• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   जीर्ण महोत्तरी कारागारको तत्काल जीर्णोद्धार थाल्न सुझाव ★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा

व्रिसवेनमा दशककै शक्तिशाली आँधी, ५० हजार घर अन्धकार



व्रिसवेन । क्वीन्सल्याण्डको दक्षिण पश्चिमी क्षेत्र व्रिसवेनमा आएको दशककै ठूलो आँधीका कारण जनजीवन अस्तव्यस्त भएको छ ।
१ सय ४० किलोमिटर प्रतिघण्टाको गतिमा आएको आँधीका कारण लाखौं डलरको क्षति भएको छ भने मानवीय क्षतीको विवरण आइसकेको छैन । यद्यपि स्थानीय प्रहरीले अहिलेसम्म मानवीय क्षति नभएको दावी गरेको छ । प्रहरीका अनुसार घटनामा १२ जना घाइते भएका छन् । आँधी सँगै ठूला ठूला असिना पनि परेपछि जनजीवन अस्तव्यस्त बनेको थियो ।
ठूलो प्राकृतिक विपद आएपछि सरकारले उद्दार र सफाईका निम्ति सेना परिचालन गर्ने निर्णय गरेको छ । आँधीका कारण अझै ५० हजार घरहरु अन्धकार भएका छन् । त्यहाँ रहेका लाखौं स्थानीयहरुले विजुलीविना नै रात कटाउनु परेको छ ।
कयौं यातायातका साधनहरुमा क्षति पुगेको छ ।
ब्रिसबेनको मुख्य केन्द्रसहित अन्य ठाउँको क्षतिको विवरण संकलन कार्य जारी रहँदा कम्तिमा १ सय मिलियन डलरभन्दा बढीको क्षती भएको अनुमान छ ।
गर्मीको मौसममा समेत यस किसिमको आँधी, हावाहुरी र साथै असिना पर्दा स्थानीयहरु अन्यौलमा परेका छन् । जलवायु परिवर्तनका कारण यस्तो भएको हुन सक्ने विज्ञहरुको अनुमान छ ।
सरकारले विद्युत सुचारु गर्ने प्रयत्न गरिरहेको छ । जस अनुसार १ सय २० जना कर्मचारी यसैमा खटिएको स्थानीय सरकारले जनाएको छ ।