• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

फ्लोरमा ‘वडा नम्बर ६’



चलचित्र ‘छ एकान छ’को सफलतापछि निर्मातात्रय दीपकराज गिरी, दीपाश्री निरौला र निर्मल शर्माले ‘वडा नम्बर ६’को छायाँङ्कन सुरु गरेका छन् । काठमाण्डौको जोरपाटी स्थित चापागाँई स्टूडियोमा कलाकाहरु दीपकराज गिरी, दयाहाङ राई, अरुणा कार्की, प्रियंका कार्की लगायतले पहिलो टेक दिएका छन् । धुलिखेलबाट चलचित्रको छायांकन सुरु गर्ने योजना रहेपनि सार्क सम्मेलनमा देखिएको सवारीको समस्याका कारण काठमाण्डौ भित्रैबाट छायांकन आरम्भ गरिएको निर्माता गिरीले बताए । केही सातापछि काठमाण्डौ बाहिर जाने योजना निर्माणपक्षको छ ।

चलचित्रमा ‘छ एकान छ’का कलाकार जितु नेपाल, केदार घिमिरे, सिताराम कट्टेल दोहोरिएका छन् भने किशोर खतिवडा, शिवहरी पौडेल र विल्सन विक्रम राई भने अतिथी भूमिकामा देखिदैछन् । चलचित्रको छायांकन ४० दिनसम्म चल्ने निर्माणपक्षले जनाएको छ ।

उज्जवल घिमिरेले निर्देशन गरिरेको यस चलचित्रमा सुगम पाख्रेल, बसन्त सापकोटा, राजनराज शिवाकोटी र दिपक शर्माको संगीत रहनेछ । चलचित्रमा चारवटा गीत रहनेछन जसमा अन्जु पन्त, सुगम पोख्रेल, प्रल्हाद तिमल्सिना, प्रिती कौर लगायत गायक गायिकाको आवाज सुन्न पाईनेछ ।