• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक

रानालाई ‘प्रतिभा सम्मान’ र दिक्पाललाई ‘प्रतिभा पुरस्कार’



काठमाडौं, १४ पुस । 

नेपाली प्रतिभा प्रतिष्ठान बेलायतले प्राज्ञ बँद रानालाई ‘प्रतिभा सम्मान’ तथा पत्रकार राकुमार दिक्पाललाई  ‘प्रतिभा पुरस्कार’ प्रदान गरेको छ । बेलायतमा बसोबास गर्ने नेपाली साहित्यकारले नेपाली भाषा तथा वाङ्मयको विकासका लागि प्रतिष्ठान स्थापना गरी सन २००८ देखि सम्मान तथा पुरस्कार दिँदै आएको हो । प्राज्ञ रानालाई गजल विधाको विकास गरेकामा सम्मानस्वरुप रु २० हजार तथा सम्मानपत्र र पत्रकार दिक्पाललाई कथा विधा तथा पत्रकारिताको श्रीवृद्धिमा योगदान गरेबापत रु एक लाख तथा सम्मानपत्र दिइएको हो ।

प्रतिष्ठानले आज यहाँ आयोजना गरेको कार्यक्रममा नेपाल प्रज्ञा –प्रतिष्ठानका कुलपति वैरागी काइँलाले रोजीरोटीका लागि काम विशेषले विदेसिएका नेपाली लाहुरेहरूले नेपाली भाषा तथा साहित्यको समृद्धिका लागि खेलेको भूमिका उल्लेखनीय रहेको चर्चा गर्नुभयो । प्राज्ञहरू विष्णु प्रभात र डा तुलसीप्रसाद भट्टराईले प्रतिष्ठानले योग्य तथा प्रतिभाशाली स्रष्टाको छनोट गरेकामा प्रशंसा गर्नुभयो । प्रतिष्ठानका अध्यक्ष दयाकृष्ण राईले बेलायतमा नेपाली भाषालाई पठनपाठन गराउनका लागि पहल भइरहेको जानकारी दिँदै नेपाली माटोप्रतिको भावनाले नेपाली कला, साहित्य तथा संस्कृतिको विकासका लागि संस्था क्रियाशील रहेको बताउनुभयो । प्रतिष्ठानका नेपाल संयोजक शशी लुमुम्बुले नेपाली विश्वको कुनै ठाउँमा रहे पनि नेपाल र नेपालीको समृद्धिका लागि क्रियाशील रहनुपर्नेमा जोड दिनुभयो ।