै देशबीचको सम्बन्ध लगातार बिग्रँदै गएको बताइएको छ । मार्च महिनामा भएको एक ठूलो आक्रमणमा पाकिस्तानी सेनाले काबुलस्थित पुनर्वास केन्द्रलाई निशाना बनाएको दाबी गरिएको छ ।

तालिबानका अनुसार उक्त घटनामा कम्तीमा २६९ जनाको मृत्यु भएको थियो । त्यसयता सीमावर्ती क्षेत्रमा बारम्बार सैन्य कारबाही भइरहेका छन् । अक्टोबर २०२५ मा इस्लामाबादले राजधानी काबुलसहित अफगानिस्तानका विभिन्न क्षेत्रमा व्यापक हवाई आक्रमण गरेपछि दुई देशबीचको लामो समयदेखिको तनाव खुला सीमापार द्वन्द्वतर्फ उन्मुख भएको विश्लेषण गरिएको छ । निरन्तर आक्रमण र झडपका कारण दशौँ हजार अफगान नागरिक विस्थापित भएका छन् भने धेरै परिवार घरबार छोड्न बाध्य भएका छन् ।

तालिबानले पाकिस्तानले आफ्ना आन्तरिक सुरक्षा चुनौतीहरूलाई आधार बनाएर अफगान क्षेत्रमा बारम्बार सैन्य हस्तक्षेप गरिरहेको आरोप लगाएको छ । पाकिस्तानले भने तहरीक–ए–तालिबान पाकिस्तान (टिटिपी) र बलुचिस्तान लिबरेसन आर्मी (बिएलए) जस्ता समूहलाई अफगान भूमिबाट सहयोग मिलिरहेको दाबी गर्दै आएको छ । इस्लामाबादले तालिबानमाथि ती समूहहरूलाई आश्रय दिएको आरोप दोहोर्‍याउँदै आएको भए पनि तालिबानले त्यस्ता आरोप अस्वीकार गर्दै आएको छ ।

तालिबानको भनाइमा पाकिस्तानले आफ्ना सुरक्षा कमजोरीको जिम्मेवारीबाट बच्न अप्रमाणित आरोप लगाउने गरेको छ । विश्लेषकहरूका अनुसार सन् २०२१ मा तालिबान पुनः सत्तामा फर्किएपछि सुरुमा अपेक्षा गरिएको निकट सम्बन्ध टिक्न सकेन । दशकौँसम्म तालिबानको प्रमुख समर्थकमध्ये एक मानिएको पाकिस्तान र अफगानिस्तानबीच अहिले अविश्वास बढ्दै गएको छ । पछिल्ला घटनाक्रमहरूले दुई छिमेकी देशबीचको सम्बन्ध थप जटिल र तनावपूर्ण बन्दै गएको सङ्केत गरेका छन् ।

काठमाडाैँ । फिलिपिन्सको मिन्डानाओको दक्षिणी तटमा सोमबार आएको ७.८ म्याग्निच्युडको भूकम्पका कारण कम्तीमा ४५ जनाको मृत्यु भएको राष्ट्रिय विपद् जोखिम न्यूनीकरण तथा व्यवस्थापन परिषद् (एनडीआरआरएमसी) ले बुधबार जनाएको छ ।

एनडीआरआरएमसीका अनुसार अझै १७ जना बेपत्ता रहेका छन् भने ४८७ घाइते भएका छन् । एनडिआरआरएमसीले भूकम्पका कारण ३३ हजार भन्दा बढी घरपरिवारका लगभग एक लाख ५० हजार मानिसहरूलाई असर गरेको बताएको छ । भूकम्पले अस्पताल, विद्यालय र पुलहरू लगायतका २३८ वटा पूर्वाधार सुविधाहरू क्षतिग्रस्त भएको एनडीआरआरएमसीले जनाएको छ ।

मिन्डानाओको अधिकांश भाग र मध्य फिलिपिन्सका केही भागहरूमा कम्पन महसुस गरिएको र मुख्य झट्का पछि १७०० भन्दा बढी पराकम्पहरु रेकर्ड गरिएको जनाएएको छ भने प्रभावित क्षेत्रहरूमा खोजी तथा उद्धार कार्य अझै जारी रहेको जनाइएको छ ।

भूकम्पले हताहत, विस्थापन, र पूर्वाधारको क्षतिको सन्दर्भमा सबै भन्दा बढी प्रभावित क्षेत्रहरू सारङ्गनी र दक्षिण कोटाबातो प्रान्तहरू हुन्, जसमा लगभग सात लाख जनसङ्ख्या रहेको, एनडीआरआरएमसीले जनाएको छ ।

फिलिपिन्स इन्स्टिच्युट अफ भोल्कानोलोजी एन्ड सिसमोलोजीका अनुसार स्थानीय समय अनुसार विहान ७ः३७ मा ३३ किलोमिटर गहिराइमा भूकम्प गएको थियो जसको केन्द्र–बिन्दु मिन्दानाओ टापुको सारङ्गनी प्रान्तको मासिम सहरको तटबाट ३२ किलोमिटर दक्षिणपश्चिममा रहेको थियो ।

काठमाडौँ। टर्कियेका सुरक्षा निकायले देशभर सञ्चालन गरिएको अवैध अनलाइन जुवाविरुद्धको विशेष कारबाहीका क्रममा ४७ जना संदिग्ध व्यक्तिहरूलाई पक्राउ गरेका छन् ।

टर्कियेको आन्तरिक मामिला मन्त्रालयले मंगलवार सार्वजनिक गरेको विवरणअनुसार देशका २३ वटा प्रान्तहरूमा यो छापा मारिएको थियो ।

दक्षिण प्रान्त अदानालाई केन्द्र बनाएर गरिएको यस कारबाहीमा करिव ५ अर्ब टर्किस लिरा (झन्डै १० करोड ८० लाख अमेरिकी डलर) बराबरको वित्तीय कारोबार भएको पत्ता लागेको मन्त्रालयले सामाजिक सञ्जाल एक्समार्फत जानकारी दिएको छ ।

पक्राउ परेका व्यक्तिहरूमा अवैध जुवाका वेबसाइटहरूको नियन्त्रण गर्ने र आपराधिक गतिविधिबाट आर्जित रकम स्थानान्तरणमा मध्यस्थता गर्नेहरू संलग्न रहेको जनाइएको छ ।

प्रहरी कारबाहीका क्रममा संदिग्धहरूसँग सम्बन्धित एउटा नक्कली कम्पनी, २३ वटा आवास, २९ वटा सवारी साधन, १३ वटा जग्गाका कित्ता, ४ हजार ७ सय ४२ वटा बैंक खाता र ६ वटा क्रिप्टोकरेन्सी खातामाथि नियन्त्रण तथा प्रतिबन्धात्मक कदम चालिएको छ ।

टर्कियेमा जुवा खेल्ने कार्यमा कडा कानूनी प्रतिवन्ध रहेको छ । सन् १९९८ मा क्यासिनोहरूमाथि प्रतिबन्ध लगाइएको थियो भने सन् २००६ देखि सबै प्रकारका गैर–सरकारी अनलाइन जुवालाई अवैध घोषणा गरिएको छ । हाल त्यहाँ इदा र मिल्ली पियाङ्गो जस्ता सरकारी स्वामित्वका बेटिङ प्लेटफर्महरू मात्र कानुनी रूपमा सञ्चालित छन् ।

सन् २०२५ मा गरिएको एक राष्ट्रिय सर्वेक्षणअनुसार टर्कियेमा १०.१ प्रतिशत वयस्कहरूले जीवनमा कम्तीमा एक पटक जुवा खेलेको स्वीकार गरेका छन् ।

सोही प्रतिवेदनले १५ देखि २४ वर्षका युवाहरूमा अवैध अनलाइन बेटिङको प्रयोग तिब्र रूपमा बढिरहेको प्रति चिन्ता व्यक्त गरेको छ ।

यसैबीच, टर्कियेको व्यापार मन्त्रालयले अन्ताल्या विमानस्थलमा गरिएको अर्को एक खानतलासीका क्रममा ठूलो परिमाणमा अघोषित नगद बरामद गरेको छ ।

पेरिसबाट टर्कियेको पर्यटकीय सहर अन्ताल्या आएका एक यात्रुको हाते झोला जाँच गर्ने क्रममा बच्चाले लगाउने ६ वटा डायपरभित्र लुकाइएको अवस्थामा ३ लाख ८१ हजार ७५० युरो फेला परेको हो ।

उक्त घटनाका सम्बन्धमा सरकारी अभियोजकहरूले विस्तृत अनुसन्धान सुरु गरेका छन् । टर्कियेको नियमअनुसार नगद ल्याउन कुनै कानूनी सीमा तोकिएको नभए पनि १० हजार युरोभन्दा बढी रकम साथमा भएमा भन्सार आगमनका क्रममा घोषणा गर्नुपर्ने अनिवार्य प्रावधान रहेको छ । सिन्ह्वा/ न्युज एजेन्सी नेपाल

काठमाडौँ। अमेरिकी राष्ट्रपति डोनाल्ड ट्रम्पले इरानले स्ट्रेट अफ हर्मुज नजिकै अमेरिकी सेनाको एक हेलिकप्टर खसालेको आरोप लगाउँदै त्यसको कडा प्रतिवाद गर्ने चेतावनी दिनुभएको छ ।

आफ्नो सामाजिक सञ्जाल ट्रुथ सोसलमा एक पोस्ट गर्दै ट्रम्पले मङ्गलवार यस्तो दाबी गर्नुभएको हो । उहाँले लेख्नुभएको छ, ‘स्ट्रेट अफ हर्मुजमा गस्ती गरिरहेको हाम्रो अत्याधुनिक अपाचे हेलिकप्टरलाई गएराति इरानीहरूले खसालेको जानकारी मलाई प्राप्त भएको छ ।’

ट्रम्पकाअनुसार हेलिकप्टरमा सवार दुई पाइलटको उद्धार गरिएको छ र उनीहरू पूर्ण रूपमा सुरक्षित छन् । ‘यसो भएपनि, संयुक्त राज्य अमेरिकाले यस आक्रमणको आवश्यक जवाफ दिनैपर्छ’ उहाँले भन्नुभएको छ ।

यद्यपि, अमेरिकी सैन्य बलको सेन्ट्रल कमाण्ड (सेन्टकम) ले भने यस घटनाबारे ट्रम्पको दाबीभन्दा केही फरक विवरण सार्वजनिक गरेको छ ।

सेन्टकमले सामाजिक सञ्जाल एक्समार्फत ओमानको तटीय क्षेत्रमा दुर्घटनामा परेको उक्त विमानका दुई चालक दलका सदस्यहरूलाई दुई घण्टाभित्रै उद्धार गरिएको जनाएको छ । सेन्टकमले भनेको छ, ‘विमान खस्नुको कारणबारे अहिले अनुसन्धान भइरहेको छ ।’

इजरायल र इरानबीच जारी प्रतिशोधपूर्ण आक्रमण र पछिल्लो पटक इजरायलले दक्षिण लेबनानमा गरेको हवाई हमलाका कारण मध्यपूर्वमा तनाव उत्कर्षमा रहेका बेला यो घटना सार्वजनिक भएको हो । सेन्टकमले इरानी संलग्नताबारे अहिलेसम्म औपचारिक पुष्टि गरिसकेको छैन। सिन्ह्वा/ न्युज एजेन्सी नेपाल

]]> https://newspolar.com/archives/442389/feed 0 https://newspolar.com/archives/442348 https://newspolar.com/archives/442348#respond Tue, 09 Jun 2026 16:11:28 +0000 https://newspolar.com/?p=442348 कोलम्बो। श्रीलङ्काका स्वास्थ्य अधिकारीहरूले देशभर डेङ्गु रोग नियन्त्रण गर्न व्यापक अभियान सञ्चालन गर्दै १४ जिल्लामा फैलिएको तीन दिने राष्ट्रिय कार्यक्रमको पहिलो दिनमै ७० हजार भन्दा बढी घर, विद्यालय, सरकारी कार्यालय तथा अन्य सार्वजनिक र निजी स्थानहरूको निरीक्षण गरेका छन् । यस निरीक्षण अभियानमा मेडिकल अफिसर अफ हेल्थ कार्यालयका कर्मचारी, सार्वजनिक स्वास्थ्य निरीक्षक, डेंगु नियन्त्रण सहायक […]]]>

कोलम्बो। श्रीलङ्काका स्वास्थ्य अधिकारीहरूले देशभर डेङ्गु रोग नियन्त्रण गर्न व्यापक अभियान सञ्चालन गर्दै १४ जिल्लामा फैलिएको तीन दिने राष्ट्रिय कार्यक्रमको पहिलो दिनमै ७० हजार भन्दा बढी घर, विद्यालय, सरकारी कार्यालय तथा अन्य सार्वजनिक र निजी स्थानहरूको निरीक्षण गरेका छन् ।

यस निरीक्षण अभियानमा मेडिकल अफिसर अफ हेल्थ कार्यालयका कर्मचारी, सार्वजनिक स्वास्थ्य निरीक्षक, डेंगु नियन्त्रण सहायक तथा अन्य स्वास्थ्यकर्मीहरू सहभागी थिए भने उनीहरूले सेना, प्रहरी, सरकारी निकाय, गैरसरकारी संस्था, सामुदायिक समूह र गाउँ समितिहरूसँग सहकार्य गरेका थिए ।

निरीक्षणका क्रममा टोलीहरूले घर, विद्यालय र सरकारी भवनहरूमा पानी जम्ने ठाउँ, फोहोर व्यवस्थापनको कमी र अन्य सम्भावित लामखुट्टे प्रजनन स्थलहरू पहिचान गरेका थिए, जहाँ डेंगु सार्ने लामखुट्टेका लार्भा समेत भेटिएको जनाइएको छ ।

स्वास्थ्य मन्त्रालयले यस्ता जोखिमपूर्ण स्थानहरूमा आवश्यक सुधार नगर्ने तथा प्रजनन स्थल नष्ट नगर्ने संस्थाहरू र व्यक्तिहरू विरुद्ध कानुनी कारबाही गरिने चेतावनी दिएको छ ।

श्रीलंकामा डेंगु रोगको अवस्था गम्भीर बन्दै गएको छ, किनकि यस वर्ष हालसम्म ३६ हजार १६८ भन्दा बढी डेंगु सङ्क्रमणका घटना दर्ता भएका छन् भने २० जनाको मृत्यु भइसकेको छ, जसले गर्दा सरकारले संक्रमण नियन्त्रण र रोकथामका लागि देशव्यापी रूपमा कडा र समन्वयात्मक अभियान सञ्चालन गरिरहेको छ ।  (रासस/सिन्ह्वा)

काबुल। पूर्वी अफगानिस्तानमा एक व्यक्तिले पुरानो विस्फोटक सामग्री चलाउने क्रममा भएको विस्फोटमा सात जनाको मृत्यु भएको छ ।

प्रहरीका अनुसार बर्माल जिल्ला मा सोमबार साँझ भएको घटनामा पाँच बालबालिका, उक्त व्यक्ति र अर्का एक वयस्कको ज्यान गएको हो ।

स्थानीय बासिन्दाका अनुसार ती व्यक्तिले विस्फोटक सामग्रीबाट केही निकालेर बेच्ने प्रयास गरिरहेका थिए। त्यही क्रममा अचानक विस्फोट भएको थियो। विस्फोट हुँदा उनका बालबालिकासमेत नजिकै रहेका थिए ।

विस्फोटपछि घटनास्थलमा पुगेका स्थानीयले पीडितहरूको अवस्था अत्यन्त गम्भीर रहेको बताएका छन् । घटनामा केही अन्य व्यक्ति पनि घाइते भएका छन् ।

दशकौँदेखि युद्ध र द्वन्द्वका कारण अफगानिस्तानका विभिन्न क्षेत्रमा यस्ता खतरनाक विस्फोटक सामग्रीहरू अझै बाँकी रहेका छन् ।(रासस/एएफपी)