• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

सार्कको निहुँ पारी काठमान्डौमा बन्ने भए दुर्इ पार्क



काठमाडौं, २० कार्तिक । दक्षिण एसियाली क्षेत्रीय सहयोग संगठन (सार्क) को १८ औं शिखर सम्मेलनको मौकामा दुईवटा पार्क ब्यवस्थित गरिने भएको छ ।
काठमाडौ उपत्यका विकास प्राधिकरणले वर्षौर्देखि बेवारिसे बनेको नारायण चौरमा नन्दीकेशर बगैंचा र कमलपोखरीमा पार्क बनाउन लागेको हो ।
प्राधिकरण नगरि विकास आयुक्त डा।भाइकाजी तिवारीले तीन करोड रुपैंयाँ लागतमा पार्क निर्माण गर्न लागिएको जानकारी दिए ।
‘पार्क निर्माण गर्ने योजना अघिदेखिकै हो’, उनले भने,’पार्क बनाउन सार्कको अवसरलाई छोप्यौं ।’ सार्कमा नेपाल आउने विशिष्ट अतिथिको सवारीलाई समावेश नगरिए पनि साथमा आएका अन्य पाहुना त्यही बाटो भएर आवतजावत गर्ने उनले जानकारी दिए ।
अतिक्रमणका कारण नारायणचौर र कमलपोखरीमा २३(२३ रोपनी जग्गा बाँकी छ । सरकारी र सामाजिक सेवामा रहेका ब्यक्ति र संस्थाले समेत सरकारी जग्गा अतिक्रमण गरेका स्थानीय सर्वसाधारण बताउँछन् ।
नारायणचौरमा बगैंचा निर्माण कार्य सकिने अवस्थामा पुगेको छ भने कमलपोखरीमा सम्पूर्ण निर्माण कार्य सकिन अझै तीन महिना लाग्ने प्राधिकरणले जनाएको छ । आयुक्त तिवारीले कमलपोखरीमा प्रवेशका लागि शुल्कसमेत लिइने जानकारी दिए ।
नारायणचौरमा दूबोका साथै वरिपरि रुख रहनेछ भने बस्नका लागि ठाउँँठाउँमा बेञ्च रहनेछ । त्यस्तै कमलपोखरीमा वरिपरि उद्यानका साथै बीचमा सफा पोखरी हुनेछ । कमलपोखरीमा फाउन्टेन पनि राखिने तयारी रहेको आजको गोरखापत्र दैनिकमा खबर छ ।