• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक

झापाली समाज अष्ट्रेलियाद्धारा खेलाडीको सम्मान



सिड्नी । झापाली समाज अष्ट्रेलियाले खेलाडीको मनोवल बढाउन भन्दै झापा–११ का फुटवल खेलाडीहरुलाई सम्मान गर्ने घोषणा गरेको छ । १० सेप्टेम्बरमा काठमाडौको दशरथ रंगशालामा सम्पन्न भएको फाईनल खेलमा झापा–११ ले संकटालाई ४–० ले हराउदै एन्फा कपको उपाधी हात पारेपछि सम्मानको घोषणा गरिएको हो ।
संस्थाका अध्यक्ष दिनेश पोखरेलले एक विज्ञप्ती निकाल्दै राष्ट्रिय प्रतिभावान खेलाडीहरुको सम्मान स्वरुप नगद २ लाख ११ हजार र प्रमाणपत्रले सम्मान गरिने बताए ।
लामो समयदेखी राष्ट्रिय फूटवल खेललाई उच्च स्थानमा पुर्‍याउन झापाका खेलाडीहरुको उल्लेखनिय भुमिका रहदै आएको झापाली समाज अष्ट्रेलियाले जनाएको छ ।
राष्ट्रिय स्तरको एन्फा कप विजेता भएको झापाली–११ ले नेपालको फूटवल खेलको स्तरलाई माथी लानेमा झापालीहरुको विश्वास रहेको संस्थाका सहसचिव रुपक मैनालीले बताए । एन्फा कप जित्नु चानचुने कुरा नभएको र यस्तो खुसीको क्षणमा खेलाडीहरुलाई धन्यवादका लागि अष्ट्रेलियाको सिड्नीमा बस्दै आएका अग्रज झापालीहरु दिनेश पोखरेल, कृष्ण गिरी (जगनाथ), भूपाल सिटौला, सन्तोष सिटौला, रुपक मैनाली, अशोक ओली, उमेश पोखरेल, दीपक चुडाल, अभय प्रसाई, प्रविण चौहान, मात्रिका बिमली, खिलेन्द्र तिमिल्सिना लगायतका व्यक्तिहरुले संस्थाको तर्फबाट सहयोग रकम उपलव्ध गराएका हुन् ।

केही हप्ता पछि नै दशैँ भएकाले झापामा एक विशेष कार्यक्रमको आयोजना गरेर सम्मान कार्यक्रम गरिने संस्थाका कृष्ण गिरीले अनलाइन चौतारीलाई जानकारी दिए ।
झापाको समग्र विकासमा सहयोग पुर्‍याउने उदेश्यले खोलिएको झापाली समाजले विगतका दिनबाट नै झापामा विभिन्न शीर्षकमा सहयोग पुर्‍याउदै आएको छ ।
प्रतियोगिताको पहिलो खेलमा मनाङ्गमस्र्याङदीलाई हराउदै विजयी यात्रा सुरु गरेको झापा– ११ ले सेमिफाइनलमा एपिएफ क्लवलाई हराएको थियो । प्रतियोगिता अवधि भरिनै झापा– ११ ले उत्कृष्ट प्रदर्शनी गरेको थियो ।
त्रिपुरेश्वर स्थित दशरथ रंगशालामा भएको यो सिजनको पहिलो पटक आयोजित खेलमा एन्फा कपको उपाधि झापा ११ ले जित्न सफल भएको हो ।