• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   चार्जिङ स्टेशनमा लगानी बढाउन लगानी कर्ताहरुलाई कुलमानको आह्वान ★   बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ: प्रधानमन्त्री ★   लोकमार्ग छेउछाउमा बढ्दै बस्ती ★   राष्ट्रिय सभाका उपाध्यक्ष उर्मिला अर्यालबाट राजीनामा ★   स्वास्थ्य क्षेत्रको सुधार गर्न भन्दै रास्वपाले स्वास्थ्यमन्त्री यादवलाई बुझायो २६ बुँदे सुझाव ★   महिलामैत्री बजेट ल्याउन सम्बन्धित मन्त्रालयसँग छलफल जारी छ: मन्त्री चौधरी ★   कोभिड निगरानीका लागि विश्व स्वास्थ्य संगठनद्वारा विश्वव्यापी सञ्जाल सुरु ★   वीरगञ्ज भन्सारद्वारा आठ महिनामा एक अर्ब राजस्व सङ्कलन ★   सौराहाको रोजगारी र आयको मुख्य स्रोत पर्यापर्यटन ★   पहिलो दिनको एसइई परीक्षा शान्तिपूर्ण रूपमा सम्पन्न

मेसीको ह्याट्रिकमा बार्सिलोना विजयी




एजेन्सी, २२ मंसिर । अर्जेन्टिनी तथा वार्सिलोनाका स्ट्राइकर लियोनेल मेसीको ह्याट्रिकसँगै वार्सिलोनाले स्पानियोललाई ५–१ ले हराएको छ ।
गएराती भएको खेलमा वार्सिलोनाले स्पानियोललाई हराएको हो ।
जितसँगै बार्सिलोना ३४ अंकसहित लिग अंक तालिकाको दोश्रो स्थानमा उक्लिएको छ ।
पहिलो स्थानको रियल म्याड्रिडको ३६ अंक छ । १३ औं मिनेटमा गोल खाएर पछि परेको बार्सिलोनाका लागि मेसीले पहिलो हाफ सकिनै लाग्दा गोल गर्दै खेल बराबरीमा ल्याए । खेलको दोस्रो हाफमा भने वार्सिलोनाले थप चार गोल गर्न सफल भयो । जसमा मेसीले थप दुई गोल गरी ह्याट्रिक पुरा गरे ।
मेसीले ५० औं र ८१ औं मिनेटमा गोल गर्दै ला लिगामा ह्याट्रिक संख्या २१ पुर्‍याए । बार्सिलोनाका लागि जेरार्ड पिकेले ५३ औं र सब्सिच्युटका रुपमा ७० औं मिनेटमा मैदान छिरेको ७ मिनेटपछि पेड्रोले एक गोल गरे ।
मेसीले जारी प्रतियोगितामा प्रतिस्पर्धी रियल म्याड्रिडका स्टाइकर क्रिस्टियानो रोनाल्डोलाई पछ्याईरहेका छन् ।
आइतबार रातीको खेलमा इस्पानियोलविरुद्ध ह्याट्रिक गरेका मेसीको लालिगामा ह्याट्रिक संख्या २१ पुगेको छ । शनिबार रातीको खेलमा रोनाल्डोले २३ औं ह्याट्रिक गरेका थिए ।
भिल्ला रियल र सेभिल्ला बिजयी
स्पेनिस ला लिगाका आइतबार रातीकै अरु खेलमा भिल्ला रियल र सेभिल्ला बिजयी भएका छन् । भिल्ला रियलले रियल सोसिडाडलाई ४–० ले हरायो । सेभिल्लाले भने रायो भलकानोलाई १–० ले पराजित गर्‍यो । ग्रानडा र भ्यालेन्सियाबीचको खेल एक एकको बराबरीमा सकियो ।