• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

दबाबमूलक कविता ‘संविधान बनाऊ’



साहित्य सन्ध्याको ३४३ औँ कार्यक्रमअन्तर्गत शनिबारको कविगोष्ठीमा कविहरुले ‘संविधान बनाऊ’ भन्ने दबाबमूलक कविता पाठ गरे । गोष्ठीमा रामप्रसाद प्रदीप, पूर्ण विराम, अतृप्त पाण्डेय, आनन्दराम पौडेल, कणाद महर्षि, जगन्नाथ आचार्य, ब्रह्मप्रिय प्रेमस्वरूप, पुनाराम गिरी, गोपालकुमार मैनाली, मुकुन्द न्यौपाने, डिल्लीराज अर्याल, गणेश मार्मिक, रामचन्द्र खतिवडा, नारायण निराशी, चेतनाथ धमला, वैरागी जेठा, गोविन्दप्रसाद आचार्य, जयन्ता पोखरेल, नवराज श्रेष्ठ, इन्दु अंशु, गोपाल नेपाल, प्रदीपरत्न शाक्य, रमेश पाल्पाली, स्मीता, रामचन्द्र दाहाल, डिल्लीप्रसाद मूलतिहुन, भारद्वाज मित्र, कालिकोटे अनिश, उर्मिला पन्त पाण्डेय, ऋचा, जेके सायब जारा, अनुप जोशी, पीताम्बर भण्डारी, सुदेश सत्याल, निर्भीक राई, अशोक सुवेदी, गोमादेवी कटुवाल, रश्मि रिमाल, अतीन्द्र दाहाल, र एसपी चौलागाईँलगायत ४३ जनाले आआफ्ना कविता, गीत र गजल प्रस्तुत गरे ।

वाचित सिर्जनामाथि टिप्पणी गर्दै शीतल गिरीले सबै रचनाले नेपाली समाजमा देखिएका वर्तमानका बेथितिप्रति प्रहार गरेका, केही रचनामा आञ्चलिकतासमेत आएको, गणितीय सूत्रका सूत्रात्मक कवितासमेत वाचन भएको, प्रायः कविता उत्कृष्ट रहेका तर वाचन वैशिष्ट्य भने थोरै कविमा मात्र देखिएकाले त्यस पाटामा निकै धेरै ध्यान दिनुपर्ने बताए ।

सन्ध्याका कावा अध्यक्ष रमेश पोखरेलले संविधान निर्माणका लागि दबाब दिन सडक कविता गोष्ठी नै गर्ने योजना बनाइएको जानकारी दिए । सन्ध्याका सदस्य प्रशान्त खरेलले मुलुकको निकासका लागि अत्यावश्यक रहेको संविधान जारी होला भन्ने जनअपेक्षा पूरा हुने सम्भावना नदेखिएको र नेताहरू आआफ्ना स्वार्थमा नै रुमल्लिएको बताउँदै स्रष्टाहरूले सिर्जनाका माध्यमबाट दबाब दिनुपर्ने आवश्यकता बोध गरी विशेषगोष्ठी आयोजना गरिएको जानकारी दिए ।