• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला

एक सय दुई वर्षीया वृद्धालाई जबर्जस्ती करणी गर्नेलाई १० वर्ष कैद



काठमाडौँ, ४ भदौ । सर्वोच्च अदालतले १०२ वर्षकी वृद्धालाई जबर्जस्ती करणी गरेको आरोप लागेका कुमार कामी भन्ने कुम्भबहादुर सुनारलाई १० वर्ष कैद गर्ने फैसलालाई सदर गरेको छ । 

धादिङ जिल्ला अदालतले १० वर्ष कैद गरी पीडितलाई रु ५० हजार भराउने गरी भएको फैसलालाई पुनरावेदन अदालत, पाटनले सदर गरेपछि सर्वोच्च अदालत सुनार पुगेका थिए ।

सर्वोच्च अदालतका न्यायाधीशद्वय दीपकराज जोशी र गोविन्दकुमार उपाध्यायको संयुक्त इजलासले बिहीबार सुनारले १०२ वर्षकी वृद्धालाई जबर्जस्ती करणी गरेकै ठहर गरी १० वर्ष कैद गरी रु ५० हजार जरिवाना गर्ने फैसला गरेको हो ।

विसं २०६६ वैशाख २४ गते राति १२ बजे धादिङ जिल्ला बैरेनी गाविस बेल्खु बस्ने १०२ वर्षकी वृद्धाले सोही ठाउँ बस्ने रामबहादुर दमाईं र कुम्भबहादुरले आफूलाई जबर्जस्ती करणी गरेको भन्ने आरोप लगाई प्रहरीमा जाहेरी दरखास्त दिनुभएको थियो ।

उनीहरुले ती वृद्धालाई करणी गरेको भन्ने विभिन्न प्रमाणका आधारमा जिल्ला सरकारी वकिलको कार्यालय धादिङले सोही जिल्लाको जिल्ला अदालतमा मुद्दा दायर गरेपछि सो मुद्दा सर्वोच्च अदालतसमक्ष आइपुगेको हो ।

सोही विषयलाई आरोपितमध्ये सुनार मात्र सर्वोच्च अदालतमा आएका हुन् । अर्का आरोपित रामबहादुर पुनरावेदन अदालतकै फैसलामा चित्त बुझाई सर्वोच्च आएका थिएनन् ।

जबर्जस्ती करणी गरेको राति आरोपित कुम्भबहादुर र रामबहादुरले रक्सी सेवन गरी घर जाने क्रममा वृद्धा बसेको गोठमा गएका थिए । भोलिपल्ट ती वृद्धाले आपूmलाई ती दुईले जबर्जस्ती गरेको भनी गाउँलेलाई बताएकी थिइन् ।

आरोपित दुबैजना कारागार कार्यालय, धादिङमा थुनामा रहेका छन् । उनीहरु अब अदालतको फैसला बमोजिम १० वर्ष कैदमा बस्नुपर्ने भएको छ । रासस