• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   सूर्यग्रहणका कारण यस दिन सडक दुर्घटना बढ्ने, वैज्ञानिकले किन दिए यस्तो चेतावनी ? ★   इलाम-२ उपनिर्वाचन: रास्वपा सभापति लामिछाने इलाम जाँदै ★   अतिथि सत्कार घरबासमा विदेशी पर्यटक बढ्दै ★   बागमतीका मुख्यमन्त्री जम्कट्टेलले चैत १९ गते विश्वासको मत लिने ★   गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने ★   सार्वजनिक खरिद नियमावलीले हाम्रो राष्ट्रिय आवश्यकतालाई सम्बोधन गर्न सकेको छैन : प्रधानमन्त्री ★   हार्दिक पाण्ड्यासँग किन रिसाए मालिंगा ? ★   शौचालयमा मृत भेटिइन् डा प्रतिभा ★   जीर्ण महोत्तरी कारागारको तत्काल जीर्णोद्धार थाल्न सुझाव

अब एम्बुलेन्सको अधिकतम भाडा ५ सय मात्र



प्रजनन स्वास्थ्य समन्वय समिति ललितपुरले जिल्लाका सबै स्वास्थ्य संस्थामा प्रसूति सेवा लिन आउने महिलालाई एम्बुलेन्सले अधिकतम ५ सय रुपैयाँभन्दा बढी लिन नपाउने नियम बनाएको छ । एम्बुलेन्सले बढी रकम असुली गरेको जनगुनासो आउन थालेपछि समितिले अधिकतम मूल्य तोकेको आजको राजधानीमा समाचार छ । नयाँ कार्यक्रम लागू भएपछि सहरी क्षेत्रसँगै ग्रामीण क्षेत्रका स्थानीय बढी लाभान्वित हुनेछन् ।

बर्थिङ सेन्टर सञ्चालन भएका स्वास्थ्य संस्थामा एम्बुलेन्सको सहजता हुनुपर्ने जिल्ला जनस्वास्थ्य कार्यालयमा कार्यरत पब्लिक हेल्थ नर्स अम्बिका पाण्डेले बताइन् । उनका अनुसार दक्षिणका ग्रामीण क्षेत्रमा त्यहाँ उपचार नभएका केस सहरी क्षेत्रसम्म ल्याउन समस्या परेको छ । आफ्नो गाविसभित्र एम्बुलेन्स नहुने भएकाले अन्यत्रबाट ल्याउँदा बढी भाडा माग्दा स्थानीय हैरान बनेको उनी बताउँछिन् ।
उनले भनिन्, ‘५ सय भाडा तोकिदिँदा ती सबै समस्याको हल हुने देखिन्छ ।’ जिल्लामा सञ्चालित सबै एम्बुलेन्सले अधिकतम भाडाको नियम मान्नुपर्ने पाण्डे बताउँछिन् । उनका अनुसार त्यसको सुरुआतका लागि कार्यालयले पहिलेदेखि नै पहल गरेको थियो । विभिन्न समयमा राजनीतिकर्मी, शिक्षकलगायतका व्यक्तिसँग पनि बर्थिङ सेन्टरलाई व्यवस्थित बनाउने विषयमा छलफल हुँदै आएको छ । बर्थिङ सेन्टर सुरु गर्नुअघि नै यी विषयमा छलफल हुने पाण्डेले बताइन् । उनले भनिन्, ‘पहिले समुदाय जिम्मेवारी लिन तयार भएपछि बर्थिङ सेन्टर सुरु गर्ने गरिएको छ ।’
बर्थिङ सेन्टर सञ्चालन भएका स्वास्थ्य संस्थामध्ये पनि एम्बुलेन्स भएका स्वास्थ्य संस्थामा महिलाको चाप बढी देखिएको छ । सहरी क्षेत्रनजिकै भएर पनि लुभु स्वास्थ्य संस्थाले सेवा दिने महिलाको संख्या बर्सेनि बढाएको छ । लुभु प्राथमिक स्वास्थ्य केन्द्रले स्थानीयलाई आकर्षित गर्नकै लागि एम्बुलेन्स निःशुल्क गरिदिएको छ ।
पाण्डेले भनिन्, ‘सरकारको कार्यक्रम स्थानीयसम्म पुर्‍याउन एम्बुलेन्सको सहजताको महत्वपूर्ण भूमिका हुने देखिरहेको छ ।’