• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

माओवादीको बन्द अबज्ञा÷माओवादीद्धारा बसमा आगजनी



बैद्य माओवादीले गरेको बन्दको दोलखा र काभ्रेका स्थानीयले प्रतिकार गरेका छन् । बन्दले दैनिक कामकाजमा नै असर गरेको भन्दै दोलखा सदरमुकाम चरिकोटका स्थानिय व्यापारीले बन्दको अबज्ञा गर्दै बजार, पसल खोलेका हुन् ।

पसल खोलेका व्यापारी र बन्दकर्ताबिच दोहोरो झडप समेत भएको थियो । दुई पक्षबीच तनाव भएपछि प्रहरीले माओवादी जिल्ला सेक्रेटरी प्रेम दर्नालसहित पाँचजनालाई नियन्त्रणमा लिएको छ ।

यस्तै काभ्रेको धुलिखेलमा पनि स्थानियले बन्दको अबज्ञा गरेका छन् । बन्दको अवज्ञा गरेको भन्दै बन्दकर्ताले धुलिखेलमा यात्रुबाहक बसमा आगजनी गरेका छन् । काठमाडौबाट मेलम्चीका लागि छुटेको बा २ ख ५६ ७२ नम्बरको यात्रुबाहक बसमा आगजनी गरेका हुन् । बसमा लागेको आगो नियन्त्रण गर्न प्रहरी परिचालन गरिएको छ ।

काभ्रेको बनेपामा बनेपामा बिहान पनि स्थानीयबासी र बन्दकर्ताबीच झडप भएको छ । स्थानीय टेलिभिजनमा कार्यरत देवराम केसीमाथि बन्दकर्ताले आक्रमण गरेका छन् । केसीको आँखामा चोट लागेको छ । बन्दकर्ताहरुले केसी चढेको मोटरसाइकल पनि तोडफोड गरेका छन् ।

यथास्थितिमा मंसिर ४ को निर्वाचन बहिष्कार र गोलमेच सम्मेलनको माग गर्दै नेकपा–माओवादी नेतृत्वको मोर्चाले पूर्वघोषित आन्दोलनका कार्यक्रम अनुसार आज ताम्सालिङ राज्यसमिति अन्तरगतका जिल्ला बन्द आह्वान गरेको छ ।