• १२ बैशाख २०८१, बुधबार
  •      Wed Apr 24 2024
  •   Unicode
Logo
Latest
★   सहवागले विश्वकप २०२४ को लागि भारतको प्लेइङ–११ छनोट गरे, हार्दिक पाण्ड्या परेनन् ★   बक्सिङ टोली उज्वेकिस्तान प्रस्थान ★   सबै मन्त्रालयले महिलामैत्री बजेट निर्माणमा जोड दिनुपर्छ: मन्त्री चौधरी ★   कपिल शर्माले आमिर खानलाई सोधे – तेस्रो बिहे कहिले गर्ने ? ★   ०७२ सालको भूकम्पको सम्झनामा फोटो प्रदर्शनी– तस्बिरहरु ★   सन्तोषजनक छैन विश्वमा मानव अधिकारको अवस्था ★   महोत्तरीका वनक्षेत्रमा फेरि डढेलो ★   रास्वपा खास जाति, वर्ग र समुदायको पहिचानको पक्षमा छैन – रवि लामिछाने ★   मौन अवधिलाई मनि अवधिको रुपमा प्रयोग नहोस्: रवि लामिछाने ★   फिलिपिन्समा चरम गर्मीका कारण छ को मृत्यु

तयार हुनुहोस् बाबु नानीलाई पोलियो थोपा खुवाउन



वीरगन्ज, ५ पुस –

राष्ट्रिय पोलियो खोप अभियानअन्तर्गत पहिलो चरणमा यही पुस ६ र ७ गते जिल्लाभरिका पाच वर्षमुनिका बालबालिकालाई पोलियोको थोपा खुवाइँदैछ । दोस्रो चरणमा माघ ११ र १२ गते पोलियोको थोपा खुवाइने कार्यक्रम रहेको छ ।यस वर्षको राष्ट्रिय पोलियो खोप अभियानलाई भव्यताका साथ सफल पार्न पर्सामा आवश्यक सम्पूर्ण गृहकार्य पूरा भइसकेको जिल्ला जनस्वास्थ्य कार्यालयले जनाएको छ ।

 

 

 

जिल्ला जनस्वास्थ्य कार्यालयका अनुसार, पर्सामा जन्मेदेखि पाच वर्षमुनिका झन्डै एक लाख २३ हजार ३८६ जना बालबालिकालाई पोलियो थोपा खुवाइने लक्ष्य राखेको छ ‘नजिकको खोप केन्द्रमा लगी पोलियो थोपा खुवाऔँ, पोलियो सदाका लागि भगाऔँ’ भन्ने मूल नाराका साथ भोलि सुरु हुने यो अभियानका लागि जिल्लाभर ८७२ वटा बुथ कायम गरिएको छ । यस कार्यका लागि १७५ जना स्वास्थ्यकर्मी र एक हजार ७४४ जना स्वयम्सेवक परिचालन गरिएको छ ।

 

 

 

बयासी गाविस र एक वीरगन्ज उपमहानगरपालिका रहेको पर्सामा पोलियो थोपा खुवाउने दिन जिल्ला जनस्वास्थ्य कार्यालयले नेपाल–भारत सीमा नाकामा समेत खोप केन्द्र स्थापना गरी बालबालिकालाई पोलियो थोपा खुवाउने व्यवस्था मिलाएको छ ।पोलियो खोप अभियानको प्रभावकारिताका लागि जिल्ला खोप अभियान समितिका अध्यक्ष एवम् पर्साका स्थानीय विकास अधिकारी गजेन्द्रकुमार ठाकुरको संयोजकत्वमा सात सदस्यीय अनुगमन तथा मूल्याङ्कन समिति गठन गरिएको छ ।