• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

आईपीएलः राजस्थानलाई हराउँदै दिल्ली प्लेअफको दौडमा



एजेन्सी । आईपीएल २०२२ को ५८ औं खेलमा दिल्ली क्यापिटल्सले एकतर्फी जित हात पारेको छ ।

दिल्लीको टोलीले राजस्थानलाई ८ विकेटले पराजित गर्दै यो सिजन उसले पहिलो पटक सो टिममाथि जित निकालेको हो । राजस्थानले दिएको १६१ रनको लक्ष्य दिल्लीले १८.१ ओभरमा दुई विकेटको क्षतिमा पुरा गरेको थियो । यो सिजन क्यापिटल्सको छैटौं जित हो र उ अंकतालिकाको पाँचौं स्थानमा छ ।

राजस्थानले दिएको १६१ रनको लक्ष्य पछ्याएको दिल्ली क्यापिटल्सको सुरुवात राम्रो हुन सकेन । उसले दोस्रो बलमा केएस भरतको विकेट गुमायो । तर, यसपछि डेभिड वार्नर र मिचेल मार्सले दोस्रो विकेटका लागि १४४ रनको सानदार साझेदारी गरे । यस अवधिमा मिचेल मार्शले आफ्नो पहिलो आईपीएल अर्धशतक पूरा गरे । युजभेन्द्र चहलले १८ औं ओभरमा मार्सलाई कुलदीप सेनको हातमा क्याच आउट गराए ।

मार्सको आउटले दिल्लीलाई खासै असर भएन र बाँकी डेभिड वार्नर र ऋषभ पन्तले जिम्मेवारी पूरा गरे । पन्त चार बलमा १३ रनमा अविजित रहे । उनले चहलको अन्तिम ओभरमा दुई छक्का प्रहार गरे । अर्कोतर्फ वार्नरले ४१ बलमा ५२ रन बनाउँदै अविजित रहेर खेल जिताउने इनिङ्स खेले ।

यसअघि दिल्ली क्यापिटल्सले टस जितेर राजस्थान रोयल्सलाई पहिले ब्याटिङको निम्तो दिएको थियो । राजस्थानको सुरुवात राम्रो भएन र तेस्रो ओभरमा विस्फोटक ओपनर जोस बटलर ११ बलमा ७ रन बनाएर आउट भए ।

बटलर आउट भएपछि रविचन्द्रन अश्विन तेस्रो नम्बरमा ब्याटिङ गर्न आए । उनले यशस्वी जैसवालसँग दोस्रो विकेटका लागि ४३ रनको महत्वपूर्ण साझेदारी गरे । यशस्वी १९ बलमा १९ रन बनाएर आउट भए ।

त्यसपछि अश्विनले तेस्रो विकेटका लागि देवदत्त पडिक्कलसँग ५३ रनको अर्धशतकीय साझेदारी गरे । यसै क्रममा अश्विनले आईपीएल करियरको पहिलो अर्धशतक बनाए । उनले ३७ बलमा आफ्नो अर्धशतक पूरा गरे । त्यसपछिको बलमा मिचेल मार्सको बलमा वार्नरले क्याच गरेपछि अश्विन पेभिलियन फर्किए ।

अश्विन आउट भएपछि पडिक्कलले द्रुत रन बनाए र टोलीको स्कोरलाई बलियो स्थितिमा पुर्याए । यद्यपि उनले अर्धशतक बनाउन सकेनन् र ३० बलमा ४८ रन बनाएर आउट भए । राजस्थानको टोलीले अन्तिम ५ ओभरमा तीन विकेट गुमाएर ४४ रन जोड्दै कुल १६० रन बनाएको थियो ।