• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक ★   विश्वकै लामो फिल्म, जसलाई हेर्न ३ दिन बढी समय लाग्ने ★   धैरे पटक चुनाव हारेर रेकर्डः २३८ पटक चुनाव लडेर हारेका नेताजी फेरि चुनाव लड्दै ★   झापा पुगेर गृहमन्त्रीले भने- पीडकसँग प्रशासन-प्रहरीको हिमचिम अन्त्य हुनैपर्छ ★   देशको अर्थतन्त्र गत वर्षजस्तो सङ्कटमा छैन: प्रधानमन्त्री दाहाल

‘टलकजंग भर्सेस टुल्के’लाई दर्शकको साथ



निश्चल बस्नेत निर्देशित दोश्रो चलचित्र ‘टलकजंग भर्सेस टुल्के’ले राजधानीका हलहरुमा सन्तोषजनक ब्यापार गर्न सफल भएको छ । वितरण कम्पनी पपकर्नका माधव वाग्ललेका अनुसार ‘टलकजंग भर्सेस टुल्के’को अकुपेन्सी सिङ्गल स्टेशनको दाँजोमा मल्टिप्लेक्स स्टेशनमा उच्च छ । राजधानीका क्युएफएक्स अन्र्तगतका सिभल मल, कुमारी, जय नेपालमा फिल्म ‘टलकजंग भर्सेस टुल्के’ ले ७ शो पाएको छ । त्यस्तै सुन्धाराको सिने दि सेफ, कमलपोखरीको बिग मुभिज, चावाहिलको गोपिकृष्ण सिनेमा घर, बालाजुको अष्ट नारायण, ग्वार्कोको गुण सिनेमा हल लगायत हलमा फिल्म ‘टलकजंग भर्सेस टुल्के’ प्रदर्शनरत छ । चलचित्र हेरेका दर्शकहरुले सामाजिक सञ्जलमार्फत चलचित्रको प्रसंसा गरेका छन् ।

मोफसलमा कार्तिक २१ गतेबाट प्रदर्शन हुने चलचित्र ‘टलकजंग भर्सेस टुल्के’ निर्देशक निश्चल बस्नेतकै कारणले प्रतिक्षित बनेको थियो । सफल चलचित्र ‘लुट’ पछि बस्नेत निर्देशित दोश्रो चलचित्र ‘टलकजंग भर्सेस टुल्के’बाट दर्शकहरु बढी अपेक्षित हुनु पनि श्वभाबिक नै हो । चलचित्र ‘टलकजंज भर्सेस टुल्के’ मा खगेन्द्र लामिछाने, ऋचा शर्मा, दयाहाङ राई, सुशांक मैनाली लगायतको अभिनय छ । षटकोण आर्टस् र ब्ल्याकहर्स पिक्चर्सको संयुक्त ब्यानरमा बनेको यो चलचित्रलाई रामकुमार बनिया, रोजिना सिटौला र सिता श्रेष्ठको पनि लगानी रहेको छ । खगेन्द्र चलचित्रका लेखक समेत हुन् । लप्पन छप्पन नजान्ने एक सोझो गाँउले ठिटोले आफ्नो गुमेको परिचय खोज्न गरेको संघर्षको कथालाई चलचित्रमा उठान गरिएको छ । द्धन्द्धकालिन पृष्ठभूमिमा टुल्के नाम गरेको पात्रले समाजमा आफ्नो अस्तित्व स्थापित गर्न गर्नु परेको संघर्ष नै ‘टलकजंग भर्सेस टुल्के’ को मूल सार हो ।