• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   जुगल हिमाल आरोहणको अन्तिम तयारीमा ★   सूर्यग्रहणका कारण यस दिन सडक दुर्घटना बढ्ने, वैज्ञानिकले किन दिए यस्तो चेतावनी ? ★   इलाम-२ उपनिर्वाचन: रास्वपा सभापति लामिछाने इलाम जाँदै ★   अतिथि सत्कार घरबासमा विदेशी पर्यटक बढ्दै ★   बागमतीका मुख्यमन्त्री जम्कट्टेलले चैत १९ गते विश्वासको मत लिने ★   गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने ★   सार्वजनिक खरिद नियमावलीले हाम्रो राष्ट्रिय आवश्यकतालाई सम्बोधन गर्न सकेको छैन : प्रधानमन्त्री ★   हार्दिक पाण्ड्यासँग किन रिसाए मालिंगा ? ★   शौचालयमा मृत भेटिइन् डा प्रतिभा

विश्वकै जेठी महिलाको निधन



एजेन्सी । विश्वकै जेठी महिला केन तनाका रहिनन् । जापान निवासी केनले ११९ वर्षको उमेरमा अन्तिम सास लिइन् । उनको जन्म २ जनवरी १९०३ मा दक्षिणपश्चिम जापानको फुकुओकामा भएको थियो ।

केन तनाकाको जन्म भएको वर्ष राइट भाइहरूले आफ्नो पहिलो उडान गरेका थिए । सन् २०१९ मा उनको नाम गिनिज बुकमा लेखिएको थियो । जसमा केन तनाका विश्वकै सबैभन्दा वृद्ध महिला भएको बताइएको थियो ।

केन तनाकाको निधन भएको जापानी सरकारले सोमबार घोषणा गरेको छ । मिडिया रिपोर्टका अनुसार केन तनाकाले अप्रिल १९ मा एक अस्पतालमा संसारलाई बिदाइ गरिन् । केन तनाकाको मृत्युपछि गिनिज बुक अफ वल्र्ड रेकर्ड्सले पनि ट्वीट गर्दै केन अब यो संसारमा नरहेको भन्ने जानकारी गराउन दुःख लागेको बताएको छ ।

केन तनाकालाई चकलेट र फिजी पेय मन पर्थ्यो । केनको विवाह सन् १९२२ मा भएको थियो र उनी ४ सन्तानकी आमा थिइन् । पछिल्लो समय उनी नर्सिङ होममा बस्दै आएकी थिइन् । यहाँ उनी सोडा, चकलेट, बोर्ड गेमको मजा लिन्थिन् ।

सन् २०१९ मा जब उनको नाम गिनिज वर्ल्डमा प्रवेश भएको थियो, त्यतिबेला उनी ११६ वर्षकी थिइन् । गिनिज बुक अफ वल्र्ड रेकर्ड्सले उनलाई संसारको सबैभन्दा वृद्ध व्यक्तिको रूपमा स्थान दिएको थियो।