• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   राजस्थानलाई जिताउने पराग ज्वरो आएर तीन दिन विस्तारामा सुतेका थिए, पेनकिलर खाएर खेले ★   जुगल हिमाल आरोहणको अन्तिम तयारीमा ★   सूर्यग्रहणका कारण यस दिन सडक दुर्घटना बढ्ने, वैज्ञानिकले किन दिए यस्तो चेतावनी ? ★   इलाम-२ उपनिर्वाचन: रास्वपा सभापति लामिछाने इलाम जाँदै ★   अतिथि सत्कार घरबासमा विदेशी पर्यटक बढ्दै ★   बागमतीका मुख्यमन्त्री जम्कट्टेलले चैत १९ गते विश्वासको मत लिने ★   गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने ★   सार्वजनिक खरिद नियमावलीले हाम्रो राष्ट्रिय आवश्यकतालाई सम्बोधन गर्न सकेको छैन : प्रधानमन्त्री ★   हार्दिक पाण्ड्यासँग किन रिसाए मालिंगा ?

यस्तो छ, सांस्कृतिक कार्यक्रमको तयारी



मेलवर्न । मेलवर्नमा सुरु भएको नेपाल फेष्टिबल अन्तर्गत आज (शनिबार) विभिन्न कार्यशालाहरु भैरहेका छन् । कार्यशालामा नेपालको पर्यटन प्रबद्र्वन र लगानीका विषयमा गम्भिर छलफल भैरहेको छ । नेपाल फेष्टिबल अन्तर्गत आजको कार्यशाला सकिएपछि भोलि सांस्कृतिक महोत्सवको कार्यक्रम राखिएको छ ।
सांस्कृतिक महोत्सवमा नेपालबाट पुगेका कलाकारहरुका साथै स्थानीय कलाकारले पनि प्रस्तुती देखाउन आफ्नो तयारी गरेका छन् । जस अन्तर्गत विभिन्न ठाउँमा कलाकारहरुले रिहल्र्सल गरेका छन् । तीन महिनाको कडा मिहनेत पछि नेपाल फेष्टिबलका लागि स्थानीय कलाकारहरु तयार भएका छन् । नेपालको भाषा र संस्कृति झल्किने प्रस्तुती देखाउने गरी गरिएको उनीहरुको तयारी पुरा भएको जनाइएको छ ।
यस्तै, नृत्यका लागि पनि त्यहाँ रहेका नेपाली कलाकारहरुले लामो समय तयारी गरेका छन् । बालबालिकाको नृत्य सहितको प्रस्तुतीका लागि गरिएको तयारी पुरा भएको जनाइएको छ ।
मेलवर्नमा जारी नेपाल फेष्टिबल अन्तर्गत आइतबार हुने सांस्कृतिक महोत्सवका लागि नेपालबाट मेलवर्न पुगेका सविन राई र इलेक्ट्रोनिक व्याण्डले पनि अन्तिम तयारी गरेको छ । साँझ ६ बजे देखि दश बजेसम्म हुने सांस्कृतिक कार्यक्रम र कन्सर्टमा उक्त प्रस्तुती देखाइनेछ ।
यसै गरी तिव्वतियन कलाकारले नेपालको कला झल्किने खालको डिजाइनमा काठमा कुँदेर आकर्षक बुट्टा बनाएका छन् ।
यस्तै, कुमार र रस्याले नेपालको लाखे नाचको झल्को दिने गरी तयारी गरेका छन् । नेपाली संस्कृतिको बारेमा विशेष अवगत गराउन उनीहरुको यो प्रस्तुती हेर्न लायक हुने अपेक्षा गरिएको छ ।
नेपालका चर्चित गायक मिलन लामा आफ्नो प्रस्तुती दिनका लागि मेलवर्न पुगिसकेका छन् । नेपालबाट पुगेका कलाकार र स्थानीय कलाकारको प्रस्तुतीले नेपाल फेष्टिबलमा नयाँ रौनक छाउने र सहभागीहरुले भरपुर मनोरञ्जन लिन सक्ने अपेक्षा गरिएको छ ।