• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी ★   चैते धानमा किसानको आकर्षण बढ्दै ★   खेतालालाई दिने ज्याला नपुग्ने भएपछि बगानमै छाडियो कुचो ★   हवाई टिकटमा १३ प्रतिशत अतिरिक्त कर व्यवस्थाले पर्यटन क्षेत्र निरुत्साहित भयो: अध्यक्ष ढकाल ★   मुम्बई लगातार दुई खेलमा पराजित भएपछि कप्तान पाण्ड्याको आलोचना ★   एमडीएमएस खरिद प्रकरण: दूरसञ्चार प्राधिकरणका २० जनाविरुद्ध मुद्दा दायर ★   प्रतिस्पर्धाको अभावले अष्ट्रेलियाको जीवनस्तर तथा उत्पादकत्वमा गिरावट: रिपोर्ट

औद्योगिक करिडोरमा रु चार अर्ब घाटा



वीरगन्ज, भदौ ६ । प्रादेशिक सीमाङ्कनप्रति असन्तुष्टि जनाउँदै एक सातादेखि जारी बन्दले वीरगन्ज–पथलैया औद्योगिक करिडोर क्षेत्रमा झन्डै रु चार अर्ब बराबरको घाटा भएको छ ।

वीरगन्ज उद्योग वाणिज्य सङ्घका अनुसार यो क्षेत्रका उद्योग, व्यापार, विद्युत्, टेलिफोन, शिक्षण संस्था, होटल व्यवसाय, कृषि क्षेत्र र श्रम बजारमा एक दिनमात्र बन्द हुँदा करिब रु ५६ करोड बराबरको नोक्सानी हुने गरेको वीरगन्ज उद्योग वाणिज्य सङ्घका अध्यक्ष प्रदीप केडियाले बताउनुभयो ।
नेपाल उद्योग वाणिज्य महासङ्घका केन्द्रीय सदस्य अशोक टेमानीले माग भए अनुसारको सामान समयमै बजारसम्म पु-याउन नसकिरहेको बताउनुभयो । “शिक्षा, स्वास्थ्य, होटल, खुद्रा पसल, उद्योग कलकारखाना, यातायातलगायतका सबै क्षेत्रलाई जोड्दा यस क्षेत्रमा एक दिनमा रु दुई अर्बभन्दा बढीको घाटा व्यहोर्नु परेको छ,” उहाँले भन्नुभयो ।
वीरगन्ज–पथलैया औद्योगिक क्षेत्रमा साना ठूला गरी एक हजारभन्दा बढी उद्योग छन् । बन्दले सबैभन्दा बढी दैनिक ज्यालादारीमा कार्यरत मजदुर प्रभावित भएका छन् । यो करिडोरमा १९ हजारभन्दा बढी मजदुरले प्रत्यक्ष रोजगारी पाएको नेपाल ट्रेड युनियन महासङ्घ (जिफन्ट) ले जनाएको छ ।
विद्युत् आपूर्तिमा देखिएको अनियमितता, चर्को विद्युत् भार कटौती, चन्दा आतङ्क, बैंकको चर्को ब्याजदर र बजार अभावलगायतका विभिन्न समस्यासँग जुध्दै उद्योग सञ्चालन गरिरहेका उद्योगी बन्द हडतालले निरास भएको वीरगन्ज उद्योग वाणिज्य सङ्घले जनाएको छ । रासस