• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक ★   विश्वकै लामो फिल्म, जसलाई हेर्न ३ दिन बढी समय लाग्ने ★   धैरे पटक चुनाव हारेर रेकर्डः २३८ पटक चुनाव लडेर हारेका नेताजी फेरि चुनाव लड्दै ★   झापा पुगेर गृहमन्त्रीले भने- पीडकसँग प्रशासन-प्रहरीको हिमचिम अन्त्य हुनैपर्छ

यु–१९ फुटबलमा भारतद्वारा अफगानिस्तान पराजित



काठमाडौँ, भदौ । पहिलो १९ वर्ष मुनि (यु–१९)को साफ च्याम्पियनसीप फुटबल प्रतियोगिताअन्तर्गत समूह ‘बी’को खेलमा भारतले अफगानिस्तानलाई २–० गोल अन्तरले पराजित गर्दै विजयी सुरुआत गरेको छ । 

सातदोबाटोस्थित एन्फा कम्प्लेक्स्को मैदानमा आज भएको खेलको १०औँ मिनेटमा नै भारतका कमलप्रीतसिंह ग्रेवालले हेडिङमार्फत सुन्दर गोलगर्दै मध्यान्तरअघि आफ्नो टोलीलाई १ गोलको अग्रता दिलाएका थिए । मध्यान्तरपछि ८७ औँ मिनेटमा अनिरुध थापाले गोल थपेपछि भारतको जीत सुनिश्चित भयो ।
यसअघि, अफगानिस्तानले माल्दिभ्सलाई ३–१ ले पराजित गरिसकेको छ भने भारतको यो पहिलो खेल थियो । समूह ‘बी’मा दुवैको तीन÷तीन अङ्क भएको छ । समूह ‘ए’ को पहिलो खेलमा नेपालले भुटानलाई ३–१ ले पराजित गरेको थियो । नेपाल एक खेल अगावै सेमिफाइनलमा प्रवेश गरिसकेको छ । शनिबार भएको खेलमा बङ्गलादेशले भुटानलाई २–० गोलअन्तरले पराजित गरेपछि नेपाल एक खेल अगावै सेमिफाइनलमा प्रवेश गरेको हो ।
जारी प्रतियोगितामा नेपाल र बङ्गलादेशले समान ३÷३ अङ्क जोडेका छन् । आफ्नो दोस्रो खेलमा नेपालले समूह विजेता हुनका लागि हुने खेलमा सोमबार बङ्गलादेशको सामना गर्दैछ ।
दक्षिण एसियाली छ राष्ट्रले भाग लिएको यस प्रतियोगिताको समूह ‘ए’ मा नेपालसहित बङ्गलादेश र भुटान छन् । त्यसैगरी, समूह ‘बी’ मा भारत, माल्दिभ्स र अफगानिस्तान परेका छन् । रासस