• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना

सांसदको साथमा अस्ट्रेलियामा तीज मनाइयो



आर्मिडेल, भदौ १४ । अस्ट्रेलियाको न्यू साउथ वेल्स राज्य अन्तर्गत आर्मिडेल सहरमा रहेका नेपालीले त्यहाँका सांसदसँगै तीज मनाएका छन् । त्यहाँ रहेका नेपालीहरुको अगुवाइमा भएको सामूहिक तीज कार्यक्रममा न्यू इंग्ल्याण्ड क्षेत्रका सांसद अड्याम मार्शल र स्थानीय पत्रपत्रिकाका प्रतिनिधिको पनि उपस्थिति रहेको थियो ।
कार्यक्रममा प्रमुख अतिथिको रुपमा सम्बोधन गर्दै सांसद मार्शलले नेपाली समुदायको संस्कृति सर्म्वर्द्धन गर्न आफू सदैव तयार रहेको बताए । उनले अस्ट्रेलिया सरकार पनि बहुसांस्कृतिक मूल्य मान्यताको पक्षमा रहेको जानकारी दिए ।
कार्यक्रममा नेपाली नारीहरूका तर्फबाट डिना राईले अतिथिहरूलाई तीजको महत्वबारे प्रकाश पारिन । केशव तिम्सिनाले आर्मिडेलमा नेपाली समुदायको इतिहास र वर्तमानबारे चर्चा गरेका थिए ।
न्यू इंग्ल्याण्ड विश्वविद्यालय रहेको सेरोफेरोमा रहेको आर्मिडेलमा नेपाली विद्यार्थीको चाप अहिले हृवात्तै बढेको छ । नेपालीहरुको बढ्दो जनसंख्या, तिनका समस्या, अवसर र सांस्कृतिक आवश्यकतालाई मध्यनजर गर्दै अहिले नेपालीहरू आर्मिडेलमा औपचारिक संस्था दर्ताको पहलमा समेत लागेका छन् ।