• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक ★   विश्वकै लामो फिल्म, जसलाई हेर्न ३ दिन बढी समय लाग्ने ★   धैरे पटक चुनाव हारेर रेकर्डः २३८ पटक चुनाव लडेर हारेका नेताजी फेरि चुनाव लड्दै ★   झापा पुगेर गृहमन्त्रीले भने- पीडकसँग प्रशासन-प्रहरीको हिमचिम अन्त्य हुनैपर्छ ★   देशको अर्थतन्त्र गत वर्षजस्तो सङ्कटमा छैन: प्रधानमन्त्री दाहाल ★   आयरल्याण्ड ‘ए’ ले नेपाल ‘ए’ लाई दियो २२३ रनको विशाल लक्ष्य

सभामुखद्वारा गृहमन्त्रीलाई निर्देशन



काठमाडौं, साउन ३१। सभामुख सुवासचन्द्र नेम्वाङले गृहमन्त्री बामदेव गौतमलाई आन्दोलनको क्रममा सरकारको भूमिकाबारे संसदलाई जानकारी दिन निर्देशन दिनु भएको छ ।
संसदको आजको बैठकमा विशेष समय लिएर सांसदहरुले शान्तिपूर्ण आन्दोलनमा प्रहरीले दमन गरेको भन्दै सरकारको जवाफ मागेपछि सभामुख नेम्वाङले राजधानी लगायत देशका विभिन्न जिल्लामा आन्दोलनमा क्रममा सरकारले गरेको काम कारबाहीबारे संसदको अर्को बैठकमा जानकारी दिन गृहमन्त्रीलाई निर्देशन दिनु भएको हो ।
संसद बैठकमा राप्रपा नेपालका प्रमुख सचेतक दिलानाथ गिरीले सरकारी दमनबारे गृहमन्त्रीले माफी माग्नुपर्ने अन्यथा सभाको कारबाही अघि नबढ्ने चेतावनी दिएपछि राप्रपा नेपालका सांसदहरुले उठेर विरोध जनाएका थिए । त्यसपछि सभामुख नेम्वाङले गृहमन्त्रीको जवाफ माग्नु भएको थियो । संसद बैठकको
संसदमा फोरम लोकतान्त्रिकका सांसद जनक चौधरी र लालबाबु रावतले पनि सरकारले आन्दोलनकारीलाई दबाउन खोजेको भन्दै आपत्ति जनाएका थिए ।
आजको संसद बैठकमा स्वास्थ्यमन्त्री खगराज अधिकारीले प्रस्तुत गरेको पोखरा स्वास्थ्य विज्ञान प्रतिष्ठान विधेयक, २०७१ र मानव शरीरको अङ्ग प्रत्यारोपण (नियमित तथा निषेध) (पहिलो संशोधन) विधेयक, २०७२ लाई दफावार छलफलका लागि सम्बन्धित समितिमा पठाइयोस् भन्ने प्रस्ताव सर्वसम्मत् रुपमा पारित भएको थियो ।
संसदको आजको बैठकमा पनि विनियोजन विधेयक, २०७२ को विभिन्न शीर्षकहरुमध्ये शहरी विकास, सिंचाई, सूचना तथा सञ्चार, शिक्षा र वन तथा भू–संरक्षण मन्त्रालयका विभिन्न शीर्षकहरुमाथि सांसदले धारणा राख्ने क्रम शुरु भएको छ ।