• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

भावुक हुँदै शेष घलेले भने– ‘हामी पहिलो पुस्तालाई नेपालको निकै माया छ’



सिड्नी । गैर आवासीय नेपाली संघ एनआरएनका अध्यक्ष शेष घलेले आफुहरुले सम्मुन्नत नेपाल बनाउन चाहेको बताएका छन् । गैरआवासीय नेपाली संघ अष्ट्रेलियाको आयोजनामा अष्ट्रेलियाको सिड्नीमा जारी नेपाल फेष्टिबललाई सम्बोधन गर्दै उनले अहिलेको पुस्तालाई नेपालको धेरै माया भएको बताए । उनले सरकारबाट गैर आवासीय नेपालीको सुविधा बढाउन ध्यान दिइएमा आफुहरु लगानी बढाउन इच्छुक रहेको बताए ।
अध्यक्ष घलेले मातृभूमि नेपालका लागि आफुहरुले केही गर्न चाहेको भन्दै त्यसका लागि नेपालमा वातावरण बन्नुपर्नेमा जोड दिए ।

अष्ट्रेलियाका नेपाली राजदुत रुद्रकुमार नेपालले अहिले हिमालयको देश नेपालबाट नेपालीहरु धेरै टाढा रहेपनि अष्ट्रेलियामा सानो नेपाल बनेको बताए । उनले अष्ट्रेलियाको बहुसंस्कृति भएको देशमा नेपाली आएर बसेकोमा खुशी लागेको भन्दै यस्ता कार्यक्रमबाट नेपाललाई निकै ठूलो फाइदा पुगेको बताए ।
नेपालमा लोकतान्त्रिक संविधान बन्ने क्रममा रहेको भन्दै उनले अब नेपाल संबृद्व बन्ने दिशामा अघि बढेको बताए ।
राजदुत नेपालले पाँच दशकदेखि नेपाल र अष्ट्रेलियाको सम्बन्ध सुमधुर बन्दै गएको भन्दै अब अझै प्रगाड हुँदै जाने विश्वास व्यक्त गरे । उनले महोत्सवको अवलोकन गरेर नेपाल आउन अष्ट्रेलियाबासीलाई आग्रह गरे ।
गौतम बुद्वको देश, सगरमाथाको देश नेपालमा आउन उनले अष्ट्रेलियाबासीलाई आग्रह गरे ।

औपचारिक कार्यक्रममा प्रमुख अतिथिको रुपमा बोल्दै सिनेटर मेनिस फ्रेङकले अष्ट्रेलियाको प्रधानमन्त्रीको तर्फबाट नेपालीहरुले गरेको नेपाल महोत्सवलाई धन्यवाद ज्ञापन गरिन् । अष्ट्रेलियामा आएर नेपालीहरुले यहाँको संस्कृतिका बारेमा जानकारी गराउन भूमिका खेलेकोमा बधाई दिइन् । यस्तै, यस्तै, विपक्षी लेबर पार्टीका नेता जोन रोबर्डसनले नेपाली संस्कृतिका कारण यस्ता कार्यक्रमबाट अष्ट्रेलियाको बहुसंस्कृति बनाउन सहयोग मिलेको भन्दै प्रशंसा गरे ।

औपचारिक कार्यक्रमको समापन मन्तव्य दिदै गैर आवासीय नेपाली संघ अष्ट्रेलियाका अध्यक्ष महेन्द्र ओलीले खराब मौसमका बाबजुद भएको सहभागिताको सम्मान गरे । उनले नेपाली संस्कृति र एकताको लागि यो कोशेढुङ्गा सावित हुने बताए । अध्यक्ष ओलीले नेपाल फेष्टिबलको सफलताका लागि सहयोग गर्ने सबैलाई धन्यवाद दिए ।