• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना ★   शुक्रबार सन्तोषी माता, वैभवलक्ष्मी र शुक्र भगवानको पूजा–आराधना गर्नुहोस् ★   सत्ताका गाँठागुठीमा साना दलको च्याँखे दाउ ★   राजस्थानको लगातार दोस्रोे जित, दिल्लीलाई १२ रनले हरायो ★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू

जापानको फुकुओका नेपाली तीज



दीपक देवकोटा / एचकेनेपाल डट कम-
फुकुओका । जापानको फुकुओकामा नेपाली चेलीहरुले तीजको दरखाने तथा साँस्कृतिक कार्यक्रम भव्यताका साथ सम्पन्न गरेका छन्।

फुकुओका नेपाल सोसाइटी फुकुओका जापानको आयोजनामा शुक्रवार च्युओ सिमिन सेन्टर आकासाकामा भएको कार्यक्रममा जापानमा रहेका दिदी बहिनीहरुको उल्लेख्य सहभागीता रहेको थियो। संस्थाका उपाध्यक्ष योगेश कार्कीले कार्यक्रमको सुरु गरी नेपालवाट आएकी उद्घोषिका मञ्जु पौडेललाई हस्तान्तरण गरेपछि कार्यक्रम सुरु भएको थियो। कार्यक्रमको सभापतित्व संस्थाका अध्यक्ष भरत गौतमले गरेका थिए।

कार्यक्रममा लागि नेपालका चर्चित लोक दोहोरी गायिकाहरु मन्जु पौडेल, राधिका हमाल र गायक पशुपति शर्माबीच तीजेभाकामा दोहोरी, रोयला र अन्य तीजजन्य लोकसुसेलीहरु भएका थिए।

पौडेलले निकै मनोरन्जनात्मक रुपमा सञ्चालन गरेको कार्यक्रममा नेपालवाट आमन्त्रित गायक पशुपति शर्मा र राधिका हमालले उपस्थित नेपाली दाजुभाई तथा दिदीवहिनीहरुलाई तीजेभाकामा कम्मर मर्काएर नाच्न बाध्य परेका थिए।

जापानमा रहेका नेपाली दिदिबहिनीहरुलाई एकैथलोमा भेला गराएर चाडबाडमा परिवारसंगसंगै हुन नपाएपनि बिदेशमा रहेका सबै एक परिवार भएर मनोरञ्जनको साथमा आपसी सद्भाव एवं सम्पर्कमा नवीकरण गर्दै शुभकामना आदानप्रदान गर्ने र जापानमा नेपाली नारी एकताको सन्देश दिन सकियोस् भन्ने उद्धेश्यले कार्यक्रमको आयोजना गरिएको अध्यक्ष भरतराज गौतमले बताए।

कार्यक्रममा संयोजक सिता आचार्यको स्वागत मन्तव्य व्यक्त गरेकी थिइन्। जापानको फुकुओकामा पहिलो पटक एक ठाउँमा यति धेरै नेपालीहरुको सहभागीता रहेको र कार्यक्रम हालसम्मकै उत्कृष्ट रहेको आयोजकको दाबी छ।

कार्यक्रम साँझ साढे ५ बजेदेखि राति १० बजेसम्म चलेको थियो।