• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी ★   चैते धानमा किसानको आकर्षण बढ्दै ★   खेतालालाई दिने ज्याला नपुग्ने भएपछि बगानमै छाडियो कुचो ★   हवाई टिकटमा १३ प्रतिशत अतिरिक्त कर व्यवस्थाले पर्यटन क्षेत्र निरुत्साहित भयो: अध्यक्ष ढकाल ★   मुम्बई लगातार दुई खेलमा पराजित भएपछि कप्तान पाण्ड्याको आलोचना ★   एमडीएमएस खरिद प्रकरण: दूरसञ्चार प्राधिकरणका २० जनाविरुद्ध मुद्दा दायर ★   प्रतिस्पर्धाको अभावले अष्ट्रेलियाको जीवनस्तर तथा उत्पादकत्वमा गिरावट: रिपोर्ट ★   नेप्से परिसूचकमा सामान्य अङ्कको वृद्धि

४६ विद्यार्थीले पाए अष्ट्रेलियामा छात्रबृति



काठमाडौं । नेपालमास्थित अस्ट्रेलियन दूतावसले ४६ जना नेपाली विद्यार्थीहरुलाई यस वर्षको छात्रबृत्ति र विद्धत्वबृत्ति दिएको छ ।
सन् २०१५ मा अष्ट्रेलियामा उच्चशिक्षा अध्ययनका लागि ४६ जना नेपाली विद्यार्थीलाई यो पुरस्कार दिइएको हो ।
राजधानीमा भएको कार्यक्रममा मुख्य सचिव लीलामणि पौडेल र नेपालका लागि अस्ट्रेलियन राजदूत ग्लेन वाइटले संयुक्त रुपमा नेपाली विद्यार्थीहरुलाई छात्रवृत्ति प्रदान गरे ।
छात्रबृत्ति प्रदान कार्यक्रममा मुख्यसचिव पौडेलले विकसित मुलुकमा यस प्रकारले उच्च शिक्षा लिन पाउने नेपालीले फर्केर स्वदेशको विकासमा आफूलाई समर्पित गर्नुपर्ने बताए । उनलेले छात्रबृति पाएका विद्यार्थीहरुको अध्ययन सफलताको शुभकामना दिए ।
अष्ट्रेलियन राजदुत ग्लेन वाइटले छात्रबृति कार्यक्रमले नेपालमा उच्च शैक्षिक जनशक्ति भित्र्याउन मद्दत गर्ने बताए । उनले आगामी वर्षहरुमा छात्रबृतिको कोटाहरु बढाउँदै लगिने जानकारी दिए ।
शिक्षा, जिविकोपार्जन, सार्वजनिक नीति, प्राकृतिक स्रोत ब्यवस्थापन, वन ब्यवस्थापन, बाल मनोविज्ञान र अपाङ्गताजस्ता विषयमा नेपाली विद्यार्थीहरुले अष्ट्रेलियन विश्वविद्यालयमा अध्ययन गर्ने गरेका छन् ।
छात्रबृति पाएका ४६ जनामध्ये २० जना महिला र १० जना सरकारी कर्मचारीहरु रहेका छन् । हरेक वर्ष अष्ट्रेलियन सरकारले नेपाली विद्यार्थीहरुलाई उच्च शिक्षा अध्ययन गर्नका लागि छात्रबृति दिदै आएको छ ।
यस्तो छात्रबृति स्नातकोक्तर र पिएचडी तहको अध्ययनको लागि प्रदान गर्ने गरिन्छ । अष्ट्रेलियन सरकारले तीन महिनादेखि एक वर्ष अवधिका छोटो तालिमहरु पनि उपलब्ध गराउँदैं आएको छ ।
अस्ट्रेलियन सरकारले सन् १९६० देखि हालसम्म करिब ५०० भन्दा बढी नेपालीलाई छात्रबृत्तिको सुविधा प्रदान गरिसकेको छ । यस बाहेक पनि पछिल्लो समय धेरै नेपाली विद्यार्थीहरु अष्ट्रेलियामा अध्ययनका लागि निकै आकर्षित हुने गरेका छन् ।