• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी ★   चैते धानमा किसानको आकर्षण बढ्दै ★   खेतालालाई दिने ज्याला नपुग्ने भएपछि बगानमै छाडियो कुचो

पहिलोपटक एपेन्डिसाइटिस अप्रेसन सफल



गुल्मी जिल्लामा पहिलोपटक गम्भीर प्रकृतिको एपेन्डिसाइटिसको शल्यक्रिया सफल भएको छ । सदरमुकाम तम्घासमा रहेको रेसुङ्गा हस्पिटलमा पेटभित्रै फुटेको एपेन्डिसाइटिसको शल्यक्रिया सफल भएको हो । जिल्ला अस्पताल तम्घासमा भर्ना भएकी अम्मुर–१ की १९ वर्षीया दिलमाया मुखियाको रेसुङ्गा हस्पिटलले सफलतापूवर्क शल्यक्रिया गरेको हो ।  पहिले पेट मात्रै दुखेको भए पनि पेट दुखेको तीन दिनपछि जाँच गराउँदा स्वास्थ्यकर्मीले एपेन्डिसाइटिस बिग्रिएकाले ठूलो अस्पताल जान सुझाएका थिए । तर कमजोर आर्थिक अवस्थाका कारण बाहिरी जिल्ला जान नसकेपछि छोरीलाई तम्घासकै रेसुङ्गा हस्पिटलमा भर्ना गरिएको दिलमायाका बुबा गोविन्दले बताउनुभयो । उहाँले छोरी बाँच्दिन कि भनेर ठूलो पिर मानेको भए पनि जिल्लामै सफल शल्यक्रिया भएकामा खुसी प्रकट गर्नुभयो ।

उहाँ मात्र हैन जिल्लामै पहिलोपटक यस्तो शल्यक्रिया सफल भएपछि आफूहरू पनि निकै खुसी भएको उपचारमा संलग्न डा निरेश थापाले बताउनुभयो । डा थापाले अहिले पनि धेरै बिरामी जिल्लामा राम्रो उपचार नहुने भन्दै बाहिर जानेक्रम नरोकिएको दुःखेसो गर्नुभयो । अस्पतालले मुखियाको उपचारमा करिब २५ हजार रुपैयाँ खर्च लागेको भए पनि गरिब परिवारको भएकाले लगभग १० हजार रुपैयाँ छुट गर्नेसमेत जनाएको छ । उक्त हस्पिटलमा झन्डै दुई महिनाअगाडि एउटा यस्तै गम्भीर प्रकृतिको शल्यक्रिया सफल भएको थियो । पाठेघरभन्दा बाहिरको ट्युबमा बसेको बच्चालाई सफलतापूर्वक शल्यक्रिया गरेर बाहिर निकालिएको हस्पिटलका डा. लक्ष्मण भुसालले जानकारी दिनुभयो ।