• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   धैरे पटक चुनाव हारेर रेकर्डः २३८ पटक चुनाव लडेर हारेका नेताजी फेरि चुनाव लड्दै ★   झापा पुगेर गृहमन्त्रीले भने- पीडकसंग प्रशासन-प्रहरीको हिमचिम अन्त्य हुनैपर्छ ★   देशको अर्थतन्त्र गत वर्षजस्तो सङ्कटमा छैन: प्रधानमन्त्री दाहाल ★   आयरल्याण्ड ‘ए’ ले नेपाल ‘ए’ लाई दियो २२३ रनको विशाल लक्ष्य ★   प्रेस सेन्टरले गर्यो मिलन लिम्बूलाई बर्खास्त ★   कपनबाट पेस्तोलसहित एकजना पक्राउ ★   लगानी सम्मेलनमा प्रदेशका आयोजनाको छुट्टै स्टल ★   कोहली भर्सेस स्टार्कः दुबैलाई एक–अर्काको चिन्ता ★   राजस्थानलाई जिताउने पराग ज्वरो आएर तीन दिन विस्तारामा सुतेका थिए, पेनकिलर खाएर खेले ★   जुगल हिमाल आरोहणको अन्तिम तयारीमा

आत्मघाती आक्रमणको संयुक्त राष्ट्रद्धारा गहिरो चिन्ता



संयु्क्त राष्ट्रसंघ, २६ मंसिर । अफगानिस्तानको राजधानी काबुलमा बिहीबार भएको दुई वटा आत्मघाती बम आक्रमणको संयुक्त राष्ट्रसंघद्वारा गहिरो चिन्ता व्यक्त गरेको छ । संयुक्त राष्ट्र सङ्घीय सुरक्षा परिषदद्वारा एक विज्ञप्ति प्रकाशित गरी यस आक्रमणको कडा शब्दमा निन्दा गरेको छ ।
सो आक्रमणहरुमा एक विदेशी नागरिक र ६ अफगान सैनिकको मृत्यु भएको थियो । पहिलो आक्रमण बिहीबार बिहान स्थानीय समयानुसार ७ः१५ बजे काबुलको बाहिरी इलाकामा पर्ने ताङ्गी तराखील क्षेत्रमा अफगान सैनिकलाई लिएर गइरहेको एक बसलाई लक्षितगरी भएको थियो । सो आक्रमणमा ६ सैनिकको मृत्यु भएको थियो ।
त्यसैगरी बिहीबार अपराह्नमा भएको अर्को आत्मघाती आक्रमण फ्रान्सको सहयोगार्थ सञ्चालनमा रहेको एक माध्यामिक विद्यालयलाई लक्षितगरी भएको थियो ।
अफगान सैनिकको एक बस लक्षित आक्रमणको केही घण्टापछाडी नै इस्तिक्लाल विद्यालयमा भएको उक्त आक्रमणमा एक विदेशी नागरिकको मृत्यु हुनुको साथै अन्य सातजना घाइते भएका थिए ।
तालिवान आतङ्ककारी समूहका प्रवक्ता जाबिहुल्लाह मुजाहिदले यी आक्रमणहरुको जिम्मा तालिवान समूहले लिएको सञ्चारमाध्यमलाई जानकारी दिएका थिए । आगामी डिसेम्बर ३१ बाट नेटो सैनिकले आफ्नो लडाकूको भूमिकालाई परिवर्तन गरी सहयोगको भूमिका निभाउने भएको छ ।
त्यसैगरी अफगानिस्तानमा तालिवान आतङ्ककारीसँगको लडाइँमा सन् २०१० मा एक लाख ३० हजार सैनिक रहेकामा सो सङ्ख्या झरेर १२ हजार ५०० मा आउने भएको छ । अर्थात् यसै महिनाको अन्त्यबाट अफगानिस्तानमा रहेका नेटो आवद्ध प्रायः सैनिकले अफगानिस्तान छोड्ने छन् ।
सन् २०१५ बाट नेटो आबद्ध १२ हजार ५०० सैनिक मात्र अफगानिस्तानमा बाँकी रहने भएका छन् । ती नेटो सैनिकले पनि अफगान सैनिकलाई तालिम, सल्लाह जस्ता कार्यमा मात्र सहयोग गर्ने छ । सोही कारण पनि अफगानिस्तानमा सुरक्षाको जिम्मा अफगान सैनिकमा नै आएको छ । तर पछिल्लो समयमा अफगानिस्तानको सरकारले यो कारबाहीका लागि त्यहाँको प्रहरीलाई अघि सार्न थालेको छ । पछिल्लो समयमा तालिवानले पनि अफगानिस्तानका विभिन्न स्थानमा अफगान र विदेशी सुरक्षाकर्मी र सरकारी अधिकारीलाई लक्ष्यगरी आक्रमणलाई तीव्र पारेका छन् ।