• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी ★   चैते धानमा किसानको आकर्षण बढ्दै ★   खेतालालाई दिने ज्याला नपुग्ने भएपछि बगानमै छाडियो कुचो ★   हवाई टिकटमा १३ प्रतिशत अतिरिक्त कर व्यवस्थाले पर्यटन क्षेत्र निरुत्साहित भयो: अध्यक्ष ढकाल

पैसा बुझाएर घर जान नपाउँदा ज्यानै गयो



क्वालालम्पुर । मलेसियामा अवैधानिकरुपमा कार्यरत रहेको र हाल मलेसिया सरकारले अवैधानिकलाई व्यापकरुपमा पक्राउ गर्न थालेपछि दलालमार्फत् घर जाने कोशिषमा रहेका एक जना नेपालीले आत्महत्या गर्न खोजेको थाहा पाई यहाँस्थित प्रहरी, बोम्बाले बचाउन खोज्दा उनको एक पसलको छलबाट खसेर ज्यान गएको छ । सस्तोमा अर्थात् आरएम ५०० जरिवाना बुझाएर घर जान पाइन्छ भन्ने सुनेर दलालमार्फत् यही मंगलबार नेपाली दूताबासमा आएका घाच्चोक, पोखरा निवासी ३० वर्षीय पदम सुनार दूताबासबाट अहिले कुनै पनि अवैधानिकहरुलाई घर पठाउन नसकेको जानकारी पाएपछि मानसिकरुपमा विक्षिप्त भएको बुझिएको छ । सोपश्चात् उनले बुधबार नजिकै रहेको तीन तले घरमा गई आत्महत्या गर्न खोज्दा सर्वसाधारणले देखी प्रहरी, बोम्बा बोलाई उद्धारको प्रयास भएको थियो । तर सो अवसरमा भाग्न खोज्ने क्रममा घरको छतमा चिप्लिएर उनी सिधै तल भुईंमा बजारिएका थिए । त्यहाँ सामान्य उपचारपश्चात् हस्पिटल लगिएको उनलाई हस्पिटल पुग्नासाथ डाक्टरले मृत घोषित गरेको थिए । हाल उनको शवलाई पोष्टमार्टमको लागि हस्पिटलमै राखिएको छ ।