• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

बिरामीलाई डोको र पिठ्यूँमा बोकेर स्वास्थ्य चौकी



कञ्चनपुर, ५ भदौ । कञ्चनपुर डडेल्धुराको सीमा क्षेत्रमा पर्ने जोगबुढा नगरपालिका–११ पलगढीका बासिन्दाले स्वास्थ्य सेवा लिनका लागि आठ घन्टा पैदल हिँड्नुपर्ने बाध्यता रहेको छ । बिरामीलाई डोको र पिठ्यूँमा बोकेर यहाँका बासिन्दाले उपचारका लागि स्वास्थ्य चौकी पु¥याउने गरेका छन् । 

गाउँमा सडक नपुग्दा र स्वास्थ्य चौकी नहुँदा उपचारका लागि सास्ती खेप्दै आएको स्थानीय मोहनबहादुर ऐरले बताउनुभयो । टाढाको स्वास्थ्य चौकीमा बिरामीलाई पु¥याउन नसक्दा कयौँको बाटोमै ज्यान जाने गरेको छ उहाँले भन्नुभयो, “जोगबुढामा रहेको स्वास्थ्य चौकी पुग्नका लागि आठ घन्टा लाग्ने र तराईको झलारी पुग्नका लागि छ घन्टा लाग्ने गरेकाले बिरामीले उपचार नपाएरै ज्यान फाल्नु पर्ने अवस्था छ ।”

गाउँमै स्वास्थ्य चौकी स्थापनाका लागि नगरपालिकादेखि मन्त्रालयसम्म पुग्दासमेत समस्या समाधान हुन नसकेको स्थानीयको भनाइ रहेको छ ।

“नगरपालिका घोषणा गरिए पनि सडक, खानेपानी, विद्युत् र स्वास्थ्य चौकी नहुँदा आधारभूत सेवा सुविधाविहीन अवस्थामा बस्दै आएका छौँ”ं स्थानीय ईश्वर नेपालीले भन्नुभयो । विसं १९१५ देखि त्यस क्षेत्रमा ६० बढी परिवार बस्दै आएका छन् । रासस