• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी ★   चैते धानमा किसानको आकर्षण बढ्दै ★   खेतालालाई दिने ज्याला नपुग्ने भएपछि बगानमै छाडियो कुचो ★   हवाई टिकटमा १३ प्रतिशत अतिरिक्त कर व्यवस्थाले पर्यटन क्षेत्र निरुत्साहित भयो: अध्यक्ष ढकाल ★   मुम्बई लगातार दुई खेलमा पराजित भएपछि कप्तान पाण्ड्याको आलोचना ★   एमडीएमएस खरिद प्रकरण: दूरसञ्चार प्राधिकरणका २० जनाविरुद्ध मुद्दा दायर

हिमपातले जनजीवन कष्टकर



मुस्ताङ, २८ मंसिर । हिमपातका कारण यस जिल्लाको जनजीवन कष्टकर बनेको छ । मुस्ताङको तापक्रम अहिले माइनस २ डिग्री सेल्सियसमा झरेको छ ।
सर्वसाधारण जनता बाहिर निस्कन सकिरहेका छैनन् । सरकारी कार्यालय सुनसान भएका छन् । चिसोले सदरमुकाम जोमसोमका होटल र पसल एकदमै कम खुलेको स्थानीय कुलबहादुर थकालीले जानकारी दिए । बाहिर निस्केकाहरु चोकमा आगो बालेर बसिरहेका छन् । चिसोले मुस्ताङमा कुनै पनि उडान हुन सकिरहेको छैन ।
“शनिबार रातिदेखि हिउँ पर्न त रोकिएको छ, तर चिसो झनै बढेको छ, थकालीले भने – “हामीलाई बाहिर निस्कन समस्या परिरहेको छ ।” पानीसँगै शनिबार दिउँसो २ बजेदेखि हिमाली जिल्ला मुस्ताङका सबै भूभागमा हिमपात भएको थियो । उपल्लो मुस्ताङको चराङ, सुर्खाङ, घमी, लोमान्थाङ, छुसाङ र छोण्हुपलगायतका गाविसमा भने अझै हिउँ पग्लन सकेको छैन ।
जिल्ला प्रहरी कार्यालय मुस्ताङका अनुसार, अन्य क्षेत्रमा हिउँ पग्लिन सुरु भए पनि उपल्लो क्षेत्रमा हिमपात जारी छ । सदरमुकाम जोमसोम, कागबेनी, मार्फालगायत तल्लो क्षेत्रमा हिउँ पग्लन सुरु भएको प्रहरी सहायक निरीक्षक खिम जिसीले जानकारी दिनुभयो । हिमपातका कारण जोमसोम–बेनी सडकमा सवारी साधन सञ्चालन आउन सकेका छैनन् ।