• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

आईपीएलः धोनीको कप्तानीमा चेन्नई विजयी



एजेन्सी । आईपीएल २०२२ को ४६ औं खेल चेन्नई सुपर किंग्सले जितेको छ । चेन्नईले सनराइजर्स हैदरावादलाई १३ रनले पराजित गरेको हो । जितसँगै चेन्नईले हैदरावादसँग अघिल्लो हारको बदला पनि लिएको छ । उसलाई सिजनको पहिलो खेलमा हैदरावादले ८ विकेटले पराजित गरेको थियो । धोनीको कप्तानीमा चेन्नईको यो सिजनको पहिलो र समग्रमा तेस्रो जित हो ।

पुनेको एमसीए स्टेडियममा आइतबार भएको खेलमा महेन्द्र सिंह धोनीले सिजनमा पहिलो पटक चेन्नईको कप्तानीको जिम्मेवारी सम्हालेका थिए । उनको नेतृत्वमा टोलीले २०२ रनको सफलताको रक्षा गर्दै हैदरावादलाई १८९ रनमा सीमित गर्‍यो । चेन्नईका लागि ऋतुराज गायकवाड र डेभोन कोनवेले अर्धशतकीय पारी खेले भने बलिङमा मुकेश चौधरीले चार विकेट लिए ।

चेन्नईले दिएको २०३ रनको लक्ष्य पछ्याउँदै सनराइजर्स हैदरावादले सुरुआत राम्रो गरेको थियो । अभिषेक शर्मा र केन विलियम्सनले मिलेर पाँच ओभरमा टोलीको स्कोर ५० रनभन्दा माथि पुर्याएका थिए । तर छैटौं ओभरको पाँचौं र छैटौं बलमा मुकेश चौधरीले अभिषेक शर्मा र राहुल त्रिपाठीलाई आउट गरेर हैदरावादको समस्या थपिदिए । त्यसपछि एडन मार्कराम र केन विलियम्सनले इनिङ्स सम्हाल्ने प्रयास गरे । सानदार रन बनाएपनि १०औं ओभरमा मार्कराम पनि पेभिलियन फर्किए ।

अर्कोतर्फ विलियम्सनले निरन्तरता दिए र स्कोर बढाउने प्रयास गरे । तर उनी पनि ४७ रनमा आउट भए । त्यसपछि निकोलस पूरन र शशांक सिंहले अग्रता लिएर इनिङ्सलाई अगाडि बढाउन थाले । चेन्नईका मुकेश चौधरीले दोस्रो स्पेलमा हैदरावादलाई ब्याकफुटमा धकेले । उनले १८ औं ओभरमा शशांक र सुन्दर दुवैलाई आउट गरे ।

त्यसपछि पूरनले द्रुत रन जोड्दै २९ बलमा आफ्नो अर्धशतक पूरा गरे । अन्तिम ओभरमा पूरनले २४ रन बनाए पनि टोलीलाई जित दिलाउन पर्याप्त भएन । हैदरावादका लागि निकोलस पूरनले सर्वाधिक रन बनाए । उनी ३३ बलमा ६४ रन बनाएर अविजित रहे । चेन्नईका लागि मुकेश चौधरीले सर्वाधिक ४ विकेट लिए ।

यसअघि हैदरावादका कप्तान केन विलियम्सनले टस जितेर चेन्नईलाई ब्याटिङको निम्तो दिएका थिए । हैदरावादको निर्णय गलत साबित गर्दै चेन्नईले बलियो सुरुवात गरेको थियो । सिजनको दोस्रो खेल खेल्दै आएका ऋतुराज गायकवाड र डेभोन कोनवेले पहिलो विकेटका लागि १८२ रनको साझेदारी गरे । तर, ऋतुराज आफ्नो शतकबाट चुके । उनी ५७ बलमा ९९ रन बनाएर आउट भए । जबकि कोनवे ५५ बलमा ८५ रनमा अविजित रहे । हैदराबादका लागि नटराजनले दुई विकेट लिए ।