• ७ बैशाख २०८१, शुक्रबार
  •      Fri Apr 19 2024
  •   Unicode
Logo
Latest
★   अवैध औषधि बेच्ने दुई मेडिकल बन्द ★   एमाले प्रतिनिधि परिषद् बैठकको तयारी पूरा ★   अस्ट्रेलियामा पुरुष हिंसाको सङ्कट छ– महान्यायाधिवक्ता ★   फास्ट ट्रयाक तोकिएकै समयमा बनिसक्छ, हालसम्म लागत बढेको छैनः प्रधान सेनापति शर्मा ★   काठमाडौँ–तराई–मधेश द्रूतमार्गको भौतिक प्रगति ३३ प्रतिशत ★   प्रतिपक्षीको बहिष्कारपछि गण्डकी प्रदेशसभाको बैठक स्थगन ★   दाहाल नेतृत्वको वर्तमान सरकारलाई निरन्तरता दिन एमाले तयार छः शंकर पोखरेल ★   स्याङ्जामा आगो निभाउने क्रममा जलेर महिलाको मृत्यु ★   ‘पुजार सार्की’को पहिलो गीत ‘दर्शन गरेँ’ सार्वजनिक, प्रमुख कलाकारले गरे कौडा नृत्य ★   धरौटी जम्मा गर्न नसकेपछि दीपेश पुन जेल चलान

बक्सिङमा सेना र सशस्त्र च्याम्पियन



काठमाडौं, १३ पुस – प्रथम लुम्बिनी राष्ट्रिय च्याम्पियनसिपअन्तर्गत द ब्रिटिस कलेज २५ औं पुरुष तथा चौथो महिला राष्ट्रिय बक्सिङ प्रतियोगिताको पुरुषमा नेपाली सेना र महिलामा एपीएफ क्लब शनिबार टिम च्याम्पियन बनेका छन् ।
सेनाले समान ३–३ स्वर्ण, रजत र कांस्य जित्यो । ३ स्वर्ण, उत्तिकै रजत र २ कांस्य जितेको एपीएफ दोश्रो भयो भने २ स्वर्ण र ३ रजतसाथ प्रहरी तेश्रो स्थानमा रह्यो ।
महिलामा टिम च्याम्पियन बनेको एपीएफले ४ स्वर्ण हात पा¥यो । २ स्वर्णसाथ प्रहरी दोश्रो र सेना १ स्वर्णसाथ तेश्रो भए ।
राष्ट्रिय खेलकुद परिषद् (राखेप) को सहयोगमा नेपाल बक्सिङ संघद्वारा आयोजित प्रतियोगिताको पुरुषमा मध्यमाञ्चलका मनोहर बस्नेत र महिलामा एपीएफकी माला राई उत्कृष्ट खेलाडी घोषित भए । दुवैले १०–१० हजार नगद पुरस्कार पाए । उक्त पुरस्कार नेपाल भूपु बक्सिङ टिमले प्रायोजना गरेको हो ।
टंक बुढा मगर वर्षको उत्कृष्ट बक्सिङ प्रशिक्षक घोषित भए । उनलाई अमर ज्योति फाउन्डेसनले २५ हजार र एडिडासले १० हजार नगद पुरस्कार प्रदान गरे । उनले बक्सिङ किट्स पनि पाए । उत्कृष्ट निर्णायक चुनिएवापत दिनकलाल श्रेष्ठलाई एडिडासले १० हजार नगदबाट पुरस्कृत ग¥यो ।
त्रिपुरेश्वरस्थित राखेप कभर्ड हलमा भएको महिलाको ४८–५१ केजीमा सेनाकी मिनु गुरुङले एपीएफकी माया चौधरी तथा ५७–६० केजीमा एपीएफकी सरस्वती राणाले सेनाकी निरु गुरुङलाई पराजित गरी पहिलो भए ।
पुरुषको ४६–४९ केजीमा एपीएफका विक्रम परियारले प्रहरीका निरन्जन श्रेष्ठ, ४९–५२ केजीमा एपीएफका लक्षुमन तामाङले सेनाका प्रेम चौधरी, ५२–५६ केजीमा प्रहरीका दिनेश श्रेष्ठले सेनाका नरेश देवान, ५६–६० केजीमा एपीएफका पूर्णबहादुर लामाले पूर्वाञ्चलका विराज राई, ६०–६४ केजीमा सेनाका दीपक श्रेष्ठले प्ररहीका भूपेन्द्र थापा, ६४–६९ केजीमा प्रहरीका रत्नबहादुर तामाङले एपीएफका विकास लामा, ६९–७५ केजीमा सेनाका उजर सिंह थापाले मध्यमाञ्चलका सोभित खत्री, ७५–८१ केजीमा मध्यमाञ्चलका दीपक महर्जनले सेनाका दिपेश लामा, ८१–९१ केजीमा मध्यमाञ्चलका मनोहर बस्नेतले एपीएफका मीनप्रकाश जोरा तथा ९१ केजीमाथि सेनाका श्याम खड्काले एपीएफका महेश केसीलाई हराउदै स्वर्ण हात पारे ।
विजेतालाई राखेप सदस्य–सचिव युवराज लामालगायतले पुरस्कार प्रदान गरे । ५ दिने प्रतियोगितामा ५९ पुरुषले १० तथा २५ महिलाले ७ स्वर्णका लागि प्रतिस्पर्धा गरेका थिए ।