• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक ★   विश्वकै लामो फिल्म, जसलाई हेर्न ३ दिन बढी समय लाग्ने ★   धैरे पटक चुनाव हारेर रेकर्डः २३८ पटक चुनाव लडेर हारेका नेताजी फेरि चुनाव लड्दै ★   झापा पुगेर गृहमन्त्रीले भने- पीडकसँग प्रशासन-प्रहरीको हिमचिम अन्त्य हुनैपर्छ

कर्मचारी अभावमा पाँच स्वास्थ्य चौकी बन्द



 

गोरखा, १५ पुस ।

जिल्लाको दुर्गम क्षेत्रमा रहेका पाँचवटा स्वास्थ्य चौकी कर्मचारी अभावमा बन्द गरिएको छ । जिल्लामा रहेका कुल ५५ वटा उपस्वास्थ्य चौकीमध्ये सिमजुङ, ताक्लुङ, उहियाँ, लाप्राक र केरौंजा उपस्वास्थ्य चौकी बन्द गरिएको जिल्ला स्वास्थ्य कार्यालय गोरखाले जनाएको छ । सिमजुङ स्वास्थ्य चौकीलाई द मनोज नामक संस्थाले एक महिनाअघि १० लाख मूल्य बराबरको स्वास्थ्य सामग्री दिएको र आगामी वैशाखमा एम्बुलेन्स पनि दिने घोषणा गरेको थियो ।

जिल्लाको लापु र आरुपोखरी स्वास्थ्य चौकीमा कार्यालय सहायकको भरमा स्वास्थ्य चौकी सञ्चालन भएको छ । स्वास्थ्य चौकी बन्द भएपछि नियमित खोपका कार्यक्रमसमेत प्रभावित भएको जनस्वास्थ्य प्रशासक विश्वराम श्रेष्ठले बताए । स्वास्थ्य सेवा ऐन संशोधन नभएको कारण आयोगले परीक्षा लिन नसकेको र कर्मचारी पूर्ति हुन नसकेको उहाँले बताउनुभयो । जिल्लामा ९२ जना स्वास्थ्यकर्मीको दरबन्दी रिक्त रहेको उहाँको भनाइ छ ।

यसैबीच, गोरखा अस्पतालले सधँै निःशुल्क दिने गरेको बहिरङ सेवाको टिकटको शुल्कमा वृद्धि गरी रु ५० बनाएको छ । अस्पतालले दिने अन्य सेवाहरु निजी क्लिनिकले लिने सरह बनाइएको र सरकारले निःशुल्क दिने गरेको औषधि पनि आजदेखि दिन नसकिने अस्पतालका प्रमुख डा केशवराज भुर्तेलले बताए ।