• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

एमालेमा अझै खस—क्षेत्रीको टुङ्गो लागेन



काठमाडौं, १२ पुस । राजधानीको गोकर्ण रिसोर्टमा जारी नेकपा एमाले स्थायी कमिटिको तीन दिने बैठकमा महिला, आदीबासी जनजाती र दलीतका तर्फबाट समानुपातिक सभासदको टुङ्गो लागे पनि खस क्षेत्रीको विषयमा अझै विवाद भएको छ ।
आवासीय बैठकमा अध्यक्ष झलनाथ खनाल र नेता केपी शर्मा ओलीविच विवाद नसुल्झिएपछि समानुपातिक सभासदको अझै निर्णय हुन नसकेको हो । विवाद बढ्दै गएपछि नेता केपी शर्मा ओलीले स्थायी कमिटिमा नै मतदान गर्न माग गरेका छन् । केन्द्रीय कमिटिमा खनालको बहुमत भएपनि स्थायी कमिटिमा भने नेता ओलीको बहुमत छ । नेता ओलीले आफुले भने जस्तो नभए अलग सूची निर्वाचन आयोगमा बुझाउने चेतावनी समेत दिएको स्रोतले जनाएको छ । धेरै आकांक्षीहरु भएको र केन्द्रिय कार्यालयमा उनीहरुको उपस्थिति र दवाब बढ्न थालेको भन्दै एमालेको स्थायी कमिटी बैठक गोकर्ण रिसोर्टमा राखिएको बताइएको छ ।

खस—क्षेत्री बाहेकमा मोटामोटी सहमती
खस—क्षेत्री बाहेकका नामहरुमा भने मोटामोटी सहमती भएको स्रोतले जनाएको छ । बैठकले केन्द्रिय कमिटीमा रहेका सबै महिला नेतृहरुलाई सभाषद बनाउने निर्णय गरेको छ । महिला नेतृत्व स्थापीत गराउने भन्दै एमालेले समानुपातिक सुचिमा रहेका महिला केन्द्रिय सदस्यहरुलाई पहिलो प्राथमिकतामा राखेर सभाषद सिफारिस गर्ने निर्णय गरेको हो । जस अनुसार निर्बिबाद सभाषद बन्न पाउनेहरुमा उपाध्यक्ष बिद्या भण्डारी, पोलिटव्युरो सदस्य अष्टलक्ष्मी शाक्य, केन्द्रिय सदस्यहरु कमला सुबेदी, गौरी ओली, जयन्ती राई, श्रीमाया थकाली, ममता गिरी, गरिमा शाह लगायत रहेका छन् । केन्द्रिय कमिटी बाहिरबाट रामकुमारी झाँक्री र केन्द्रिय सल्लाहकार शान्ता मानवी रहेको स्रोतको दावि छ ।
यस्तै जनजातीबाट पर्शुराम मेघि गूरुङ, तलबहादुर गुरुङ, महेन्द्र शेरचन, ईच्छाराज तामाङ, गणेशमान गूरुङ रहेको बताईएको छ ।

कर्मचारीलाई अनावश्यक खटाइ
एमालेले शुक्रबार नै आयोगमा नाम बुझाउने भन्दै प्रमुख निर्वाचन आयुक्त निलकण्ठ उप्रेतीलाई खबर गरेको थियो । उप्रेतीको निर्देशनमा कर्मचारीहरु कार्यलय समय सकिसके पछि समेत बसिरहेका थिए । तर एमालेका शीर्ष नेताहरुको विवाद नसुल्झिएपछि रात परे पछि मात्रै कर्मचारी बाहिरीए ।