• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   जीर्ण महोत्तरी कारागारको तत्काल जीर्णोद्धार थाल्न सुझाव ★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा

युक्रेनी राष्ट्रपति जेलेन्स्कीले लगाएको ज्याकेटको मुल्य  एक करोडभन्दा बढी 



युक्रेनी राष्ट्रपति जेलेन्स्कीको ज्याकेट

युक्रेनी राष्ट्रपति भ्लोदोमिर जेलेन्स्कीले लगाएको फ्लिसको ज्याकेट  एक सय एघार हजार अमेरिकी डलर (एक करोड ३७ लाख २० हजार रूपैयाँ) मा बिक्री भएको छ।

लन्डनमा आयोजित एक कार्यक्रममा युक्रेनको सहयोगको लागि उक्त ज्याकेट बिक्री भएको हो। राष्ट्रपति जेलेन्स्कीले लगाएको सो ज्याकेटमा उनले हस्ताक्षर समेत गरेका सिएनएन ले उल्लेख गरेको छ ।

बेलायतको लागि युक्रेनी दूतावासले यसै सन्दर्भमा ट्विट गरेको एक भिडिओमा राष्ट्रपतिले उक्त ज्याकेट लगाएर युद्धमा हिँडेको फोटा र भिडिओ क्लिपहरू देख्न सकिन्छ साथै भिडिओको क्याप्सनमा, ‘थुप्रै फ्लिसको ज्याकेटमध्ये जेलेन्स्कीको एक मात्र यो ज्याकेट, ९० हजार पाउन्डमा बिकेको छ’ भनेर लेखिएको छ ।

दूतावासको अनुसार यो कोष संकलनको कार्यक्रम कोष जुटाउनु मात्र नभएर यस्को मुख्य उद्देश्य युद्धको समयमा युक्रेनीहरूले देखाएको बहादुरीका कथाहरू सुनाउनु र यो बहादुरीलाई समर्थन गर्न कोष जुटाउनु रहेको बताएको छ।

लन्डनमा युक्रेनी दूतावासले आयोजना गरेको टेट आधुनिक आर्ट ग्यालरीमा ‘ब्रेभ युक्रेन’ कोषमा ओलेना जेलेन्स्की (युक्रेनी प्रथम महिला)ले बच्चाहरूको लागि खेलौना, जेलेन्स्कीको ज्याकेट र स्वर्गीय फोटोग्राफर म्याक्स लेभिनले खिचेका तस्बिरहरू कोषको लागि दिएकी हुन्।

बेलायती प्रधानमन्त्री बोरिस जोनसनले कोषको एक कार्यक्रममा युक्रेनी राष्ट्रपति जेलेन्स्कीसँग भिडिओमार्फत कुराकानी गर्दै उनको नेतृत्व र युक्रेनीहरूको बहादुरीको प्रशंसा गरेका थिए।

दूतावासका अनुसार उक्त कोषमा संकलन भएको सो रकम (७ करोड ७४ लाख रूपैयाँ) विशेषत पश्चिमी युक्रेनी विशेषीकृत बाल चिकित्सा केन्द्रको मर्मतमा खर्चिने जनाएको छ।