• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

शुल्क वृद्धिको विरोधमा क्याम्पसहरुमा तालाबन्दी



कपिलवस्तु, २८ मङ्सिर । शुल्क वृद्धिको विरोध गर्दै विद्यार्थी सङ्गठनहरुले जिल्लाका सबै क्याम्पसमा संयुक्त रुपमा तालाबन्दी गरेका छन् । क्याम्पसले गरेको ५० प्रतिशत भन्दा अधिक शुल्क वृद्धिको विरोधमा जिल्लाका सातवटा क्याम्पसमा एकैसाथ तालाबन्दी गरिएको अनेरास्ववियुका जिल्ला सचिव प्रकाश गौतमले बताए ।
तालाबन्दी अघि विद्यार्थी सङ्गठनले विद्यार्थीको पठनपाठनलाई अवरोध नहुने गरी शुल्क वृद्धि फिर्ताको माग गर्दै विभिन्न कार्यक्रम सञ्चालन गरेका थिए ।
क्याम्पस प्रमुखलाई कालो झन्डा देखाउने, लेखा शाखामा तालाबन्दी, क्याम्पस प्रमुखलाई कार्यकक्ष प्रवेशमा रोकलगायतका दबाबमूलक कार्यक्रमहरु सञ्चालन गर्दा पनि आफूहरुको माग सुनुवाइ नभएपछि बाध्य भएर तालाबन्दी गर्नुपरेको अनेरास्ववियुका सचिव गौतमले बताए ।
विद्यार्थी सङ्गठनसँग कुनै किसिमको सुझाव माग र समन्वय नगरी एकाएक गरिएको शुल्क वृद्धि फिर्ता नहुन्जेल ताला नखोलिने नेपाल विद्यार्थी सङ्घ कपिलवस्तुका सभापति राकेश पाण्डेले बताए । सभापति पाण्डेले शुल्क वृद्धिको विरोधमा सम्पूर्ण विद्यार्थी एकजुट भई क्याम्पस प्रशासनको विरोधमा उत्रन आह्वानसमेत गरे ।