• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला

मैथिल ब्रम्हाण समाजको सर्वोत्कृष्ट पुरस्कार साकार मिश्रलाई



काठमाडौं । नेपाल मैथिल ब्रम्हाण समाजको संयोजनमा हरेक वर्ष प्रदान गरिँदै आएको सर्वोत्कृष्ट प्रवेशिका सम्मान तथा पुरस्कार विसं २०७७ का लागि साकार मिश्रलाई प्रदान गरिएको छ ।

शहीद भरतगोपाल झाको स्मृतिमा उहाँकी धर्मपत्नी शारदा झाले स्थापना गर्नुभएको रु पाँच हजार राशि र सम्मानपत्र सहितको सो पुरस्कार मैथिल ब्रम्हाण समाजको संयोजनमा हरेक वर्ष प्रदान गर्ने गरिन्छ ।

एसइइ परीक्षामा सर्वोत्कृष्ट नम्बर प्राप्त गर्ने यस मैथिल ब्राम्हण बन्धुका छात्रछात्रालाई सो पुरस्कार प्रदान गर्ने गरिन्छ । हाल सेन्ट जेभियर्स् कलेजमा ११ कक्षा अध्ययनरत साकारले विसं २०७७ को एसइइ परीक्षामा विशिष्ट श्रेणीसहित ४ मा ४ जिपिए प्राप्त गरेका थिए ।

मैथिल ब्रम्हाण समाजद्धारा मंगलबार गुहेश्वरीमा आयोजना गरिएको एक कार्यक्रममा सो समाजका अध्यक्ष गौरीदत्त मिश्रले उक्त पुरस्कार प्रदान गर्नुभएको थियो ।

शहिद भरतगोपालका झाको स्मृतिमा स्थापित सो पुरस्कार मैथिल बन्धुका छात्रछात्राहरुबाट हरेक वर्ष एसइइमा प्राप्त लब्धांकपत्रका आधारमा प्रदान गरिने सो पुरस्कार शैक्षिक क्षेत्रको सर्वाङ्गीण विकासका लागि प्रोत्साहनस्वरुप प्रदान गरिँदै आएको छ ।

मंगलबार आयोजना गरिएको सो कार्यक्रममा नेपाल मैथिल ब्राम्हण समाजमा आवद्ध भई मैथिल संस्कृति र भाषाको उत्थानका लागि योगदान गर्नुभएकामा जेष्ठ नागरिक ८० वर्षीय विद्याप्रसाद झा लगायत अन्य जेष्ठ नागरिकहरुलाई पनि सम्मान गरिएको थियो ।