• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   घुमघामको गन्तव्य टौदह: काठमाडौं उपत्यकाकै सबैभन्दा ठूलो प्राकृतिक ताल-फोटो फिचर ★   विस्तारित स्वास्थ्य सेवामा पहुँच बढाउन अमेरिकाद्वारा करिब १६ करोड रुपैयाँको धनुषा प्रसूति केन्द्रको हस्तान्तरण ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छ: पूर्वराष्ट्रपति भण्डारी ★   चैत २३ र २४ गते लुम्बिनीमा अन्तर्राष्ट्रिय शान्ति मेला ★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ

जाडोबाट जोगाउन फोरम नेपालको माग



काठमाडौं, २८ मंसिर । मधेसी जनअधिकार फोरम, नेपालले शीतलहरका कारण बढेको अत्याधिक जाडोबाट जनतालाई जोगाउन सरकारसँग माग गरेको छ । यस्तै आफ्नो क्षेत्रबाट सघाउन विभिन्न संघसंस्थाहरुलाई पनि फोरम नेपालले आग्रह गरेको छ ।
फोरम, नेपालका अध्यक्ष उपेन्द्र यादवले आज विज्ञप्ति निकालेर विभिन्न न्यानो लुगा, आगो ताप्ने दाउरा र प्रभावित क्षेत्रमा औषधी उपचार लगायतको यथाशीर्घ व्यवस्था गर्न स्थानीय प्रहरी–प्रशासनसंग जोडदार माग गरेका छन्
विज्ञप्तिमा शीतलहर प्रभावित क्षेत्रमा न्यानो लुगा कपडा र आगो ताप्ने दाउराको उपलब्ध गराउन आ–आफ्नो क्षेत्रबाट सहयोग गरिदिन विभिन्न सामाजिक संघसंस्था, राजनीतिक दल र स्थानीयवासीसंग पनि अनुरोध गरिएको छ ।
मधेशका जिल्लाहरुमा अत्याधिक चिसोसँगै शीतलहर सुरु भइसकेको भन्दै विज्ञप्तिमा बिहानपख लाग्ने बाक्लो हुस्सु, दिउँसोको तुवाँलो र हावाका कारण मधेश क्षेत्रको जनजीवन कष्टकर बन्दै गएको उल्लेख छ । एक हप्तादेखि मौसम बदली हुँदा जाडोमा बिहान उठेर कामधन्दामा हिंड्नुपर्नेहरुलाई सास्ती भएको विज्ञप्तिमा लेखिएको छ ।
विज्ञप्तिमा भनिएको छ–‘धनुषा, सिरहा, सप्तरी, रौतहट, बारा, सर्लाही, महोत्तरी, पर्सा, कपिलबस्तु, बाँके र बर्दिया सहित मधेशका अन्य जिल्लामा बिहानैदेखि बाक्लो हुस्सु लाग्नुका साथै शीतलहर बढेको कारण अत्याधिक जाडो भएकाले जनजीवन कष्टकर बनेको छ । चिसो बढेसँगै न्यानो कपडा र आगो ताप्ने व्यवस्था गर्न स्थानीयले माग गर्न थालेका छन् । यसपटक मधेशका जिल्लाहरुमा छिट्टै शीतलहर सुरु भएकोले स्थानीय संकटमा परेका छन् ।’
जाडो मौसममा बालबालिकालाई श्वासप्रश्वासमा समस्या देखिने, बृद्धबृद्धाहरुमा जाडोले कठ्यांगिने र हाड जोर्नी दुख्ने समस्या हुनेहुँदा सचेत हुनुपर्ने भन्दै शीतलहरका कारण रौतहट लक्ष्मीनियाँ–२ मुसहरी टोलका ५० वर्षका भोला माझीको कठ्यांग्रिएर मृत्यु भइसकेको फोरम नेपालले जानकारी दिएको छ ।




भर्खरै