• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

सिटीको सानदार जित, डि ब्रुएना एक्लैले गरे चार गोल



एजेन्सी । इंग्लिस प्रिमियर लिग फुटबल अन्तर्गत म्यान्चेस्टर सिटीले सानदार जित निकालेको छ । बुधबार राति भएको खेलमा सिटीले वल्भ्सलाई उसकै मैदानमा ५-१ गोलले पराजित गरेको हो ।

सिटीलाई जित दिलाउन केभिन डि ब्रुएनाले ह्याट्रिकसहित चार गोल गर्दा रहिम स्टर्लिंगले एक गोल गरे । वल्भ्सका लिन्डर डेन्डोनकरले एक गोल फर्काए ।

खेलको सातौं मिनेटमा बर्नाडो सिल्भाले उपलब्ध गराएको पासलाई डि ब्रुएनाले गोल गर्दै सिटीलाई सुरुवाती अग्रता दिलाए । त्यसपछि १६ औं मिनेटमा स्टर्लिंगले प्रहार गरेको बल फर्किएर आयो जसलाई डि ब्रुएनाले गोलमा परिणत गरे । यस्तै, २४ औं मिनेटमा डि ब्रुएनाले डि बक्सबाहिरबाट सानदार गोल गर्दै ह्याट्रिक पूरा गरे ।

खेलको ६० औं मिनेटमा फिल फोडेनले क्रस गरेको बललाई डि ब्रुएनाले गोल गर्दै व्यक्तिगत चार गोल गर्न सफल रहे । ८४ औं मिनेटमा ज्याक ग्रिलिसले जोआओ कान्सेलोलाई पास दिएर कान्सेलोले स्टर्लिंगलाई चलाखीपूर्ण बल उपलब्ध गराए । स्टर्लिंगले मौकाको सदुपयोग गर्दै गोल गरे ।

जितसँगै सिटीले लिभरपुलसँग तीन अंकको अग्रता बनाएको छ । ३६ खेलबाट सिटीको ८९ अंक रहेको छ । समान खेल खेलेको वल्भ्स ५० अंकसहित आठौं स्थानमा रहेको छ । सिटी र लिभरपुल दुबैले अब दुई खेलमात्र खेल्न बाँकी रहेको छ ।