जुम्ला, साउन ३०÷ विशेष अधिकारसहितको कर्णाली राज्यको माग गर्दै जुम्लाका बालबालिकाहरुले अद्र्धनग्न जुलुस प्रदर्शन गरेका छन् ।
जुम्ला सदरमुकाम खलङ्गामा शनिवार १ देखि १६ वर्षसम्मका सयांै बालबालिका सडकमा अद्र्धनग्न रुपमा विरोध प्रदर्शनमा सहभागी भएका थिए । बालबालिकाले ‘हाम्रो भविश्य अन्धकार छ, सरकारले सर्वश्व लुटेको छ’ जस्ता नारा लगाएका थिए । उनीहरुले विरोधमा कालो चस्मा लगाएका थिए । बन्दका कारण बालबालिका विद्यालय जान पाएका छैनन् । संघीय संरचनामा कर्णालीलाई सुदूरपश्चिममा मिसाएको भन्दै सात दिनदेखि कर्णालीका विभिन्न जिल्लामा विशेष अधिकारसहितको स्वायत्त कर्णाली प्रदेशको माग गर्दै प्रर्दशन जारी छ । प्रदर्शनमा जुम्लाको एक नगरपालिकाका र २६ वटा गाविसको गाउँ–गाउँबाट सर्वसाधारण सडकमा उत्रिएका छन् । कर्णाली अञ्चलका हुम्ला, मुग, कालिकोट र डोल्पामा पनि बन्द कायमै छ ।
