• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला

फेष्टिबल सफल भएकोमा एनआरएन अष्ट्रेलियाले दियो धन्यवाद



मेलबर्न । एनआरएन अष्ट्रेलिया स्टेट काउन्सिल भिक्टोरियाको आयोजनामा भएको नेपाल महोत्सव २०१४ सफलतापूर्वक सम्पन्न भएकोमा एनआरएन अष्ट्रेलियाले धन्यवाद ज्ञापन गरेको छ ।
एनआरएन अष्ट्रेलियाले विज्ञप्ति निकालेर फेष्टिबल सफल बनाउन भूमिका खेलेका सबै पक्षलाई धन्यवाद ज्ञापन गरेको हो ।
फेष्टिबलमा ३० हजार भन्दा बढिको सहभागीता भएको उल्लेख गर्दै एनआरएन अष्ट्रेलियाका उपाध्यक्ष एवम् नेपाल फेष्टिबल मेलबर्नका संयोजक ऋषि कडेलले फेष्टिबल अभूतपूर्व रुपमा सफल भएकोमा धन्यवाद दिएका हुन् ।
यही नोभेम्बर एक र दुई तारिखमा अष्ट्रेलियाको मेलवर्नस्थित फेडेरेसन स्वायरमा भव्य रुपमा नेपाल फेष्टिबल सम्पन्न भएको थियो ।
एक तारिखमा नेपालमा पर्यटन र लगानी प्रबर्दनका विषयमा विभिन्न कार्यपत्रमाथि गहन छलफल भएको थियो भने गाला डिनरको पनि आयोजना गरिएको थियो । यस्तै, दुई तारिखमा सांस्कृतिक महोत्सव अन्तर्गत नेपाली सांस्कृतिक परेड देखाइएको थियो । मेलवर्नका सडकमा पञ्चेबाजा देखि लाखेनाच सम्मको प्रदर्शन गरिएको थियो ।
मेला संयोजन समिति र एनआरएन अष्ट्रेलिया भिक्टोरिया स्टेट कमिटीको तर्फबाट कडेलले दिएको धन्यवाद ज्ञापनमा प्रायोजनकहरु, नेपाल र अष्ट्रेलियाबाट सहभागी भएका सरकारी अधिकारीहरु, कलाकार, स्वयंसेवकहरु, विभिन्न समूदायका संघ संस्था, क्लबहरु, विभिन्न राज्यबाट मेलबर्न पुगेका अतिथिका साथै मिडियाकर्मी र सहभागी सबैलाई पनि धन्यवाद दिइएको उल्लेख छ ।
सबैको एकताबद्ध सहभागिताले नै मेला सफल बन्न सकेको र आगामी दिनमा पनि यस्तै एकता कायम हुने विश्वास समेत एनआरएन अष्ट्रेलियाले लिएको विज्ञप्तिमा उल्लेख गरिएको छ ।