• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

बर्दियामा बाढीको खतरा, घर भत्किएर एकको मृत्यु



बर्दिया, ४ भदौ । बबई नदीमा पानीको सतह बढेपछि बाढी आउन सक्ने भन्दै सतर्कता अपनाउन जिल्ला प्रशासन कार्यालयले अनुरोध गरेको छ । 

बबईको पानीको सतह मापन केन्द्र चेपाङमा राति ३ बजेदेखि पानीको सतह बढेर ५.७० मि पुगेकाले नदी आसपासका सबै जनतालाई सतर्कता अपनाउन माइकिङ र स्थानीय रेडियोमार्फत अनुरोध गरिएको हो ।

बबईको पानी मापनकेन्द्र चेपाङमा पानीको सतह ५.५० सतर्कताको स्तर र ६.१० मि खतराको स्तर हो ।
आज अपराह्नसम्म चेपाङमा पानीको सतह घट्दै गएको छ । पानीको सतह घट्दै गए पनि बिहानको पानीको प्रभाव दिउँसोसम्म पर्ने भएकाले सतर्कता अपनाउन प्रशासनले अनुरोध गरेको छ ।

गए राति परेको अविरल वर्षात्का कारण घर भत्किएर बासगढी नगरपालिका वडा नं ११ माछागढका ६० वर्षीय दुर्जन थारुको मृत्यु भएको जिल्ला प्रहरी कार्यालयले जनाएको छ ।

प्रशासनको अनुरोध र पानीको सतह बढ्दै गएपछि बिहानै नदी आसपासका स्थानीयवासी सुरक्षित ठाउँमा सर्न थालेका छन् । बबई आपसपासका बगनाह, बनियाभार, पदनाह, धधबार र गुलरियाका जनतालाई बिहानैदेखि सतर्कता अपनाउन अनुरोध गरिएको र बाढीको सम्भावित क्षेत्रमा उद्धारका लागि सुरक्षाकर्मी परिचालन गरिएको प्रजिअ एवम् दैवीप्रकोप उद्धार समितिका संयोजक विनोदबहादुर कुँवरले बताउनुभयो । रासस